帶BB去新加坡之旅: Day3

之前一晚2點先訓, 呢朝乖豬又試8點就起身, 訓得6個鐘咋, 掛住玩真係唔使訓!!!



今日節目係去動物園!!


一去到就見到超多小朋友, 全部都係3-4歲, 好熱鬧!!! 動物園亦有工作人員扮動物!!!

摸下先!!


其實去到動物園都係10點左右, 但可能乖豬訓得太少, 天氣又熱, 佢好快已經無心機, 神情呆滯, 大大隻合趾猿係前面叫佢望極都望唔到, 毫無反應...!!


水獺/馬來鰐/倭河馬/鹿猪




白老虎


乖豬唔係太望到, keep住呆滯, 只係識扭我抱!!

澳洲動物:

袋鼠


袋鼠BB / 鴯鶓

行到涼亭係時候開餐, 其實太陽真係好猛好熱, 咁熱仲要食粥俾著我都無餵口...


最後食左一半多D啦...
另外, 我其實帶o左蚊貼旅行, 但竟然無帶出o黎用, 結果餵粥坐定定時我俾蚊咬左4-5度...乖豬一粒都無, 睇o黎我先係乖豬o既人肉蚊貼...

食完o野繼續行, 去到大象園見到好多遊客坐o左係度, 原來就夠鐘睇大象表演!!!




開show喇, 雖然乖豬熱到無乜心機, 但見到周圍D人拍手佢又識跟住拍, 仲指住D大笨象, 好似睇得好投入咁!!!

睇o左4個字, 大象表演訓低...


乖豬都青演埋一份

乖豬訓o左, 又係二人世界時間!!!


天氣太熱, 食支雪條先!!!


大笨象平日就係玩呢個鉛球練力??


海牛/非洲企鵝


婆羅洲紅毛猩猩 (草地上o個隻影相前咁o岩lup住左個麻布袋係度行, 超搞笑!!)


左邊係一對母子

動物園擴展緊, 遲D應該有大熊貓呢!!!


襯乖豬訓緊, 當然趕緊食lunch先!!! 呢間叫Ah Meng o既餐廳環境唔錯呀!!


熱到爆, 餐廳有冷氣希望佢會訓得舒服D!!!


叫o左喇沙同印度飯, OK啦!!



食完繼續行!!

預o岩有show睇, 但乖豬訓左, 當時個主持人拎住條蛇俾小朋友摸, 唔覺有咩好睇, 所以望一望就走喇!!


斑馬線

之後去o左靈長類王國!!! 呢度有好多種猴子, 但全部好遠, 我o地大人都係望一望算, 乖豬訓o左睇唔到都無所謂!!!


黑白疣猴/卷尾猴/白臀叶猴/赤猴/黑冠猴/蜘蛛猴 (唔知邊隻打邊隻喇, 其實我都係對住動物園地圖打先打得出佢o地D名...)


訓到咁粗魯




北山羊

睇阿拉伯狒狒


想醒喇!!


醒左!!


相中體形較大就係比較有地位o既雄狒狒


乖豬一起身就有動物睇好開心!!!


Feeding Time!!!

繼續行~


巨骨舌魚/河馬/狐狸


呢個view好靚呀!!!


科莫多龍/咸水鰐/象龜/蜥


小型哺乳類動物之家: 唔知咩鹿/好細o既猴/犳貓


睇象龜

個景好靚呀!!!





自拍, 但影唔到個靚景...可惜!!






黑猩猩, 好似猿人呀!!!

山魈



之後入左個煲育中心


呢隻唔知咩猴, 就咁周圍走, 好有型!!! 我同老公就好奇怪, 點解動物園可以咁放心D動物周圍走, 唔擔心佢地會傷到人??


好靚o既蜘蛛網, 睇到嗎???


係度高歌o既兩隻duck duck, 超得意!!

環尾狐猴


又係好自由可以周圍行o架, 衝過o黎時都有少少俾佢o地嚇親!!!


又係周圍自由爬o既猴子, 戴左面具咁好有型呀!!! HAHA!!!


行o下行o下又開餐!!!! 原來乖豬對住D犳食奶呢!!!


美洲豹/裸鼠(勁核突!!)/獅子(本來想叫乖豬睇獅子, 因為佢應該認得, 但D獅子好遠又訓晒係度, 乖豬睇極都睇唔到)/疣猪


長頸鹿

仲諗住乖豬認得'Sophie', 睇到長頸鹿會開心, 點知...一D反應都無, 可能熱得滯, 超無心機!!!


斑馬


安氏薮羚/猎犳/白犀牛

差唔多行晒成個動物園喇, 本來想走, 但兜錯路又番左去紅毛猩猩度!!


有遊客餵包, 猩猩即係埋堆, 仲舉晒手等食!!!


呢個紅毛猩猩自由活動區真係'自由活動'o架, D猩猩就咁係行人路上面o既樹爬o黎爬去o架, 好amazing呀, 點解唔怕佢o地走落地面o既??


乖豬又訓左喇, 平時佢好少呢個時間訓o架, 可能佢覺得太熱, 動物園太悶, 悶到訓左...陰公!!! 不過, 我諗去動物園都仲係比去環球片場好o既!!!

紅鶴/長臂猿

走喇, 打的番酒店!!!


乖豬熱到出晒大汗, 睇o黎真係好熱好辛苦!!!

雖然係熱D, 但我同老公子都覺得動物園幾抵去, 入場費只係S20, 即大約HKD12X, 但入面真係有好多動物, 而且toilet/bb care設施都夠, 沿路其實都多樹陰, 如果唔係要照顧BB, 特別係要成日抱, 其實應該唔算太辛苦!! 另外, 動物園真係好多一家大細去, 多數係3-4歲由學校老師帶住O既小朋友, 佢地個個都好守規距好乖好有跌序, 又唔會大聲叫, 好似真係比HK D小朋友可愛!!! 其實我帶住一個B都已經覺得好攰, 但園內仲有唔少係帶住2個B去, 有D仲要係細到得幾個月大, 要成日揹住係身, 咁熱都咪話唔辛苦, 睇見佢o地有時都覺得好佩服!!!


坐的士途中見到'Hong Kong Street'

4點左右番到酒店乖豬又訓醒喇!!! 又試鬼打都無咁精神, 成個生猛晒!!!


同爸爸影時笑得好鬼甜!!


同我影就走人, 好難先影到兩張好D!!!

乖豬: 都係酒店好玩D!!!




洗白白, 唔使成身汗!!


舒服晒!!!




拎住個搖控搞搞震

o係酒店洗個面涼下冷氣後, 6點15分就落酒店大堂會合o係新加坡做o野o既好友May, 佢今日會同佢老公帶我o地去食蟹呀!!!


因為遇著放工繁忙時間, 等o左好耐的士, 其間經過呢間舖頭, May介紹呢個豆腐雪榚好好味, 果然好正!!!! 乖豬都試左少少, HAHA!!!

坐o左半個鐘的士, 到喇!!


襯未反抗, 快手影張先!!


開始反抗喇!!


就係呢間!!! May話滔滔係電視介紹過, 無旅遊書介紹o個D咁貴, 但又好味D!!!

等o左好耐位, 老公子推住乖豬行到佢訓左, 老公子就買左份新加坡報紙坐係一邊睇 (好似做左當地人咁!!), May老公就去排隊等位, 我同May就坐係樹下傾計!!!

等到8點幾9點, 終於食得喇!!!


好豐富呀!!!


呢個係牛油煮蟹, 個汁辣辣o地幾特別, 好味!!


呢個唔記得叫咩名堂, 但個湯真係好鮮甜好好味, 送米線超正!!!


兩隻蟹分別有2斤重, 真係超巨形!!!

乖豬唔知係咪熱, 又係食一兩啖米糊就唔食, 諗住俾少少曼頭佢試, 但可能唔慣, 太鞋口, LUR番出o黎, 最後佢係度做垃圾蟲, 將個曼頭mit到粉碎, 掉到成台成地都係!!!


成隻手咁大o既蟹拑!!!

因為我要照顧乖豬無得落手落腳拆蟹, 要勞煩May同老公幫我拆, 雖然少左拆蟹食o個份滿足感, 但食到咁肥美厚肉o既蟹鉗真係好滿足, 好正呀!!!! May, 你果然好介紹呀!!! (埋單我同老公要約HKD900, 但食到咁肥美o既蟹, 貴少少都值, 係HK真係未必食到呢!)


兩個認為拆蟹係藝術o既男人!!! 由頭到尾都拆得好專心, 直到清晒兩隻蟹為止!!!


因為都夜, 乖豬有少少扭計, May就帶佢去睇魚魚!!!



多謝May招待呀, May老公仲講o左好多新加坡當地o既o野我o地知, 好似掉垃圾o既罰則, 街上好少見到乞兒同警察等等, 令我同老公子對新加坡了解多左, 去旅行可以了解當地風土人情先似去旅行嘛!!

番到 酒店都成11點lu, 但乖豬又試當酒店遊樂場咁玩玩玩!!!



好彩, 連續兩日2點幾3點訓o既乖豬D電力都唔係太足喇, 最後滾滾爬爬到12點, 頂唔順訓左喇!!!

趴係度訓, 訓訓下嗌左幾聲, 自己攝左係個死角度繼續訓!!