帶BB去新加坡之旅: Day4

之前一晚12點訓, 呢朝乖豬7點就起身!!! 乖豬唔知係咪心散, 又試食剩好多奶, 於是我忙完煲粥仔後, 就諗住餵D 雜菜蓉babyfood俾佢食, 點知...


乖豬食左少少就lur番出o黎, 可能係唔好食兼一D都唔餓...唉, 件靚衫仔就咁搞到染晒色!!!

換過件衫10點左右出發, 今日唔食酒店早餐, 行番出China Town牛車水大廈食o野!!!


沿路風景!






影到乖豬戴眼鏡個樣!




又係佛牙寺!

牛車水大廈入面, 其實真係好似HK D街巿!!


第一時間就去上次見到排晒長龍o個間o野(秀記江魚仔釀豆腐), 估唔到只係朝早10點多D, 已經咁長龍!!!


排o左15min左右, 有得食喇!!! 






其實係魚旦粉o黎, 不過D炸魚餅個皮同HK o個D唔係太同, 炸得好香好好味, D魚旦都好正, 仲有釀豆腐, 釀o係豆腐D魚旦好林好軟綿綿, 右邊D炸魚仔應該就係江魚仔!! 讚!!


餵完乖豬食粥後本來諗住走, 但經過見到喇沙, 我嚷住要食, 因為我成日覺得尋日o係動物園D餐廳食o既唔算數, 想試D感覺地道D o既, 於是就揀o左間叫左碗o黎試!!! 味道OK啦, 最特別係碗粉入面有D細仔o既蚝仔, 好大味好惺 (不過唔算難食), 好少食到呢種味!!


離開牛車水, 去o左背面o既Smith Street買藥貼(活血透骨膏)!!! 呢樣都係多得May介紹咋, 我老公同我爸都有D腰背痛, 就買o黎試下貼左會唔會無咁痛!!


之後就行o下附近o既Ann Siang Hill, 我之前上網搵資料見到有人o係呢度影相幾靚, 後尾又見'飲食男女'介紹新加坡話呢度係創意產業集中地, 所以就去行下!!
不過呢.,.去到先知'Ann Siang Hill' 個中文名係'安祥山'....無啦啦覺得娘左...

行完一輪得個吉, 因為D舖頭得對門, 好似無開咁, 又望唔到入面係乜, 所以都無入去!!

行行o下乖豬又訓o左, 我同老公就繼續搵路去亞坤總店!!

問路後終於搵到!!


有名o既Kaya Toast同半生熟蛋!!! 個半生熟蛋食完成口蛋香, Kaya Toast都好好味!!! 店員推介埋French Toast, 都好味, 但都係Kaya Toast好味d!!!




食完我同老公子就周圍行o下!!! 遇著lunch time好多人放lunch, 不過呢區又係好多食肆, 所以唔迫人!!! 我同老公子呢幾日都覺得新加坡D food centre o既食肆真係超多, 可以容納到超多人lunch, 選擇又多, 同HK成日要迫人等位真係好唔同!!!




我同老公子都覺得呢區好似HK o既觀塘區, 因為番工D人衣著比較casual!!

回程, 打算行番去maxwell food center食有名o既天天海南雞飯!


沿路留影




棵樹好靚


本來行番去應該好近, 但又行錯晒路...問人先識行番去...!!! 呢間Red Dot Traffic 後尾番HK睇J2介紹先知係藝術館, 早知可以入去睇下!!!


之後經過D政府機構咁o既大樓, 入去睇下新加坡城巿發展模型, 重點係過下冷河, 涼冷氣!!


終於行到Maxwell Food Centre喇, 遇著lunch hour好多人, 好彩都好快搵到位撘台, 仲同坐對面D新加坡人傾左幾句!!


有得食喇!!! D雞真係幾軟綿綿, 個飯都好好味!!!不過老公話覺得HK要食都應該食到!!!

老公子叫o左杯仙草汁, 話見到好多人叫o黎飲, 但我環顧周圍多數D人都係飲蔗汁多...結果呢杯o野麻麻啦, 第一啖未攪暈時好似藥水味!!!

食完行番出food centre, 後面D building好靚, 又影兩張相!!


有個幸福雙下巴添..




行番酒店, 酒店後面呢條路係'婚紗街', 有my dream wedding同藏愛, 臨走先留意到!!!


番到酒店...


check-out喇!!! 酒店可能唔太full, 俾我地2點先check-out, 所以朝早先唔使咁趕!!!

打的去Marina Bay Sands!! 


到喇, 酒店大堂好大, 好光猛!!!

我o地住Grand Suite, 我覺得貴, 又用唔到咁大地方, 但老公子就話都係貴幾百, 豪少少唔怕...


結果呢個客廳area坐都無坐過!!


客廳連接去房間o既走廊都好闊落!!


客廁


睡房area!!! 我o地check-in後就即刻去拎房, 但估唔到張BB床比我o地仲快到!!!


空間好大!!!




景觀


睡床, 竟然唔係king size...


浴室




D水煲同杯原來收埋左係呢度...行暈成屋先搵到!!



呢度有BB床, 一放低佢我同老公子就可以做自己野, 方便好多!!! 乖豬似乎都幾鍾意張床仔!!!




窗外風景!!!


呢位先生做緊乜呢?? 原來係職業病發作

又到開奶時間







食完奶我再執兩執就上酒店天台個泳池游水喇!!!


因為上年夏天乖豬仲細未游到水, 所以要而家快一歲先第一次游水喇!!!

由於去到泳池先諗起無拎太陽油, 所以叫老公子番轉頭拎, 而我就抱住乖豬坐係泳池梯极慢慢落水, 等乖豬適應!!! 乖豬開頭有D驚, 我抱住都喊喊o地, 顯得有少少不安!!!

等到老公子番o黎, 乖豬開始適應D喇, 我o地就抱佢落大池影下相!!!




不過仲係有D驚, 一抱離身就喊咁口!!!

後尾我o地望到原來側邊有BB池, 於是抱乖豬去!! BB池D水溫暖D, 又掂到地, 同埋有其他小朋友係度玩, 乖豬當堂無咁驚!!









之後我o地就試o下俾乖豬自己係水中漫步喇!!!


GoGoGo!!





因為乖豬未識行, 所以佢係水中漫步好似醉酒佬咁行, 好得意!!! 開頭仲會成日失平衡飲泳池水juk親, 之後就會喊同撒嬌, 要貼番住我同老公子呵番先得, HAHA!!!


我o地又試下俾佢訓水, 但好驚, HAHA!!!

不過BB學o野真係好快, 好快乖豬就適應到, 少左失平衡, 就算飲到水都識吐番出o黎!!! 

餅印表情??




乖豬後尾越行越開心, 開始越o黎越多笑容!!!


表情仲流露出自信!!!


好得戚!



游o左好耐, 乖豬心情靚晒, 於是我o地又抱番佢過大人池影相!!!


View


Infinity Pool

雖然大人池掂唔到地, 但乖豬唔再驚, 仲好開心!!!






放晒手俾乖豬自己浮都OK, 但個嘴仔會掂到水, 比較易飲水JUK親, 所以只可以放手一陣!!!


之後試下真係俾乖豬游水, 唔再係'行水'喇!!! 不過有D難, 乖豬唔係太識舉高頭, 所以都係要用手托住佢腰仔向前推佢向前進!!


二人合照...HAHA!!!乖豬去左邊?? 我用右手托住佢係側邊, 水袖仔入左鏡, HAHA!!!


自己扶住池邊睇風鏡!!! 好有feel咁呢!!!

臨上水, 我先發現唔見o左個泳鏡, 於是戴老公個泳鏡潛落水搵, 點知游晒成個池都見唔到, 好奇怪!!! 搵極搵唔到, 於是向救生員講, 點知救生員唔理, 無人俾失物佢所以就無...我當時有D嬲o架, 雖然唔係咩貴重o野, 但咁大間酒店service無理由咁, 完全無諗過幫我搵囉!!! 當我差唔多放棄時, 忽然見到有個肥仔拎住個白色泳鏡, 我行近D一問, 佢已經有少少心虛, 不過佢都好乖, 我話佢知我跌左佢都好乖俾番我, 其實都係我唔小心, 佢都只係咁o岩見到所以拎o左, 唔係有心o既!!!

上水, 乖豬變身duck duck!!


曬下太陽先!!!

之後我o地就落番酒店房沖涼!!!

因為lazy, 呢度又有個大浴缸, 所以無吹個吹氣浴盆喇!!!


就咁睇都睇到乖豬曬到面仔都紅晒!!!!變o左一身健康膚色呢!!


沖完涼我又繼續做做做...


以為乖豬游完水會攰, 點知佢都係無訓覺!!!




日落喇!


夜景雖然唔及HK, 但都好靚!!

乖豬唔訓, 咁我o地就落去行下商場, 順便去Todai睇下walk-in有無位 (我o地入住當日先BOOK位, 但FULL晒!)!!


商場好大, 但都係名店, 都無乜野行!!


賭場入口 


呢張影得我唔肥...應該係我今次trip入面影得我最好o既一張...HAHA!!!


乖豬開始好攰!!

好靚o既餐廳


商場有'運河', 即刻諗起威尼斯人, 但呢度求其好多!!


行行o下乖豬扭抱, 咁我就抱到佢去TODAI, 一去到佢就訓左喇!!!

TODAI得番門外D位可以即刻坐, 咁無所謂啦, 係行遠少少拎食物o者, 外面反而靜D唔怕嘈到乖豬訓!!!


長腳蟹/蝦/翡翠螺/蝦


超多種sushi, 比HK 有TODAI O個陣仲多款, 仲好好味!!! (可惜食完其他後已經飽到食唔到第二轉!!)


熟食, 大部份味道都好good, 但比較滯, 食完呢碟已經7-8成飽...


老公子拎o既!! 佢成日投訴我拎d食完好漏好滯o既食物, 所以我多數每樣拎一件, 俾少少佢食, 但掉轉老公子拎時佢就樣樣食物起雙, 仲要佢拎o既我都無興趣食, 好似呢碟咁...HAHA!!


忌念磨菇湯同蟹肉匙, 兩個湯都好好味!!! 


甜品食唔落, 只係揀左D少見到O既食, 好似Macaroon同埋格仔餅, 個類似沙翁都好好味!!! 又係可惜太飽, 唔係真係食多幾轉!!! (而家人大左真係無以前咁刷得!!)

我同老公子由8點食到10點先走, 乖豬一直都無醒, 睇o黎佢游完水太攰喇, 呢覺要訓天光, 我一早煮好o既粥仔都食唔到喇!!!


走時見到噴水表演, 但好小兒科, 好似倒水咁!


行行o下見到個平台, 行出去好大風好舒服, 睇夜景一流!!!

平台邊好多酒bar


呢排樹好靚


想影相, 可惜一開閃燈就睇唔到D樣, 唔開閃燈個人就震到蒙晒..


嗚...


呢梨花咁o既物體好似係藝術館


之後再行去一條好靚o既橋


影相個效果出o黎好似D CG圖咁...




乖豬熟睡中, 唯有咁影...


Marina Bay Sands


之後行番入商場, 個商場真係超大!! 其實咁多名店有無人幫襯o架??? 

Casino

雖然乖豬訓o左我同老公子散步都唔使趕時間, 但原來行行o下都成11點喇, 我都想番歸, 其實唔係休息, 而係要執o野呀, 聽朝一早就要出機場走喇!!!

番到酒店放低乖豬, 佢見陌生地方於是又醒左, 於是快手餵奶等佢食到眼訓~


餵奶其間老公子睇到酒店下面有激光水幕show


我忙緊都睇唔到, 唯有睇相



餵完奶放番乖豬係BB床, 我同老公就靜靜唔出聲唔理佢, 乖豬間中出聲叫'媽', 但我唔理佢, 真係好驚佢好似頭兩日咁訓夠醒左唔願訓, 要到2點先訓...

最後, 乖豬係床仔典左半個鐘, 終於都訓番, 但我仲要執o野, 怕嘈醒佢, 所以推o左佢去走廊訓....


自己典到係床o既死角訓


唔好睇我好似咁歎, 其實執o野執到我人都癲!!! 因為酒店房太大, 我o地pat到D o野東一忽西一忽, 又要掠乾D游水物品, 執到我頭都痛, 都唔明點解出發D行李又係咁多, 臨走明明無晒D奶粉尿片, 我o地又無買乜o野手信, 但D行李好似仲多左咁!!

最後我1點幾先有得休息, 推番乖豬番睡房後老公子就一個人落賭場俾錢賭場賺(!), 佢話佢仲去o左泳池o個度睇, 見到間Pub好似開緊D狂野派對咁, 同埋佢3點番到酒店房本來想係客廳睇大電視, 點知開極都開唔到電視, 唔知係咪壞左!!