鐵人媽媽1湊3: 帶BB去新加坡之旅: 後記

新加坡, 論環境, 文化, 衛生, 都係一個帶BB去旅行o既好地方, 唯一壞處, 亦係最令人卻步o既, 就係天氣太熱喇!!! 如果有得再揀, 我諗我會揀個涼爽D o既地方去, 好似日本或韓國咁, 因為只要無咁熱, 帶BB去旅行都唔係一件辛苦事!!!

文化異同

新加坡近年發展迅速, 甚至烕脅到HK o既國際地位, 雖然去o左短短幾日, 但都唔難睇到新加坡比香港有優勢o既地方!!! 好似人口比較國際化咁, o係街度除o左見到主要o既中國人種外, 仲有馬拉同印巴人, 我同老公子一落機o係機場打的番酒店, 就係坐一位印巴人事o既的士, 由於當時係凌晨又無乜人等的士, 其實我當時有D懷疑呢位的士司機會濫收車資o架, 而家諗番, 其實係我o係HK太少接觸其他人種, 以至有偏見先會咁懷疑, 呢種思想真係唔要得!!! 新加坡周圍都會見到不同人種o係度工作, 放lunch時不難見到唔同人種o既人一齊食飯, 大家有講有笑, 相處融洽, 而且新加坡有唔少小區好似Little India同Bugis, Arab Street咁, 有著唔同種族文化特色o既地方, 反映當地好重視同尊重唔同文化, 呢樣HK真係有排都追唔上!!!

衛生方面, 的確幾乾淨, 不過近年HK衛生程況都改善o左, 香港新界地方而家都幾乾淨, 係巿區仲有待改善!!! 由於衛生環境唔差, 所以我都無咁麻煩由HK帶水去新加坡煲粥開奶, 就咁飲當地水, 大人細路都無水土不服, good!!

最後一樣唔同o既, 就係新加坡好多food centre, 仲要個個都好大好多檔口, 呢樣同HK成日得D大商場o既連鎖食肆好唔同!!!! 當地不單止選擇多, 地方亦多, 可以同時容納好多上班人士放lunch, 香港限於山多可用地少, 想有D咁大型o既food centre真係好難...不過呢, 對於旅客o黎講, food centre太大o既唔好處就係唔知揀邊檔食, 好似我o地咁, 去牛車水大廈同老巴剎都係亂揀o黎試, 味道無想像中咁好味, 只係普通o者!!!

除o左以上我留意到o既幾方面, 新加坡同香港真係幾相似, 如果話我而家即刻要移民過去住, 相信適應一D都唔會有問題!!!

平機票好麻煩

講完當地文化, 講番今次旅行o既麻煩事!!

如果有得揀, 下次買平價機票真係要三思!!!

我o地坐o既係JetStar, 買機票時有promotion,所以大人機票連稅只係HKD700左右, 而BB機票就要HKD600!!! 雖然係好平, 但我o地原先出發班機俾航空公司cancel o左, 為免去到新加坡已經天黑, 我o地唯有提早一晚出發, 變o左要住多一晚酒店!!! 至於回程, 本來係下午機, 點知又cancel埋, 要一早8點去到機場, 間接浪費o左我o地最後住o個間貴價酒店, 真係可惡!!!! 所以, 話就話去玩5日4夜, 但實際上我o地只係得3日玩o架咋!!! 所以如果有下次, 我估我都係會幫襯番旅行社package坐番D大航空公司, 又或者唔好o係咁淡季o既時候出發, 以免D機唔full被cancel...

除此之外, 由於係廉價航空公司, 所以機上係乜設施都無, 而且座位又窄, 如果要帶BB坐耐過4小時, 我諗都係要避免坐呢D廉價航空好D!!! 同埋, 既然而家大人佔位都係700, BB唔佔位都要600, 如果醒目D, 其實我同老公子應該俾700買多個大人位, 咁就可以闊落好多, 唔使迫!!!

帶BB去旅行經驗

至於帶BB去旅行o既經驗, 其實事前準備工夫真係唔慳得 (詳情: 帶BB去旅行: 準備篇), 如果好似我咁好彩, 有朋友o係當地幫手事前了解當地BB物資是否足夠當然最好, 如果無, 就要留意下面幾點喇!!!

1. BB床: 都係朋友話我知先知好多酒店都會有BB床, 我住第一間時無問到, 但見房內提供一張雙人大床同一張單人床, 拍埋之後超級闊落, 所以基本上乖豬訓覺極有私人空間, 完全唔會話同床蓋被焗親BB或反訓壓到BB!! 不過如果有, 都係要BB床好D, 因為放低佢就可以兩個大人一齊做o野, 唔使成日看住佢怕佢一個失魂跌落床!!! (乖豬跌o左一次落地, 好彩酒店地有地jin, 所以無事咋!!)

2. 雪櫃: 可以雪生果/新鮮菜及肉類, 我就見有雪櫃, 所以一次過煲兩日粥仔, 第二日煮番熱佢就可以!!

3. 酒店附近最好有超巿: 呢樣好睇你去邊度旅行, 如果去o既地方衛生環境理想, 去當地街巿或超巿買新鮮果菜都可以放心食!! 如果衛生差o既地方, 當然係o係HK帶埋babyfood去啦!!!

講完酒店, 仲有少少注意事項想分享:

1. 一定要帶BB車: 除非小朋友已經有番咁上下大唔怕行路, 如果唔係BB車真係父母救星!! 同埋唔好好似我開頭咁諗住帶細車仔, 因為BB仲會小睡, 朝早外出太陽又猛, 有架正常BB車等BB訓覺可以平躺又可以擋太陽真係必需!!!

2. 帶BB太陽油/蚊貼: 雖然呢兩樣我都無乜用, 但真係有旁身o既需要!

3. 大量o既水: 我最勁o個日帶左3支凍水1壺熱水, 凍水除o左飲用外, 仲係for飲完奶時沖洗奶樽用, 如果唔係支奶等到番酒店時先洗一定勁臭!!!

4. 吹氣浴盆: 如果BB肯用花灑當然唔使帶!

好, 分享住咁多先啦!!!

下面就係今次旅行o既收獲...基本上, 都無乜買o野...