完成大掃除!!!

真係要同老公子講聲多謝, 因為連續幾星期o既weekend都要麻煩老公子為屋企大掃除!!!(老實講, 真係好抵讚, 因為原來老公子一係唔做, 一做就做得比我更認真同仔細, 真係好叻!!)

而家屋企最最最污漕o既地方, 包括連入伙時都無處理過o既toilet同kitchen o既抽氣扇而家都超乾淨!!廚櫃, 床下底同走廊天花櫃o既儲物空間又執好!! 老公子仲拆左入伙年半有多以o黎無拆過o既燈罩, 原來一早個廳就燒o左2個燈膽, 唔怪得我o地成日覺得屋企好暗啦, 而家由3隻12W燈膽加多3隻15W, 間屋即刻超光猛, 人都精神D!!! (老公子猛話咁光好正, 不過我覺得可以減番一個15W, 因為而家好似光得滯, 但老公子應該唔會再整喇!!)

尋日我同老公子出左沙田一田辨年貨, o個度超多人, 商場又開暖氣, 搞到好似唔夠氣透咁, 行到我成個人暈陀陀好辛苦...番到屋企即刻坐係SOFA唔願郁... 

仲有幾日就大年初一, 多謝老公子為屋企出o左咁多力, 希望我o地繼續開開心心, 迎接呢個特別o既兔年!!!