大姐會新會恩平之旅

三天假期小妹都係o係大陸過,國慶嘛!!!哈哈!!

今朝一早七點半去到皇岡,好彩我之前一日先上定我honey宿舍o者,如果唔係就要好似比蒂咁五點九起身喇!!!

是次旅行係由仙廸爸搞o既,成團成四十幾人,其中一個好似話係蒙嘉慧媽添,都咪話唔熱鬧!!!八點幾上車,要坐成三個鐘車去新會,雖然大家都睡眼惺忪,但都照樣展開大姐會第一次o既NDS大戰,哈哈,比蒂o既Mario Kart技術力壓其餘大姐,頒個No.1獎俾你啦!!!!

終於到啦,先去一個公園兜個圈鬆鬆筋骨,雖然只係一個普通到唔普通o既公園仔,但大姐們一樣自得其樂,下面張相影得幾好呢!!!!

Rebec做乜企到咁開呀!!!???

 
公園內好似餓鬼o既錦鋰!!!

食過午飯,大約兩點幾三點去到錦江溫泉喇,先上酒店房換衫預備浸溫泉,點知太陽伯伯實在太勤力喇,晒到大姐們就算做足防曬措旅都唔係好想去浸呢,結果就走o左去做按摸,不過大家都好後悔,因為大姐們要分房按,而且衣著性感露晒腰o既按摸女模唔夠力水,同o係深圳o既差好遠,但價錢郤好貴,大家都認為咁係因為佢o地賣o既唔係按摸呢!!!

六點食晚飯,好豐富,其中牛仔骨同走地雞都好好味呢!!!!再之後九點幾去浸溫泉,其實都無預呢度會係正宗o既溫泉喇,因為呢度好似以前海洋公園o既水上樂園咁,有人造浪同飄流玩o架,係熱水入面玩呢d 都係第一次,特別係大家坐o係大水泡玩飄流時,只有Pat Pat浸係熱水,感覺都幾得意呢!!!!五位大姐手拖手玩飄流,由於水流都幾急,一唔拖住手就會被沖開,推推撞撞再加上哈哈笑聲,我o地竟然玩唔停咁o係飄流玩o左四個Lap,好似玩緊Mario Kart咁呢!!!!!

溫泉區內有好多唔同溫度o既泉水,我o地為o左'靚',好勇咁去浸'三溫暖',即浸完熱泉水再浸凍泉水,雖然未至於好似正宗o既冰水咁低溫,但浸完四十度o既熱水再走去二十多度o既室溫泉水都已經夠各位大姐we嘩鬼叫呢,哈哈!!!

o係溫泉區沖埋涼番酒店開始"午夜Juno",點知大姐們都太支力喇,再加上按完摸浸完溫泉同埋酒店o既大床,我o地玩o左幾舖就陸續倒下,時間應該都只係點幾咋,都算係破o左大姐會開會以o黎午夜活動最早訓覺時間o既記錄呢!!!

擺晒陣,預備重溫住hall時o既"午夜Juno"!!!

訓飽飽朝早九點起身,大家今日都好精神呢!!!o係去開平途中旅遊巴停低俾我o地欣賞稻田,一大片碧綠色o既田真係好靚,可以暫時忘記城巿生活,接觸o下大自然真係幾身心舒暢o架!!!!

到開平喇,呢度就係剛於六月被列入世界遺跡o既"開平雕樓與村落"喇,老實講,我真係唔知原來廣東都有世界遺跡o架,真係好開心今次有機會去遊覽呢!!!

碉樓!

錯落於竹林間o既石碉樓,感覺有d似只出現於宮崎駿電影世界o既神秘國度呢!!

 

左: 於碉樓頂遠眺,發現遠處有座有如歐洲古堡o既建築呢,不過我o地唔記得問導遊小姐係咩o黎添!!?
右: 綠草叢中一棵百年大榕樹,好似電影(我的野蠻女友?)中o既場景呢!!

 

左: 於碉樓頂層望到o既村落
右: 楊桃林內好多楊桃呀,青澀o既三隻小楊桃,可愛嗎?

考大家眼力,見唔見隻巨型蜘蛛呀?

參觀完後去食午飯,今餐的確唔錯,大家望到下面張相有無流口水呢?特別一提,相中左上角o既係砵仔榚呀,真係有'砵仔'裝住o架!!!

回程喇,大約五點幾六點番到皇崗,我同比蒂又要進行番屋企o既大長征,其間竟然撞到同樣由大陸番o黎o既Pat Pat喎!!!!

番到屋企八點,好支力呢,好開心同比蒂、仙廸、珍妮同莉碧嘉過o左一個咁開心o既國慶之旅呢!!!

有興趣大家可以去以下blog 度睇呢:
仙廸:
http://hk.myblog.yahoo.com/jw!TRa4NGafCRQsalrQ3vL_FxKSfmY-/article?mid=1049
比蒂:
http://hk.myblog.yahoo.com/ahbetbet/article?mid=122&prev=123&next=118

關於"開平雕樓與村落"呢個世界遺跡o既網頁:
http://218.14.151.181/b5/www.kptour.com/