5個月喇, 路走了一半, 還有一半!! (回顧第20W)

5個月喇, 路走了一半, 還有一半!!

回顧一下前半段路...

乖豬:

6w幾: 0.618cm, 睇到心跳!
8w幾: 2.15cm, 睇到乖豬郁!
11w幾: 5.93cm, Oscar Test正常,彈彈下好活潑!
16w幾: FL (大脾骨) 2.37cm, BPD (頭圍) 3.86cm, AC (肚圍) 11.87cm!! 乖豬唔合作, 睇唔到仔定女!
17w幾: 胎動開始!
18w幾: 爸爸第一次摸到胎動!
19w幾: 胎動越o黎越密,亦越o黎越有力!

我:

9wk前: 從早到晚作悶, 雖然沒有嘔, 但呼吸出現困難, 行步路比老婆婆更慢,總之'辛苦'感覺不斷, 每天也皺著眉...!因為身體不適, 開始少煮飯, 多了吃外賣, 星期六日都唔想踏出家門口半步!!

10wk-13wk: 開始嘔, 餐後大半個鐘甚至個幾兩個小時都在作悶中渡過, 基本上, 一諗起要開餐就頭痛!

14wk-16wk: 餐後差唔多即嘔, 不用再作悶大半小時以上...作悶時間相對少了, 加上習慣了嘔吐, 心情終於都好一點!

17wk-20wk: 雖然還是接近餐餐嘔,但隨著胎動更明顯,精神比之前更好了, 開始有氣力煮番多少少飯, 亦開始有心機出街睇BB用品!

 

基本上, 前半段路我最大回憶就係嘔吐, 雖然比人嘔得多同辛苦, 但我相信比我更嚴重的還大有人在...除此之外, 我身體上並沒有出現其他問題, 沒有生病, 亦沒有流過啡作小產, 腰背痛亦未出現, 乖豬總算健健康康,穩穩定定, 托賴!!

餘下半段路, 我知道隨著肚皮日漸增大將會有更多挑戰, 希望我, 老公子同乖豬一起心連心, 繼續努力, 健健康康, 順順利利咁享受埋餘下旅程!!

=========================================================

4/1/2011 (20W)

肚圍: 34.5寸 體重:122

=========================================================

5/1/2011 (20W1D)

乖豬而家真係越踼越有力呀, 勁!!!不過老公子連續幾晚都無再摸到佢郁呢...事實上, 佢摸住我肚皮時乖豬有郁o架, 只係乖豬未必係踼上肚皮, 又或者太細力, 老公子成日掛住睇新聞唔專心, 所以成日都feel唔到...

今日lunch食完飯乖豬又係度勁踼, 有幾下佢踼上肚皮幾有力, 之後我咪係同一位置襟番幾下, 點知乖豬隔一陣又係差唔多住置踼番上o黎, 我咪又襟囉, 如是者來回左都有八至九次o架, 好得意呀, 其實佢係咪知道我同佢玩緊呢???定係佢只係覺得唔舒服, 無啦啦俾人篤, 於是大腳踼反抗呢???

=========================================================

6/1/2011 (20W2D)

老公子一朝早forward o左佢公司o既email announcement我睇, 原來佢公司今年起應該會實施男士侍產假, 不過email亦講到實行詳情有待各個別分公司決定...哎也, 希望到我生得時, 佢公司真係實施o左男士侍產假就好喇, 3日都好呀...當然, 7日就更好...希望真係有啦!!

=========================================================

7/1/2011 (20W3D)

係心理作用?呢幾日食完飯雖然仲會嘔, 但好似嘔少左d, 而且食完後好似少左反胃感覺呢...希望嘔吐真係有好轉啦...

今日第一次左右兩邊肚皮同時俾人踼...應該話係連環俾人踼, 就好似乖豬係入面踩緊單車, 又或者又拳又腳咁連環打我咁...上網睇d又陀過仔又陀過女o既媽咪話陀女胎動都斯文d o架...所以, 而家又更加加強我覺得乖豬係仔o既感覺呢!!!