細佬畢業

今日我細佬行畢業禮,lunch o既時候佢約o左我呢個家姐食越南粉,好少見我細佬著恤衫打太,硬係好似睇唔慣,哈哈!!!

下午四點,我爸媽都出o左o黎紅磡睇我細佬行禮,完o左六點剛好我就放工,所以佢o地特登入o黎黃埔食詠藜園,我落到去快七點,佢o地叫o左好多o野食,有擔擔麵,酸辣湯等等...好好味!!

其實我媽好少出夜街,所以今次可以一齊o係街外食晚飯真係好難得呢!!

電o左 = 無電

有時都唔係好知點分類網誌添...因為一日內做o左好幾樣唔同o既o野...

首先係公事,今朝一早約o左同事,佢為o左俾o野我特地同女友入o黎我住o個度,於是我同honey就盡地主之誼帶佢o地去食出名o既豬扒麵同帶佢o地行大埔中心,同事o係大埔中心都行o左成兩個鐘呀,星期一番到公司八o下佢行o左d咩地方先!!!

之後係私事,三點約o左honey妹一齊去電髮,不過整出o黎o既又唔係我想要o既o野,仲要電o左好似無電,好似好sai錢咁...而且修o左兩寸之後睇落d 頭髮短o左好多呀,唔制呀...仲有,最重要係我想電o既大圈其實同我未電前差唔多咋(因為細圈半年後已經變o左大圈)...,明星o個d(即係我貼o係之前篇blog o個d)其實好多都係Set出o黎又或者只係電好少,好快就無效果,所以今次我最後整出o黎個頭同我之前想像o既變o左兩回事,同我之前卻仲係一回事....唯一唔同係而家個頭輕o左好多咁解...嗚...唔制呀,點解我妹整得個頭咁靚我就整唔到喎...好想d頭髮快d及腰再整過呀...

而家個look似大S呢張相,不過短好多,只有佢件衫心口對上咁長咋...

 

夜晚到家事,舅父母入o左o黎同我o地食pizza,好飽好滯,之後舅父仲教我同我細佬投資,佢講足兩個鐘呀,唔知我吸收到幾多呢...

充實o既一日經歷o左公事家事私事,唔少得o既當然係要多謝間場o既honey啦,幫我拎住重重o既notebook同書,辛苦晒!!!

擦身而過

今日約o左honey個妹食lunch,大個女讀U,傾起計上o黎話題多o左,仲相約聽日一齊剪髮,希望我o地將來會再friend d啦!!!!

今日honey大約兩點入o左黃埔,o係我公司隔離開會(我係第二期,佢第一期),可惜我要開會啦,如果唔係真係想走出去會一會honey呢!!!

夜晚,八點半先放工...嗚...最高記錄...不敢想像project真正kick off 後會點呢...

我的工作(私人網誌)

今日中學同學個細佬正式加入我公司,不過我條team咁o岩入o左房開會,出到o黎時佢已經被人捉o左落另一個project,所以大家緣慳一面...

其實我呢個project人手好唔夠,仲好期待新同事加入,點知咁快又俾人捉走o左,我o地PM一聽到一刻都有d突然o架,希望佢可以多d時間幫我o地team啦...

講開工作,其實我都想寫好耐o架喇,而家番o左一個月工,學o既睇o既都比以前多,不過,第一次落project,始終有太多o野唔識喇,跟住d functional consultant出去開會,最多只可以幫手寫notes,其餘咩都幫唔到手,有時都覺得自己幾無用o架...而且呢個客都幾查煲,所簽o左contract terms又好不利我o地公司,搞到成個project都唔係太樂觀,人手唔夠,經驗亦不足,老實講,成team都無咩士氣...

不過都算不幸中之大幸,自從原先個PM走o左後,公司請o左個女PM跟我呢個project,佢由大銀行過o黎,有好多年經驗,係佢身上,我覺得我應該可以學到好多o野,而且,話晒我係男人堆中工作,而家有個女上司,始終傾計上方便好多...

Anyway,而家仲係design stage,我呢個technical consultant仲未正式開工...而家晚晚差唔多八點放工,唉...希望遲d我正式開工時唔好太夜就得喇...!!!

 

一齊番工!!

無錯今日好開心呀,因為咁o岩我同我Honey今朝都要出去鰂魚涌,所以可以一齊坐巴士,一齊坐地鐵,嘻...雖然係星期一,但一朝就可以見到honey,即刻成日都精神晒!!!!

=======================================================

頭髮已經好長喇,差唔多係我出世以o黎最長,睇見我妹早兩日整o左個啡色曲髮(佢第一次電髮),好似日本娃娃咁,搞到我都好想生日前整o下個頭...之但係呢排先俾人讚完我d頭髮黑得好靚,所以我唔想染,把頭髮咁長,又唔捨得剪o左去,都唔知仲可以有咩變化...唯一諗到就係由細圈變大圈,之但係又怕維持唔耐喎...嗚...真傷腦筋呢!!!

um...以下幾張圖邊樣好睇d呢?

海鮮

無錯!!腸胃炎好番未夠幾日我又要大開食戒...

我爸同事介紹下,先知我家附近約半年前開o左間專食蟹o既專門店,呢家店係中環SOHO區o既分店,聽落好似有d保證,而且睇見廚窗大大隻空運到來o既加菲蟹同龍蝦,的確好吸引,所以今日成家人特地去一試!!!

我o地叫o左d午餐,普通啦,不過因為d龍蝦未運到,所以試唔到我爸話最抵食o既芝士龍蝦伊麵...不過,我o地都食o左凍龍蝦,啖啖肉,都幾好味呢!!!

懶洋洋

懶洋洋咁過o左一個下午,簡簡單單咁睇o下電視,食o下外賣魚旦腸粉,好鍾意咁o既感覺...如果日日都可以係咁就好喇!!!

=====================================================

夜晚同Honey一家人食飯,好夜先食呀...其間講起想一家人去個短線旅行,仲叫埋我...諗諗o下又o岩o既,唔叫埋我,我honey一定唔會去o架!!!

飄灰

人o地漫天飄雪,我住o既地區今日重陽節就漫天飄'灰'!!!

今日好乾燥,結果山火連連,同honey o係屋企附近散步時周不時見到天空飄下'灰',開頭仲以為係附近有山墳,夜晚番到屋企先知原來有山火呢,番到屋企,所有近窗o既地方都散滿點點灰燼呀,又唔可以大力抹,因為一抹就會整到地方黑晒,只可以小心咁用膠紙貼走d灰...其實清潔事少,因為d人唔小心或無公德而令大片山林化為灰燼真係好可惜呢...

====================================================

講番今日登高,表弟無之前咁cool,令我有少少喜出望外,而另一個表弟依然大大件咁好可愛,佢再大個d就唔肯同我o地玩o架喇,有時真係唔想佢咁快大個仔,哈哈!!!

三點出沙田會合honey(仲撞到毛毛娜),不過好多人,行o左陣好快就走,番到大埔再一齊登o左陣高,嘻,雖然目標遙不可及,但間中發o下夢都可以好開心!!

腸胃炎

尋晚開開心心番到屋企後肚痾,本來都無咩o野,點知訓覺時開始覺得手軟腳軟呢,即刻都知大件事,唔通係d o野食唔乾淨??

今朝起身,嘩,不得了,簡直就係手軟腳軟兼頭暈...夾硬起身換衫番工,因為我未過probation,sick leave要扣人工o架...點知最後我都係要投降,因為我feel到我一出門口一定會暈,到時仲大件事呢!!!!

十點o係媽陪同下出沙田睇醫生,雖然只係短短o既火車程,但我真係企唔到呀,全程都好辛苦...!!!睇醫生喇,醫生一摸我個肚再用聽筒一聽,話我d腸搞得好犀利喎,仲問我係咪食o左生冷o野或自助餐,我答佢我尋晚食酒樓,但再之前連續兩星期都有食自助餐,佢話我應該係食滯o左所以腸胃炎呀...噢...呢排我又的確係幾多應籌o既...似乎真係要節制o下...

番到屋企除o左訓o係床上面咩都唔想做,因為我連坐o係度都覺得無力,個肚又硬係好唔妥,攪住攪住咁,斷斷續續下午訓o左兩三次,每次起身都全身冒汗,似乎有少少燒添呀...到夜晚,情況都仲係差唔多,唉...今次都算病得幾重,只少我未試過手軟腳軟成咁...好彩我拎o左兩日假,雖然要扣人工,但無法啦...希望聽日會好d啦!!!

Emily生日會!!

今晚大姐會為年紀最小o既Emily舉行生日會,由於上兩次都係食西餐,所以今次特地o係中式酒家舉行,可以成圍咁錯,傾計都方便d!!!!

我o地約o左七點半係地鐵站等,但點知最終無人o係o個度等喎,哈哈,因為大家好有緣咁陸續o係街上撞到呢!!!!今晚一圍十一人,有八位大姐再加Chris,雞泡同埋第一次出席大姐會活動o既Fish,好熱鬧呢!!

今晚叫o左好多菜式,都幾大碟,味道亦唔錯,其中有三款菜式都係特登預訂先有得食o既,包括八寶鴨、沙律鍋貼蝦同埋最後被我o地用作生日蛋榚o既蓮蓉西米焗布甸,呢三味菜都好好味,而且仲有位好'可愛'o既阿姐幫我o地上菜添,帶俾我o地唔少歡樂呢!!!

而今晚CLok又發揮佢o既'振奮'表現,大家聽佢講佢d同事o既'咸濕'笑話聽到目定口呆,再之後就係爆笑連場,CLok自己仲笑到頭痛添,真係搞笑!!!!

送禮物喇,係床舖被單,希望Emily鍾意啦!!!

請食飯

今日十點就出門口,因為要過海去拜山呢!!由於墳場憐近我舊公司,經過那熟悉o既地方,不禁有時間過得真係快o既念頭,因為唔覺唔覺,我都走o左成個月lu!!!

今日係重陽之前一個星期,仲以為會好多人,點知墳場水靜河飛,所以唔使迫之下好快拜完,之後齊齊去泰簡單食午飯!!

今餐由我做東,目的係慶祝小妹轉工成功,我o地六口子叫o左好多美食,個個都話d o野食好味呢,yeah!!!!

 

冬陰功伊麵+冬陰功湯!!!                                   豬頸肉!!!!!

 

釀雞翼!!!                                   蝦蛹!!!!!

 

左: 蝦多士!!! <= 好多油好肥,但真係好正!!! 
右: 南瓜咖喱飯 <= 超正,份量多,d飯又夠綿,我o地食晒成個南瓜添!!!!

 

左: 蛋網泰式抄貴勺 <= 又係好好味,上openrice個個大讚!!!!
右: 甜品 <= 好多汁o既紅豆榚, 我o地雖然叫o左一個餐,但佢俾足六份我o地呢!!!!!

我妹叫o既'白馬王子',其實都係三色冰o個類飲品呢!!!

夜晚約o左舊同事食韓燒,嘩,已經係連續第二個星期食自助餐喇,荷包縮水體形卻不斷膨脹,要節制o下喇'!!!

上星期去朗豪坊食o野o既美食相片都upload o左,大家可以去呢度睇番:
http://hk.rd.yahoo.com/blog/mod/art_title/*http://hk.myblog.yahoo.com/feon_ko/article?mid=2659

此刻心情公仔

Yahoo Blog又upgrade o左喇,加o左"此刻心情"公仔圖案...嘻,但其實我一向有自己一套"心情公仔"呢,所以都未必會用!!!

哎也,剛發現以前可以press "Ctrl+Z" undo o架,而家唔得喎,delete o左d o野要由頭打...um...咁樣好唔方便呀,yahoo要再改善o下!!!!

世界真細小小小

世界真係細,星期日honey話我知佢老死,即我o地偉大o既中學班會主席,個細佬同我同行,仲好似話快轉o黎我公司添,於是我就一直好想問班會主席Mark多d關於佢細佬o既o野!!

今日online第一時間問Mark佢細佬英文名,一問之下,果然就係我同事尋日話我知將會join我條team o個個人呢,亦即係話我將會同Mark o既細佬做同一個project呢!!!

其實我自轉o黎新公司後都feel到我呢行有幾細,因為同事一問你之前o係邊度做,做過咩project,佢o地就會問"咁你識唔識XXX",估唔到o係咁細o既一行我都可以遇到中學時識o既人,真係好奇妙,不禁歎句"世界真細小"!!!!

計資歷,我比人o地細佬仲淺呀,好期待佢月尾join我條team共事,到時請記住多多指教呢!!!

一家五口

一朝起身,嘩,咩事,做乜右眼咁矇查查o既??

眨多兩眨,仲係無改善喎,好驚呀,不嬲我都係左眼有影,右眼做完手術後一直情況良好o架...發生咩事??我於是即刻打去醫院,但因為醫生診所同醫院眼科今日都休息,所以只可以托門診幫我打電話call番醫生,好彩,醫生好快就覆番我,叫我即刻去旺角診所檢查!!!

咁o岩半年無同屋企人周六日食lunch o既妹今日o係屋企,一家五口就因為我要覆診而浩浩蕩蕩咁出o左旺角!!

媽媽同妹陪我睇醫生,原來係我雙眼太乾喇,訓覺眼皮貼住o左眼角膜,結果一張開眼就扯損o左角膜喇,不過,醫生話損o左好快好,只要我勤力d滴眼藥水就OK,希望我雙眼快d回復正常啦!!!

醫完眼醫肚,一家五口去o左朗豪坊個foodcourt,聽聞呢度個牛扒好正呢,所以一試!!!我o地又發揮一家五口o既力量,食o左好多國家o既美食,有印度抄飯,韓國泡菜辣撈麵,泰式冬陰公湯河,牛扒飯,漢堡扒,仲有Mos Burger同埋滿記甜品,好正好正,成家人食得好滋味好開心呢!!!!

 

牛扒 &漢堡扒                                             牛肉飯 <=好好味!!!

 

韓式泡菜撈麵 <=惹味!!                    印度抄飯+染色薯條 <=呢樣普通少少!!!

 

冬陰功湯河 <=好辣呢!!                                       薑味可樂 <= 唔錯!!!

 

Mos漢堡!!!                                滿記甜品 <= OK啦,但我都係鍾意彩虹多d!!