五點半起身,目標係6點半去到Pireaus,結果手腳慢加上行李過重,metro又無電梯,於是成6點四五個字先上到Metro,結果6點十先去到Pireaus!!好彩,個碼頭真係對正metro出口,幾步就到,所以都好順利上船!!
Pireaus碼頭!
上到船,被人指o左上甲板,但唔對路喎,明明買飛寫住non-smoking,但甲板呢度明顯煙霚濔漫喎!!於是落番下層問,結果職員叫我o地坐室內!!樓下室內係就係無咁大煙味,不過,其實都係'Smoking Area',可能係香港禁煙習慣左無煙o既室內環境啦,程船要捱五個鐘煙味真係唔太好受,唯一慶幸o既,可能係希臘D煙唔太臭,我都係後尾貪有窗口靚位,坐正係班煙民附近先聞到,為左睇靚海而付出一下,都值o既!!
本來我o地唔係坐窗口邊,但後尾見有位,就坐埋去!!相入面呢班人,除小朋友外,10個有10個係煙民!!
由香港帶過去希臘o既囍餅,當早餐一流!!
開船喇!!
bye bye Athens!!
五個鐘望住個海,其實都幾悶,唔知點解個海咁大,一條海豚都無,唯一可以欣賞o既,只係o個種'深藍',點解香港d水唔係咁深藍o既呢?
呢杯細細o既Coffee,要3.4euro!!
點解個海可以藍得咁靚o既??
同老公子無無聊聊,回顧下大日子有無咩特別事,襯有記憶用筆記本寫底o左少少,大約寫到出左門吧,哈哈...之後太支力,訓左陣,不知不覺就到Mykonos喇!!
仲記得埋岸o個陣,我同老公子反應一樣,'希臘小島就係咁喇?'!!
點解會有呢個反應?因為未埋岸前遠望小島,小島大部份地方都係光秃秃,好似寸草不生咁(後尾先知,呢慿並唔係寸草不生,只係生出o黎o既草都曬到枯枯黃黃,遠望咪似光禿禿囉!),白屋仔除town外都係梳梳落落,同我o地想像'好靚啊!'o既感覺有d出入...!!!
前面就係Mykonos喇!!
等落船,大家睇,前面o既Mykonos係咪好荒蕪咁??
o係New Port上岸,陽光比雅典更熾熱,好似去o左沙漠咁!!
New Port!
好快我o地就搵到K Hotel架車,有車接去酒店真係好方便!!
K Hotel o既職員好高,好勁咁一個人拎晒我o地d行李,又上樓梯又上斜,好勁!!
我o地間房,賣相唔錯o架,係張床褥林o左d!!!
酒店知我o地係honeymoon,送上酒同生果!
露台望到日落o架,好靚呀!!
出去遊覽前,先o係酒店開餐先!!!
為o左今次旅程特登買o既旅行鍋出場喇!!!仲有o係HK帶過o黎o既公仔麵,杯麵同紫菜
Cheers~~!!(相片背後...我o地影完張相就即番入室內開餐,因為出面實在太曬喇...哈哈,所以話,浪漫,好多時係營造出o黎o架咋!!)
出發去街街喇,先o係酒店影下相先!!
呢個角度靚唔靚呢?
酒店泳池!!
酒店出面不遠o既花花!!
酒店外觀!
明知正值太陽最曬o既下午時段,但為o左爭取時間觀光,我同老公子照行出去town center!!
行出town center條路唔難搵,但最辛苦係烈日當空,o係太陽傘保護下,我還可以,但老公子行到town center時就已經因為又餓又熱,開始發脾氣!!發脾氣係有原因o既,因為唔怕餓只怕影唔到靚相o既我無理過佢有幾餓,只顧影影影!!
呢個圓頂教堂o既物體,我一度誤以為係藍頂教堂...後尾睇番資料先知自己搞錯...藍頂教堂o係Santorini呀,唔係Mykonos, so stupid, haha!!
到Mykonos Town喇,街道兩旁都係白色屋!!
圖中左邊係當地舖頭賣o既衫,賣十幾至幾十EURO,感覺上同o係女人街o既無分別,我同老公子都覺得,同一件衫放o係女人街,就算賣HKD30我諗都唔會買!!
哈哈,曬到lar埋口面!!
好彩,town center o既白色屋仔遮擋下無咁熱,食埋兩個Gyros後,老公子終於充滿力量,回復正常,兩個人開開心心繼續o係好似迷宮一樣o既白色街道中穿插!!
哈哈,老公子明顯覺得lunch o既公仔麵唔夠喉!!
行行下到o左Little Venice!呢度,都真係幾'little'!!
o係白教堂後面附近行出去一堆石度影過去五座風車!!
呢個位置,其實好臭,但影出o黎個view幾靚!!
白教堂!
白教堂外有對型男索女正在拍廣告!!可惜我影唔到佢o地正面!!
行去Old Port!!因為我o地又要去船office拎去Santorini o既船飛!!
呢張相,我諗極都諗唔番係邊影...
行o左上五座風車度!!!
無人幫我o地影,自拍下合照只影到四座風車添!!
Mykonos景點都去完喇,行番入town center左穿右插!!
行行o下,去o左條巷仔度見到間專賣海綿o既舖頭,雖然呢間賣o既海綿唔係特別平,但佢唔似其他賣手信o既只係搭單賣海綿,感覺上比較pro,所以我o地就o係入面買o左一舊細海綿留念,我o地仲同老細傾o左幾句,了解下海綿其實o係幾深水入面生長,要幾耐先長大,放o係門口超大o個舊震店之寶海綿賣幾錢,D人買咁大舊海綿番屋企做乜,哈哈,好有趣呢!!
成間舖都係海綿!!牆上仲有打撈海綿o既圖片添!!
左邊舊海綿,價值300euro!!
呢舊係震店之寶,價值500euro!!!
行行o下見到有人整緊意式餃子,仲見到有個'藝術家'o係度油緊Mykonos o既街道!!
7點左右,細細o既Mykonos Town行完,無o野做下,於是就去Little Venice是但搵o左間望海餐廳坐低等睇日落!
未到日落,但又要坐海邊位,結果怕曬o既我,用menu擋擋擋!!
金光閃閃o既海!!
接近日落時間喇,天色開始變成金黃色!!
呢餐晚餐,係全程最貴一餐之一,賣單要64EURO,但只係食煎魚...
日落喇,個日落係幾靚,不過原來個太陽唔係落海,隱約見到極遠唔知係山定雲,所以欣賞唔到落海o既日落,有少少失望!!
金黃色o既五座風車!!
金黃色o既Little Venice!!
雲很多呢!!
日落了!!
睇完日落走,o係白色迷宮內,我同老公子又亂行,忽然間,前面好多人,原來...島主出巡呀!!!
Mykonos有三隻'島主',其中一隻就係呢隻鶶鵝喇!!
佢行得好快呀,我追住佢先影到合照!!
老公子仲摸佢個頭添,島主即係島主,見慣世面,一d都唔怕人o架!!
島主原來好大隻o架,而且一D都唔怕人,佢自顧自咁o係小巷左穿右抽,比所有遊人都熟路,我同老公子,仲有十數個遊人,就一直追住佢後面,好想知道佢行咁快,究竟係去邊!!
追追追,到o左一間叫Nikos o既餐廳,餐廳負責人向島主一招手,島主就一支箭咁入左kitchen,哦~原來島主要開飯!!
島主就係入o左呢度門度開餐喇!!
呢間餐廳好多人,睇番自己搵o既資料,原來都話呢間餐廳比較好味,不過呢度睇唔到日落...而且更重要係,之前胡亂咁行,跟本都搵唔到呢度,哈哈!!
見完島主,仲見到呢個打扮極誇o既'女'人...佢一開聲,原來係男人o黎...我同老公子估佢係變性人呢!!
島主都見過,係時候番酒店,胡亂咁行行行,最後都係認唔到路,要問人先出到去!呢晚,我o地買o左第五支價值1euro o既水,點知...
原來士多對面就有間'Market'!!!
入Market一睇,一Pack6支水只係2.35euro,撞鬼!!望住手上o個支1euro水,好無奈!!!(後補: 要捱貴水就怪我對'Market' o既定義係好似百佳惠康咁,點知希臘o既'Market'係'價真棧'咁囉...自從知道'Market'係點,之後先發現周圍都有Market,可惜太遲喇,因為我o地之後唔使再買水喇!!!)
沒有留言:
張貼留言