希臘瑞士Honeymoon之旅 ~ Day15: Geneva (10/7)

今日係15日希臘瑞士honeymoon之旅o既最後一日喇!!!老實講, 心情真係好矛盾, 因為一方面好唔捨得瑞士呢個咁靚o既地方, 但另一方面我o地兩個都因為連日奔波而覺得支力, 好想快d番hk食番碟美味o既中國菜...

最後一朝, 早餐都算豐富!!!

原本住呢度係想朝早可以去西庸城堡參觀, 不過我同老公子都實在太累喇, 唔想再趕頭趕命, 於是呢朝我o地決定去酒店側邊o既葡萄園漫步算喇!!!

大家唔好睇少呢度, 因為呢度都係世界文化遺產之一呢!!!

資料顯示: 拉沃葡萄園梯田(Lavaux Vineyard Terraces) 起於蒙特勒南部的西庸古堡，沿日內瓦湖北岸向南綿延約30公裡，直至沃州中部的洛桑東郊，包括村舍與湖水之間的山腰斜坡。盡管有證據顯示在羅馬時代就有葡萄生長，但現在的葡萄園卻要追溯到11世紀，當時這一地區由本篤會和西多會的修道士控制。這裡的鄉村景觀、小城鎮以及密集種植的葡萄體現了十多個世紀以來生產和惠益體系的變化。葡萄園中留有大量的房屋、磨坊和堡壘遺跡，許多景觀都反映了釀酒方式在不同時期的演變。通過保存下來的景觀和建築物，以及對經久不衰的文化傳統和地區特色的傳承和發展，拉沃葡萄園的文化景觀清晰展現了千余年來的演變和發展。此外從中也可以看出，幾個世紀以來，為優化當地資源，釀造對當地經濟具有重要價值的高品質葡萄酒，人類和環境之間進行著互動。當地社區一直大力支持采取保護措施，抵抗快速發展的城市住區，因為這會危及當地景觀。(聯合國文化遺產網頁: http://whc.unesco.org/en/list/1243)

呢度放o左好多酒呀,不過我同老公子都唔識佢地...
(cindy, 唔係講少, 我即刻諗起chris o架, 如果有佢係度做導遊介紹就好喇!!!)

葡萄園周圍都無咩人, 不過我o地都唔多敢亂行呀,只係外邊同d葡萄影相!!!

貪食先!!!

ah~~~~

其實d葡萄好酸呀!!!!唔知係咪仲未全熟呢???

由於無撞到d咩人, 就算撞到, 我懷疑雞同鴨講都應該溝通唔到, 我地最終都無緣一嘗呢d葡萄酒莊釀o既酒喇!!!算啦, 都係番酒店慢慢pack o野走啦!!!

要走喇, 影多幾張相先!!

點解我成個trip都無同呢d靚花合照呢?? so stupid, haha!!!

蜘蛛網都影!!

走lu, bye bye Rivaz!!!

呢間就係我o地住o既hotel喇!!

bye bye喇葡萄田!!

去到vevey轉車!!

除o左葡萄田, 仲見到好靚o既太陽花田呀!!!

仲我o地其實係下午4點幾機, 但我o地諗住早d到機場check-in先, 咁就可以輕鬆d唔使拎住咁多行李同埋多d時間行geneva!!!!點知...

Qatar airline o既'大爺' ar大腳樣衰衰咁坐係度, 遲遲都唔開counter...

我同老公子太無聊...同行李整o左個'行李斜塔'...

結果, 我o地等o左成個鐘先check-in到...真係浪費晒d寶貴時間呀...!!!不過, 等check-in時識o左個係法國留學o既靚女香港人阿jen, 佢好叻, 識講多國語言, 同佢傾o左唔少計, 估唔到咁都識到朋友仔,haha!!!

好喇, 終於可以出去日內瓦行o下喇!!!

wow, 噴泉呀!!!"瞬間看地球"成日見到佢o架, 終於可以親眼見見喇!!!

無腳架, 又係自拍o既時候!!!

之後, 我o地叫途人幫手...

途人A....(想點呢???影到我頭頂生角咁...)

途人B....(好過A, 但都係遮得太多喇...)

途人C....(合格, 但人太細...)

途人D....(PERFECT!!!!終於收貨!!!)

教堂...

花鐘應該係對面!!!

不過時間唔許可喇, 所以其他景點我o地都無時間去lu!!!!

番機場前入o左呢間朱古力店最後掃貨買手信, 洗埋d瑞郎!!!

上機喇, 心情真係好複雜呀, 既唔想旅程就此結束, 但又好想快d番到自己屋企張床度休息呢!!!

bye bye 瑞士, 唔知我o地幾時可以再見呢!!!

美味飛機餐!!!

番到hk好大雨呢, 原來係三號風球呀!!!

件大行李重傷不治喇...

由於太掛住中國美食, 我同老公子去o左潮樓飲下午茶, 真係好正, 老公子食得超開心!!

十五日honeymoon旅程終於結束喇!!!!

而我, 亦終於趕及係結婚周年前清晒d honeymoon日記, 寫埋後記就大公告成, yeah!!!!!!!