行運一條龍 (有offer, 仲嬴o左冠軍!!!)

呢頭先話我手上o既'雞脾'好大隻, 應該係好捱得好少病痛, 點知尋日開始就作感冒, 下午係公司好辛苦, 放工後睇醫生, check到無發燒, 不過今日喉嚨好痛同咳得勁過尋日, 都係請o左病假係屋企休息...no pay就no pay啦!!!!

訓到十點半, 電話響, 269xxxxx, 嘩, 仲唔係你???

無錯,各位有追看我搵工o既老友記, 我今日終於等到份cu打o黎出offer俾我喇!!!

人工雖然同我expect一樣,低而家好多好多(其實佢都係同政府一樣, 如果我係compu畢業, 我人工可以高多3k, 但我唔係呢...), 但換o黎咁近o既工作地點, 慳錢慳時間, 仲要non-commercial o既工作環境, 唔會太demanding, 最最最緊要係2年contract, 我畢業後都未試過做一份工可以長過一年三個月, 呢份2年約對我o黎講真係一份好穩定好穩定o既offer!!!!

雖然, 老公子覺得我而家番aia人工高好多應該好d,contract又係renewable都算穩定, 但我為o左cu 份dream job努力o左咁耐,一早個心都偏o左去cu度,所以....人工低d就低d啦, 但願我決定係無錯o既!!唯有辛苦老公子搵埋我減o左人工o個筆啦!! yeah!!!

呢頭收到有offer呢個好消息, 轉頭我又收到個call, 係新城電台打俾我, 話我之前join o左個'旅遊好寫得'活動得到冠軍...o下???咁突然, 係真唔係呀??

其實三月時新城曾經係我blog留言(http://hk.myblog.yahoo.com/ck20090620/article?mid=7122)邀請我參與佢o地o既個'旅遊好寫得'活動, 當時我咩都唔使做, 佢地工作人員幫我由yahoo post d 文過去, 咁我咪join囉, 都無諗過係要win d 咩, 連yahoo blog呢邊我都無post link宣傳, 咁都俾我得到冠軍, 真係好surprise....

新城話, 冠軍係近4萬o既澳門package... o下???澳門???我6月頭剛去完呀...!!!!4萬???澳洲都去到喎, 係咪真係澳門o架???唔通坐直升機去???(收o左新城線後即通知老公子, 佢都問我係咪d騙局...)

於是我click番去新城睇(http://www.metroradio.com.hk/997/Travel/BlogMain.aspx), 真係見到自己係冠軍喎!!! (咁大個女中文作文一向係弱項, 真係發夢都唔敢相信自己會得到同寫作有掛o既獎, 仲要係冠軍添...!!)

原來個頭獎真係去澳門唔係澳洲, 但個package真係好似好豪, 我問老公子好唔好賣o左個獎, 但老公話唔好, 始終係luck, 剛去完澳門咁咪唔使waste時間再出街, 可以專心enjoy超豪酒店, 仲好喎!!!

間房咁靚o既...我feel到我同老公子要著晚裝先襯得起呢...

由於新城指定要平日去領獎, 因為要順道同我做個訪問, 而家咁o岩我有offer, 下星期1日通知就resign得, 所以我約o左星期五去新城, d時間真係夾都無咁o岩!!!

雖然病到個人好支力, 但今朝一連兩個好消息送o黎, 成個人都精神番唔少呢, 認真覺得自己今日行運一條龍呀, 最衰今日賽馬日投注站多人, 我又病唔想出街, 唔係我諗我真係要去買埋六合彩先得呢!!!!

p.s.我同老公子似乎同澳門有d緣, 因為五年前, 老公子就係中o左獎券2獎送o左中旅社澳門package1000蚊現金券, 我同老公子先第一次去澳門, 今次中獎, 又係澳門呢!!