第五十一至五十二周 (4/5 - 17/5): 忙碌的旅行周

第五十一周

呢兩星期旅行, 都無乜MARK低有乜發展!!

只係記得去旅行前乖豬試過有一日著O左條片近20小時都係全乾無濕過, 好叻女, 係逗佢尿尿後最好一次成績!!! 

另外有一日就相反, 佢夜晚poo poo左落片片 (我老公子唔識睇乖豬俾o既signal, 唔知佢要去poo poo), 於是洗完pat pat 放乖豬上大床著衫, 點知乖豬一個箭步乜都無著就走o左去玩!!! 由於佢Poo poo時無去尿尿, 所以我都已經問緊乖豬去殊殊好唔好, 乖豬仲以為我同緊佢玩, 笑晒!!! 問左一陣, 乖豬終於爬出o黎俾我抱, 點知我老公子呢個時候話'唔使喇'...一望之下, 原來乖豬已經o係大床去o左...搞到又要做一大餐, 真係好想打乖豬pat pat!!!

5/5: Grandpa & Grandma生日! 有少少可惜係今日落雨, 所以無得去三門仔影下相先食飯!!! 


我o地去o左食大尾篤o既泰國o野, D餸份量較細, 但就可以試到好多款食物, 味道無想像中咁好味, 但泰國o野永遠都係咁好食o既,HAHA!!!

祝爸爸媽媽身體健康, 開開心心!!!


第五十二周

由於上年夏天乖豬仲係好細個, 所以無游過水, 直到今次去旅行, 乖豬先第一次游水!! 游水o個陣應該係成個trip一家三口最開心o既時候, 因為乖豬係水入面漫步好似醉酒佬咁, 真係好得意!!! juk到水開頭又會喊, 會撒嬌要大人呵番, 但之後又會再接再勵, 真係好得意!! 到後來佢越行越有自信, 開始開心笑, 飲到水又識lur番出o黎, 真係學o野學得好快, 我同老公子都覺得乖豬應該幾enjoy游水, 所以大家都好開心!!!    

去旅行o個個星期, 發現乖豬原來唔怕生保地方訓覺, 仲要因為酒店大床任爬又多玩具 (搖控, 電話, 電掣) 所以好興奮唔肯訓...
另一樣就係多O左扭抱, 直頭係番到香港O係屋企頭兩日都仲有扭我抱, 不過我一向係屋企都唔抱o既, 所以兩日後佢就無乜再扭我喇, 一切回服番正常咁!!!

最後就係無逗5日尿尿, 佢番到o黎真係好似多左係片片尿尿呀, 問親佢去唔去殊殊都擰晒頭, 有時逗佢坐potty, 分明好耐無去但都唔肯去, 有時著番片無耐一摸就發現係片片去左, 真係激死人, 睇o黎又要再訓練過先得喇!!!

13/5: 我第一個母親節!!! 

"我不需要花, 也不需要蛋榚來慶祝我第一個母親節, 因為擔當這個角色快一年了, 我的一切付出都是自願的, 是應該的, 是不求回報的!!! (講真, 我對呢個節日真係無乜特別感覺, 因為我都係要年中無休咁好似平日咁忙忙忙呢!!! :p )"

呢個真係我心聲!!! 可惜身邊有D人唔係咁, 年年生日母親節都打開口牌, 預早一段時間就'提點'人要送o野'孝敬'佢, 有時見到呢D咁o既行為真係覺得好反感, 好討厭!!!


聽媽咪講, 婆婆o既腦退化病時好時壞, 不過今日佢精神唔錯, 見到乖豬好黐grandpa時就話我細個都好黐我爸, 對N年前o既事真係記得好清楚, 人腦o既構造真係神奇!!


件背心仔好有型, HAHA!!






16/5:

幼稚園兼中學同學相約多次, 終於約得成見面喇!!!佢囡囡7個月大, 但已經有20磅, 仲重過乖豬呀, 對肥脾超粗超好肉呀, 好肥美,HAH!!