16/12/2010 (17W2D)
17周, 體重120, 肚33.5寸, 同11周時一模一樣...好彩剛過去o既政府同私家檢查都顯示BB size好正常...
有時咁諗可能有D賤, 但係, 如果咁嘔落去, BB又吸收到, 我又唔使重好多, 咁生完咪唔使怕肥要減囉????
===========================================
早o係近3星期前, 亦即係我去澳門o個日, 我o係公司咁o岩將手放o係小腹上, 忽然, 肚皮傳來兩次輕微震動, 感覺疑幻似真, 究竟係唔係真係BB踼呢??
自o個日起, 我只要'覺得'BB郁, 我就會將手放o係肚皮上, 希望感覺到震動, 當然, 事實上唔係次次都有震動啦, 不過, 間中feel到震動時, 我同老公子都好開心!!
上星期私家產檢, 醫生話我feel到o既並非真係胎動, 正確D講, 我只係feel到BB郁到D胎水而傳O黎O既胎水震動!!!
自踏入17周, 胎動似乎真的出現喇!!!!! 感覺唔係'輕微震動'喇, 而係肚皮內好似有人一下下咁向外篤咁....有時, 乖豬仲幾大力添o架, 明顯到我自己都覺得突然, HAHA!!!另外, 就好似朋友以及從其他媽媽blog中所講一樣, 訓o係床時最明顯!!
老公子唔止一次問過我'痛唔痛', haha,我諗有排都未到痛o既地步吧!!我試圖用'好似有人係肚皮入面向外篤'咁形容俾老公子聽, 但佢話'想像唔到'...
哎唷,老公子呢世都唔會感覺到呢!!
連續兩晚, 我都有叫老公子放隻手係我肚皮度, 但暫時老公子仲未feel到呢!!!
乖豬呀乖豬, 希望你快快長大, 踼大力D, 俾你爸爸feel到你踼佢啦!!
我都係咁呀~~ 有時佢一郁就會望住個肚 又會不由自主咁摸住個肚 總之一feel到佢郁就會好興奮~~~ 有時都覺得自己係咪太過緊張~~~ 但真係好enjoy佢踢黎踢去個d感覺~~~ 其實就算而家3x幾周 佢踢得好大力我都唔係覺得痛 不過有時佢向下踢就真係有d唔舒服既~~~
回覆刪除[SkyBlue回覆01/03/2011 13:16:00]我朋友話會望到, 但我仲未'望到'肚皮郁呢!!!
咁你要好好ENJOY埋呢個幾月佢係你肚入面踼你o既日子呀!!!
呢家越踢越多都慣左喇, 佢仲會向後 (腸?!) 踢, 好得意架。
回覆刪除[SkyBlue回覆01/03/2011 13:32:00]我有時會feel到佢唔係踼上肚皮, 我都會諗佢係踼緊我D咩...HAHAAHA!!!
好得意咁...但講真...我有d驚...我媽咪話我以前都成日踢佢...好驚呀~~
回覆刪除[SkyBlue回覆01/04/2011 09:12:00]唔驚o架!!!而家佢日日都踼我, 有時都幾活躍咁o架, 都幾得意!!!相信你好快就FEEL到o架喇!!!
你咁嘔法都幾老土喎. 會唔會食某啲食品令你無咁想嘔? (eg 雞粥)
回覆刪除[SkyBlue回覆01/05/2011 20:46:00]無o架, 雖然個人好想食甜o野囉, 但食完糖水或甜甜酸酸o既餸菜都係會嘔o架!!
第一次FEEL到胎動, 果一刻真係有想喊既感覺架!!
回覆刪除[SkyBlue回覆01/06/2011 16:22:00]我老公只係話幾得意咁咋~~
至於我, 可能係漸漸咁越O黎越FEEL到, 而唔係無啦啦一下好突然咁feel到, 所以我感覺都無想像中大, 只係覺得好得意咋, HAHAHA!!!
我個fd嘔到生呀.......
回覆刪除[SkyBlue回覆01/09/2011 15:18:00]我今個星期(剛過o左20周), 好似開始好少少喇, 嘔少o左, 希望繼續好落去啦!!!