聖誕周 (回顧第18W)

21/12/2010 (18W)

今日18周, 尋晚10點幾無啦啦作悶, 仲要唔舒服到我la埋晒口面o個種...

自從嘔吐大作後, 其實都好耐無試過呢種作悶法喇(因為嘔完就無事嘛!), 呢晚咁唔舒服, 都唔知咩事, 只係令我諗起之前呼吸唔暢順o個晚...好驚又試透唔到氣...

好彩, 到上床訓就好似無咩事喇..

今朝, 繼續唔舒服, 仲第一次一朝早食完早餐嘔得咁勁(早餐一向份量少D, 所以嘔都嘔得少D...), 嘔到無野都仲作嘔, 好辛苦...

作悶一直作到LUNCH, 又嘔舖勁O既之後先好似'回復正常'番...

唉..

今日個肚又好似大左, 但我應該都係無重過, 今日無啦啦唔舒服, 真係有D手腳乏力...似乎乖豬,不斷咁拎晒我d 營養...haha...

今周肚圍: 34寸 體重121磅

===============================================================

老公子今日激嬲我, 夜晚我鬧緊老公子時忽然feel到乖豬大力踼, 於是幾嬲都好, 都係捉住老公子放隻手係我小腹上...

老公子忍唔住'嘩' o左一聲, 因為佢終於第一次摸到BB踼, 而呢一踼應該比佢想像中有力同明顯, 所以佢有d surprise呢!!!

亦因為呢一踼, 我心情都好番d, 不過佢始終都係激嬲我, 唔可以咁易放過佢!!

=======================================================

22/12/2010 (18W1D)

今日同親友們做冬, 好開心, 因為嫁左後真係極少機會可以好似以前咁同親友做節!!!

另外, 好SURPRISE我舅母好主動咁話可以陪我坐月, 因為佢極鍾意湊BB, 湊BB以前更係佢職業...不過佢講明唔會煲野俾我進補, 只會幫我'育嬰', 咁都好呀, 之前好多朋友都著我要請陪月, 因為頭一個月真係好辛苦, 而家有親友幫手, 仲好啦, 我又煩少一樣嘛!!!

(按: 後尾我問我媽, 我媽叫我唔好叫我舅母幫手, 因為佢粗手粗腳...噢!!!咁即係點??)

==========================================================

25/12/2010 (18W4D)

平安夜煮左牛扒聖誕大餐, 今日聖誕節, 我同老公子去左shopping!!!其實本來想去德福, 因為可以一次過行Ikea, Jusco同UNY, 但後尾知道UNY好似得超巿, jusco又話九龍灣嬰兒部無黃埔咁多貨品, 而且更重要係怕聖誕太多人, 於是我同老公子就去左應該無咁多人o既黃埔喇!!!

入到黃埔Jusco就去嬰兒部喇,一望就望到六甲村托腹帶同U形枕, 我記得朋友推介過U形枕, Jusco做八折都算平, 所以諗住今日買!!!

之後就試埋托腹帶, 其實我仲未腰痛, 最多只係訓覺去toilet或轉身條腰好似硬軚D咁o者, 不過我見朋友都開始用, 我諗我要買都係遲早o既事, 所以都係襯八折試埋啦!!!職員幫我試o左兩款, 一款包晒成個肚, 一款就叫雙層托腹帶!!

先試雙層托腹帶, 唔知係咪我已經行左大半日有d支力, 用左個肚真係輕d, 唔錯!!!試埋另一個, 係就係軟D同貼身D, 但好似唔多好力, 托得無咁好, 而且呢個仲要貴$100有多, 唔使諗啦, 就雙層o個款啦!!!

俾錢前, 好彩俾我o地見到minimoto o既U形枕, 之前眼大睇唔到, 好彩而家搵到o者!!!因為呢款平過六甲村又係成$100以上呀, 既然功能差唔多, 只係呢個無咁軟熟, 都係買平D好!!

Yeah, 八折後約$413買o左呢兩樣o野, 我覺得收獲都唔錯, 而且呢兩樣我都可以開始用喇, 唔使好似其實用品要等到乖豬出世先用到呢, HEHE!!

==============================================================

26/12/2010 (18W5D)

今日去o左親友屋企開Party, d親友唔夠腳, 我就坐左埋台(我都係第一次同親友打), 未打親友已經話聽聞大肚婆會好旺, 點知...HAHA, 真係好旺, 連我都覺得勁...haha!!!

打完麻雀, 就同親友們落會所打乒乓波, haha, 開頭我諗住睇o架咋, 不過最後都有落場打左3-4舖, haha, 我好耐無做運動喇, 乒乓波呢d郁動唔太大o既真係幾o岩我, 好開心!!!

==============================================================

27/12/2010 (18W6D)

之前兩日出街食, 仲要有時食d o野都好肥lei, 但我都無嘔, 我好開心, 唔通我終於唔使嘔???噢, 點知呢頭好開心咁同姊妹share我可能開始唔嘔, 轉頭食完飯, 我都係要去嘔...噢...仲有一個星期就五個月喇, 仲嘔??????

今晚同好姊妹開生日+聖誕Party, 我收獲好豐富, 除o左交換到一份幾合用o既禮物外, 仲收到好姊妹幫我淘寶番o黎o既BB用品!!!番到屋企即開o黎睇, 唔錯唔錯!!!

yeah!!!屋企開始慢慢多左d BB用品喇, 要諗諗放係邊先得!!!

我抽中bess o既禮物, 一個好靚o既花花多用途cushion!!!好surprise佢可以幫水泡咁坐呢, 咁我去生b時咪唔使帶u型枕咁大囉, good!!!

執一執暫時買到o既物資, 我用o既o野都買得七七八八喇!!!(多謝jenny賣俾我o既產婦用品同埋幫我一齊訂o既夏季哺乳睡衣同哺乳bra!!! (左上兩件係我之前自己淘o既冬季哺乳睡衣)

乖豬o既o野相對比較少, 呢d都係jenny幫我一齊淘o既, 好鍾意兩條口水肩呀, 質地好好, 公仔男女都o岩, hehe!!

P.S. 唔止一次聽過大左肚唔食得朱古力, 於是上網搵, 似乎又唔係咁有壞處呢!!只係朱古力有少少咖啡因(我諗食多多都唔夠飲茶或咖啡多o卦!!!????)同可能太甜o者...我又唔係特別食得多, 只係放係我面前先食, 唔會主動買, 咁應該無問題o既!! 

http://hk.knowledge.yahoo.com/question/question?qid=7007012404628