婚後一個月!

眨o下眼都無咁快...咁就一個月喇,呢個月入面,一半時間去o左honeymoon,另一半時間就係o係屋企執執執,真係無停過!!

老實講,由婚後第一日,一直到honeymoon,甚至到番o左o黎香港,我都有問我老公子,'咁就結o左婚喇?','你覺得同以前有無分別?'...

得出o既結果,同我自己o既答案一樣: 無分別!

哈哈,點解會咁o既呢?唔通之前實在拍拖太耐,一早就'老夫老妻'feel?定係婚姻生活,本來就唔似想像中咁特別??

經過一個月朝見晚見o既生活,除夜訓外,大至上兩口子生活都無咩磨擦,最多只係我長氣'鵝'老公子無手尾,呢樣o個樣亂咁放,老公子又覺得我執得太正,'搖控器放過D都唔得'(我要強調,我老公子講o野不嬲誇張!!),哈哈!!

結婚一個月紀念,我o地唔會慶祝喇,其實都無諗過要慶祝,不過今晚會分頭去拎信用卡/超巿禮卷,再會合去旺角行直銷中心,希望快d為新居添置埋餐枱、梳妝台同飾櫃啦!!