中醫

原來同事當中有一位太太正在學中醫, 尋日食食o下飯講開把脈, 發現一位男同事手腕d脈勁到眼望就見到, 好誇張...

之後, o個位太太望到我手掌, 佢話我手掌舊雞脾(手指公對落)好明顯, 顯示我健康唔差, 係一個好捱得o既人!!捱得??? 自問都好似真係幾捱得, 不過我唔想捱o架喎...

之後佢再話我個黑眼圈好勁, 佢話咁係反映我脾臟同個胃健康差, 話我會成日胃唔舒服多胃氣肚頂頂, 仲有話我睡眠比較差...

嘩!!!中晒呀!!!仲準過睇相...我細細個就己經胃氣差肚頂頂, 食少少就成日作嘔反胃, 大個雖然情況好d, 但平均每隔幾個月都仲係會出現胃氣多肚頂頂o既情形, 仲要次次一出現就係成個月...至於睡眠差, 識我都知我一向勁醒訓, 原來係同脾胃唔好有關...

同事之後著我洗完頭一定要吹乾個頭, 唔好俾自己積聚太多濕氣...嘩, 又中呢, 我一向好少吹頭, 最多吹到半乾咋...另外, 叫我訓得唔好可以試下訓前用暖水浸腳, 加速血液運行, 但同樣地, 一定要抹乾雙腿, 唔可以俾自己咁多濕氣!!!

其實我從來無睇過中醫, 亦只係以為自己比平常人黑眼圈深...但估唔到係同脾胃唔好有關喎, 同事講o既都好中, 好神奇呀!!!

咁等我以後都係乖乖o地, 先從勤力吹乾個頭做起, 唔知咁樣我眼圈同睡眠質素會唔會因此得到改善呢??