25/1/2011 (23W)
肚圍: 36寸, 體重: 126磅
====================================================
27/1/2011 (23W2D)
今日同尋日睇o左幾個講生仔經歷o既blog, 睇到自己心驚驚但又好感動...
...
====================================================
另外, 4位準媽媽第一次於淘寶用集運買野, 搞o左個幾星期, 終於收到總值2千幾蚊o既貨喇!!!! 13KG, 好大份呢, 好想快d拆箱, 不過都要等多日, 因為聽日爸爸先得閒幫我由公司車呢大舊o野番屋企!!!
====================================================
29/1/2011 (23W4D)
尋晚去完我媽度食飯番到屋企9點幾, 其實應該沖涼休息, 但實在忍唔住, 都係第一時間拆箱, 欣賞o下淘寶買番o黎o既戰利品, 結果我點貨同排靚d貨搞到11點先去沖涼, haha!!!
登登登登~~~價值2千鬆d, 4位準媽咪 o既淘寶戰利品大晒冷!!!
其實今次買o野都幾開心, 因為好難得認識幾位朋友一齊大肚, 而且大家o既預產期又好巧合咁各自相隔約一個月咋, 所以可以齊齊買o野!! 今日, 其中兩個friend就上o左我屋企拎戰利品,另外一位比較忙, 派o左家人o黎拎, hehe, 大家一齊收到貨, so happy!!!
三位準媽媽同戰利品合照!!
左起: 7個月肚, 6個月肚, 5個月肚(唔得閒o黎o既朋友仔係4個月肚!!)!!!呢張合照好有趣呢!!!遲d約埋一齊去bb展每個人個肚又再大多個月, 要再影過, hehe!!!
三位大肚婆一齊傾大肚經, 仲一齊分戰利品同拆戰利品o黎欣賞, 好開心呀, 因為d貨都幾靚, 大家都好滿意!!!
大肚朋友仔走o左後得番我o既戰利品!!其實二千蚊入面我佔o左一半...(haha, 忍唔到手買得最狼!!!), 呢d就係我o既戰利品!!!有充氣浴盆, 玩具, 和尙袍, 包被, 夾衣, 睡袋, 口水肩, 紗巾, 襪仔, 帽仔, 哺乳衣等等...其中有件夾衣同牛仔裙仔一開出o黎覺得好細件好可愛, 好鍾意呢!!! (p.s. 今日下午出街見到一件同我買一模一樣o既冬天造型衣, 即上圖中央o個件, 間舖賣$139喎, 但實際上我買好似3x rmb咋!!!)
今日仲要忙於大掃除, 老公子都未得閒欣賞d貨, 聽日真係要捉住老公子一件件欣賞o下先, hehe!!!
====================================================
夜晚我出o左去tst同一班大姐gathering, 無見一個月, 大家都話我個肚明顯o左呢!!
原來咁大箱, 阻住你公司的位喇!!!
回覆刪除[SkyBlue回覆01/28/2011 09:24:00]都OK唔阻, 放心放心!!
你寄去公司呀？你d同事實好震驚~~ ^^
回覆刪除[SkyBlue回覆01/28/2011 09:25:00]係呀, 寄公司唔使付加費呀!!! Yes, 有兩個同事'嘩'o左聲問係咩o黎, HAHAHHA!!
好多野ar~~~ 下次買野預埋我ar~~~~ 有時我都有睇到想買 不過自己買得少好似好唔抵咁~~~ 我都好擔心生個時唔知會點.....
回覆刪除[SkyBlue回覆01/28/2011 10:06:00]好呀, 今次有經驗, 下次夾幾個買+集運應該無難度, 夾幾個買得多真係幾抵, HAHA!!!
我只係睇D BLOG主寫生仔經歷都驚, 真係想像唔到到自己時會唔會勁緊張呀...
祝你生產順利, 唔好咁痛!!!!
yeah~~ so happy to see the products and chat with you two~ ^^
回覆刪除looking forward to our second round~ haha
[SkyBlue回覆01/30/2011 11:04:00]yeah~~~大家繼續努力為bb買買買, hahaha!!!
yeah~~~ D貨總括黎講都唔錯呀, 淘寶淘得好順利~~
回覆刪除[SkyBlue回覆01/30/2011 11:05:00]無錯, 大家要繼續努力為bb買買買, hahaha!!!
woooo~~~~good wo
回覆刪除[SkyBlue回覆01/30/2011 11:05:00]yeah, 真係大豐收呢!!!
你講0個係夾衣我都有呀~
回覆刪除[SkyBlue回覆01/31/2011 13:00:00]件夾衣真係好cute, 不過我諗要等到冬天先著得!!
嘩,初頭我以為全部都係你自己買,可以開鋪賣咁滯啦,哈哈
回覆刪除[SkyBlue回覆01/31/2011 21:31:00]haha, 下次買未必咁狼喇, 不過淘完寶, 真係覺得hk d o野貴d!!!
嘩真係好多野~~ 等BB大左用完可以賣二手~~哈 (我幾BUY二手/轉贈, 因為BB大得快, 咁樣可以環保D)
回覆刪除[SkyBlue回覆02/01/2011 09:00:00]haha, 都係o架, 不過應該未有咁快賣得住, 要留番俾下一個, 可能賣得o既話都要3, 4, 5年後都未定呢!!!
收獲好豐富呀 , 我唔識用集運呀 , 遲d要向你請教先得~!!!!
回覆刪除[SkyBlue回覆02/02/2011 10:33:00]我都係第一次集運, 都唔係想像中咁難, 運費計番真係幾抵!!!