肚圍: 34.5寸 體重:122磅
係我之前度得唔準定點呢??我個肚好似連續幾星期咁不斷增大半寸, HAHA, 好似大得好快咁!!
呢個星期胎動更明顯同頻密, 尋日乖豬由朝到晚都好活躍呀, 無時停不斷踼, 連我自己都越o黎越覺得乖豬係仔仔...HAHAA!!
1/1/2011 (19W4D)
今日同老公子出左沙田行Ikea同荷花, Ikea無乜o野o岩for BB, 不過都睇中左2個櫃,BB出世應該會越o黎越多o野要放, 買多2個櫃放o下o野都事在必行喇...
至於一田地下o個層, 雖然好多BB衫, 但我就仲未知仔定女, 所以都無睇到!!!最後, o係荷花睇BB床, 見到有張床仔陳列品價好平, 好想買, 只係怕尺寸唔o岩, 所以都無忍手番屋企度清楚先再算!!!
今日行o左好耐, 但無帶托腹帶, 所以行完ikea條腰都頗支力, 好想坐呢...
2/1/2011 (19W5D)
今日再同媽咪沙田, 因為度完覺得size OK, 諗住買左張陳列品啦, 點知一問之下, 原來個'陳列品'價錢係講緊張床單套裝, 唔係張床...噢...擺左個大烏龍添...
努力呀~~ 你個b一定會係一個好活潑可愛既小朋友!
回覆刪除[SkyBlue回覆01/07/2011 11:08:00]承你貴言呀!!
我個肚都增大左喇, 似足大肚婆 ~~
回覆刪除[SkyBlue回覆01/07/2011 14:14:00]haha, 我而家著住件褸都仲未似呀, 睇o黎一個月後先好似你咁喇!!!
今日入你個blog 睇下才知你將做媽媽, 真係恭喜晒, 2011年生個肥肥白白的兔B , 充心為你開心高興~
回覆刪除[SkyBlue回覆01/07/2011 14:15:00]多謝你呀!!!
咁你有冇買一田既bb用品福袋？好似好平咁...
回覆刪除我1/1都去左新城市，但人太多，一行入一田就缺氧，反胃...走都走唔切...
真係唔可以去人多既地方
[SkyBlue回覆01/08/2011 10:07:00]我見到有福袋呀, 但無為意原來有一款係bb用品???
係呀, 沙田真係超多人, 自己忍唔住都會成日用手護住個肚, haha!!!