除o左叫媽媽, 今個星期乖豬都開始多o左出現'BABA' o既發音喇, 不過呢D' BABABA'聲有D似未叫'MAMA'前o個D'MAMAMAMA', 似係練緊發音多過真係叫'BABA', 當叫乖豬叫'爸爸'時, 乖豬仲係叫'MAMA', 其實係feel到佢想叫爸爸o架, 但仲未控制到個發音o卦, 不過我諗好快就會識叫爸爸o架喇, 老公子再等下啦!!!
動作方面, 而家UP頭好叻喇, 問逗尿尿問得多, 發現佢D UP頭擰頭都幾準確, 證明佢聽得好明我問佢乜o野, 而佢又知道UP頭同擰頭係表示乜o野, 所以而家溝通真係方便o左好多!!! 不過到呢個星期尾, 又開始出現我未問問題佢就UP頭o既情況, 睇o黎佢好心急表達自己, 但其實我真係要估先明囉, HAHA!
逗去尿尿方面, 開始有D成績, 今個星期開始朝早著學習褲, 因為乖豬開始好慣去potty尿尿, 只要我問得合時, 佢會等去potty先尿尿, 試過有一日叻女到由朝到晚只係著一條學習褲, 雖然未至於全乾, 但都係濕好少咋, 算好叻!!! 不過乖豬始終仲細, 未識主動表示要去尿尿, 如果我唔問佢, 又或者佢擰頭唔尿尿而我又真係唔逗佢, 佢都仲係會照係片片度去, 同埋我發覺夜晚訓覺條片到朝早多數都係乾, 反而下午D覺唔知係我遲發現佢訓醒所以已經痾左定點, 比較多濕片呢!! 另外, 今個星期尾有日佢出力想便便, 佢一用力發聲就即望住我, 仲主動UP頭示意, 我問佢係咪要便便, 佢即刻UP晒頭, 唔通佢開始識主動話我知佢要便便?? 要再觀察下先, 係o既話真係要讚!!!
最後, 食粥方面, 繼續退步中, 明明呢個星期落雨已經無咁熱, 但乖豬D食欲並無回升番, 咁即係佢唔係因為天氣熱無胃口啦, 所以都肯定佢係越大越心散, 食得悶又唔餓就唔願再食, 搞到而家餵佢食粥無以前咁易喇, 好似要同佢鬥耐性, 又tum又勸先mark到個口細細咁, 好難餵喇!!! 我當然都唔想佢食少左野啦, 但我成日覺得BB餓自然會食, 而家又唔係太瘦太輕, 所以無謂擔心, 但我爸媽就因為咁又成日鵝我, 又話之前食番奶粉肥番o個D又無晒喎, 真係好煩...!!!
20/4: 乖豬11個月大
體重: 大約18磅半 (其實好少磅, 唔知有幾準)
食三奶二粥, 不過訓前餐奶多數食3-4安o者~
便便平均一日一次
21/4: 同老公子帶乖豬去食譚仔米線, 因為地方淺窄, 之前餵人奶又唔食得麻辣, 所以好耐未去過喇, 而家仲可以食豬潤添, HAHA!!!
呢張影得好少女咁呀!!!
之後我入o左超巿, 老公子推住車仔兜圈, 兜到個女咁樣吊住訓著o左!!!
下午難得好天, 所以落公園仔!!!
乖豬似乎仲未ready學行, 間中扶住佢行幾步都OK, 但行多幾步就會擰晒頭放軟腳坐番係度!!
上面兩隻牙仔越出越多喇, 而家笑都睇到LU, 再唔係單牙妹!!
22/4: 今日我同老公子去o左拍拖(詳情: http://blog.yahoo.com/_HSSFYW75KKNYT36FAZ7NBRWUIA/articles/714010), 乖豬就放低o左俾我屋企湊!!
Grandpa帶佢落公園, 好曬呢!!
原來又紮o左辮仔扮阿boo~
26/4: 好快就去旅行, 我媽話早兩日係佢屋企同佢坐大人浴缸用花灑沖涼又試喊到好慘, 叫我去旅行一定要帶吹氣浴盆!!! 穩陣起見, 都係吹埋試下用, 睇下乖豬肯唔肯先!!
個浴盆乖豬出世時吹起過想用, 但當時坐月, 係我媽幫乖豬沖涼, 我媽唔鍾意個吹氣浴盆咁大, 就難用, 所以最後用都無用過就買o左個普通硬身o既浴盆喇!!! 估唔到乖豬快一歲先可以大派用場!!!
結果第一日改用吹氣浴盆, 乖豬喊到收唔到聲, 超慘咁, 原來乖豬唔係怕花灑, 而係純綷認住自己個浴盆先有安全感...
第二日, 為令乖豬盡快適應, 所以放o左個浴盆係廳扮波波池!!!
乖豬玩得好開心!!!
接住沖涼時都完全無問題喇, so good, 咁等佢沖多幾日習慣o左就收番起, 到旅行時先用喇!!
其他精選相:
今個星期開始成日豬嘴
控波, 好似好有型咁!!!! 著新鞋, 係涼鞋o黎, 去旅行著可以唔使帶socks喇!!!
當牙刷係牙膠, 好鍾意刷, 仲會主動叫我幫佢刷!!!
手指指
唔夠肚餓時餵飯真係要好有耐性，有時自都要冷靜下先繼續餵到，哈哈！koey肯刷牙就好啦！
回覆刪除[版主回覆05/02/2012 22:47:40]係呀, 有時食幾啖就唔食, 有時真係無法子, 要break 開餐粥, 俾佢玩大半個鐘先再餵過!!!