希臘瑞士Honeymoon之旅 ~ 總結!

前後約9日o既趕頭趕命瑞士行程終於結束, 雖然一方面好唔捨得瑞士美景, 但我同老公子都為唔使再搬行李趕火車而感到鬆一口氣!!

總結9日瑞士文化遺產之旅, 原來我同老公子總共去o左5個瑞士文化遺產同1個自然遺產呀:

Cultural

• Convent of St Gall (1983)
  
  


• Lavaux, Vineyard Terraces (2007)
  
  


• Old City of Berne (1983)
  
  


• Rhaetian Railway in the Albula / Bernina Landscapes (2008)
  
  


• Three Castles, Defensive Wall and Ramparts of the Market-Town of Bellinzona (2000)
  
  

Natural

• Swiss Alps Jungfrau-Aletsch (2001)
  
  

(聯合國文化遺產官網(瑞士): http://whc.unesco.org/en/statesparties/ch)

同希臘一樣, 等我對瑞士衣食住行人寫番d總結先!!!

衣: 瑞士天氣比較清涼,基本上,著住簿簿一件長袖衫都唔會覺得好熱!當然,如果你住係瑞士海拔較高o既山區位置,天氣又會再涼一點,厚褸如羽絨真係唔少得!另外,如果要上雪山,緊記帶黑超及穿著防水長褲,鞋就最好穿著爬山鞋,如果唔係就好似我同老公子咁,因為鞋底唔夠防滑而係雪地上舉步為艱!

食: 基本上,我同老公子大部份晚餐都係自己煮o黎食!!買食物o既主要地點係Coop同埋Migros,呢兩間係超巿有點似香港o既7-11加百佳o既合體版!d人成日話瑞士消費貴,但我同老公子都覺得係Coop同Migros買肉其實同香港比唔係貴太多,雖然一pack肉可能要60-70HKD,但佢真係份量十足,d肉大大件又好味,計番同樣重量質素,係香港買其實都差唔多價錢呢!!

至於瑞士美食,雖然唔算食o左好多餐,但最好味應該都係瑞士火鍋同德國腸喇!!至於其他都普通啦,可能唔多o岩中國人口味呢!

住: In general,我o地peak season去如果要住有獨立toilet o既hostel或hotel,最少都要預1k/night,都真係幾貴o架,但大部份酒店都好大好整潔,住得都幾舒適,唯一不滿可能係部份酒店無電視吧!!

行: 瑞士交通主力靠火車,可能因為咁,路上車輀唔多所以空氣都特別清新!!不過,火車班次係某d偏遠地點會比較疏,唔想miss o左等成個鐘先有下班車就最好事前check清楚火車班次同準時到火車站,要轉車o既最好搵定月台number,咁就萬無一失!!

人: 其實我同老公子都唔多肯定係瑞士接觸到o既其實有幾多係瑞士人,如果講坐火車同舖頭d瑞士人,其實大部份都唔算太nice,或者咁講,比較似香港人咁冷漠一點,笑容缺乏一點吧!!

手信: 瑞士朱古力當然唔少得啦!由於去過 Zermatt o既Matterhorn,我o地主力就買以Matterhorn做標誌o既三角朱古力做手信...點知番到香港先知我以為自己買o既瑞士版三角朱古力原來香港都有得賣...!!

 

手信出場!!!

瑞士朱古力,兩大包朱古力粉(上網見blog友極力推介,於是買o左2大包,到而家都未用晒一包呢!!), 125周年紀念版軍刀, appenzell芝士, 磁石, 牛噹噹, 瑞士水杯, 仲有我同老公子最鍾意o既,係Appenzell買o既瑞士鐘,真係好鍾意!!

總結兩地行程,由24/6至10/7(抵港其實係11/7), 為期15日o既希臘瑞士Honeymoon之旅總算係順利結束!!我o地無遇到希臘罷工, 亦無錯過一班瑞士火車!!

對於希臘同瑞士呢兩個國家, 我同老公子都認為各有各可愛之處: 希臘有浪漫o既日落,瑞士有怡人o既翠綠山水, 兩者好難比較...不過我個人就鍾意瑞士多一d, 雖然因為我行程安排令行程過於緊密而有d辛苦, 但整體上, 瑞士俾我感覺還是很舒服,好值得再去!!!

如果有機會重遊呢兩個地方,我諗我會好想再到希臘o既Santorini同埋瑞士o既Appenzell,唔知將來係咪真係有呢個機會呢??

Honeymoon戰利品大合照!!