峰迴路轉

為o左遲遲無聲氣, 但我又一心抱有極大期望, 覺得自己'好大'機會入到o既中大...

為o左'有可能'因為中大請我而令我要resign boc份job兼賠半個月糧...

我前日竟然做o左個自2月中搵工以o黎都一直唔想去做o既決定...

打番去AIA!!!

...

其實AIA二月尾己經打過俾我問我有無興趣番去, 當時一心以為上一份工有得續o既我當然吊高自己o黎賣啦...

雖然失業一個月, 但我其實一直都無諗過要番去AIA食回頭草, 因為...又係因為覺得自己會因為中大而resign...覺得呢頭rejoin又resign實在太'衰女包', AIA d'小家男人們'又口多多, 我極怕因此而被人'唱一世', 所以我真係唔想番AIA...

但, 現實係...boc個offer實在太差, 為o左o個半個月糧以及5個月後唔使再搵工, 我前日竟然決定搏一搏, 寧願做'衰女'都好過唔見半份糧!!!

中大請, 咪做'衰女'囉, 俾人唱咪唱囉, 中大都請o左咁我仲怕咩俾人唱!!!就算中大唔請, AIA呢邊保誠收購唔成, 只少我可以穩穩定定有一年工番嘛, 咁計法似乎比接受boc個offer有保障得多!!!

就係咁, 今日我就一朝早出o左中環見HR, 之後再番司徒拔道見舊同事!!!如果順順利利, 呢兩日應該會有offer, 下星期一我就可以結束係屋企發霉o既生崖!!!

不過, 如果番o左工, 要去中大見工咪難上加難???

...

中大呀中大, 你唔好再玩我啦, 打個電話cofirm我個application都好呀!!! 今時今日仲要郵寄application實在太落後喇, 最衰仲係中大hr寫明唔受理applicant打去問收唔收到application...咁究竟係你o地d中大人做o野慢定係我份application睬大吉利是寄唔到先得o架...你知唔知我為o左你幾辛苦, 連揀份工都要諗定為o左你而resign要點做點做, 但事實上你又遲遲一d聲氣都唔俾我, 搞到我日日望住個電話希望係你打o黎, 真係等到人都癲喇!!!再咁落去, 我都唔敢想像到時你o地唔請我我會有幾失望...

中大呀中大, 求o下你快d俾個電話我啦....嗚...