結婚禮物

婚後已經一個月有多,婚禮當日o既正相仲要等多個幾兩星期先有,好心急!!!到等齊相,我一定會盡快寫結婚當日o既事俾大家分享o既!!!

至於剛過去一周,簡記如下:

去完旅行間屋到而家仲係有d亂,結婚禮物都係上星期先得閒處置佢o地...

禮物唔多,但全部我o地都好鍾意,既有實用o既,亦有靚o既!!!

呢個係屋企toilet對出走廊位o既壁燈,左邊一對狐狸水晶公仔係我爸爸同事送o既,右邊企鵝仔水晶擺設就係老公子同事送o既!!至於中間o既水晶吊飾下面o既立方體擺設,係老公子N年前,o係唔使我叫之下,第一次送俾我o既'玫瑰花'!!

我同老公子決定每月20號換床單,哈哈!!呢套就係訓左一個月o既龍鳳床單!!套床單真係越睇越靚,仲好滑添,嘻!!

7月20變身後!!!呢套床單係舅父舅母送俾我o地o架,又係好靚,被單同枕頭仲要有通花,我個炭枕頭灰灰o地,透出o黎令到個通花好突出,好靚呀!!

雀仔萬年曆放o左上琴面,好襯部琴呢!!

呢個都係禮物之一,係萬麗酒店放o係房到送俾我o地o既朱古力!!哈哈,o係瑞士無買到朱古力俾自己(只買俾人做手信!),但番到香港都有美味朱古力食!!

哈哈,分享完結婚禮物,分享一下過去一周我o既生活啦!!!當然,沉悶o既抹地洗衫當然唔好提啦...兩個人住,其中一樣重要o野,就係學煮番餐...不過,我呢D BB班都未入流,真係有排學!!

第一餐開爐飯,好可憐o地,我要一個人食,無記錯係煮公仔麵,相中呢一餐係第二餐(打風o個晚煮o既)開爐煮o既'屋企飯','入門菜',當然係諗都唔使諗點煮o既打邊爐,哈哈!!!

剛過去o既星期四晚,今次無咁求其喇,'認真'o左少少!!煮雞扒羅絲粉!!

材料有羅絲粉,o係萬麗拎番o黎o既茄汁,特價雞扒,o係瑞士買o既Appenzeller Cheese同蜜糖!!好慳皮呢!!

第一次著起伴娘Natalie送俾我o既生日禮物,靚靚圍裙一條...我到而家都仲係覺得呢份禮物好貼心好有心思!!其實條圍裙真係好靚,我真係唔多捨得煮o野食整污漕佢!!(大家見到去完旅行o既我係咪黑o左好多呢!!!好彩呢張相都唔算太似賓賓o者!!)

完成品!!!由於未有焗爐,d靚芝士唔太溶!!雞扒方面,第一次用電磁爐煎o野,火力好易控制,D扒煎到金黃色,自己都忍唔住要讚下自己!!

呢一餐,老公子覺得幾好味,好開心!!不過我知佢應該唔多滿足,因為佢始終鍾意食飯多d!!希望下星可以拎到個飯煲番屋企,等我試下煮飯啦!!加油!!!

最後送張自拍o既'o靚模'相俾大家...哈哈...第一次紮單邊髻,扮下cutie先!!(後面係新屋o既鏡中倒影,等屋企再整潔d,傢俬再齊D再同大家介紹下!!!)yeah!!