有些事情我自問真的沒有辦法處理,希望你快點好番啦,我一個人支持不到的!!
2007年12月29日 星期六
大姐會聖誕新年派對!
不過,今日上到athena屋企玩大富翁同pictionary真係好好玩,投入o左去玩個人真係會輕鬆d,仲玩到聲都沙埋呢!!!(我o地嘈到俾人投訴呢!)
最後交換聖誕禮物,我抽中Clok o既袋,可以lunch袋埋銀包電話紙巾,幾方便,大家都知我用大牛龜電話,平時食lunch的確拎住好多o野好麻煩,而家一袋過就得,太好喇,clok呢份禮物真係好實用呢,多謝!!!
散場喇,Cindy等五人去唱K,其實我都好想去,但聽日有o野做,而且我都真係無乜精神去玩,嗚...下次啦,快d有下次,我好耐好耐無唱過K喇(又!!)!!!!
今晚都算玩得開心,不過,成晚不斷被電話滋擾,好煩!!!!
2007年12月27日 星期四
提親(驚嚇版)
Honey媽媽久久都仲未平復到被嚇倒o既情緒,我心諗,死啦,唔通唔鍾意我o地咁早拉埋?...好彩,傾o下傾o下,honey媽終於由驚慌變為開心,酒席呀婚紗呀咩都問,呼...總算鬆一口氣!!!
不過難題亦開始喇,由於Honey媽是'非常母親',我feel到未來應該有好多硬仗要應付...努力...希望我係呢段期間唔會被搞到眉頭縐到出縐紋就好喇!!!
2007年12月26日 星期三
2007年12月25日 星期二
睇場2: 沙田馬場
沙田馬場馬會廂房: 樓底好高,落地玻璃,好似玻璃屋,好靚,仲有幾款台布揀,好特別!
沙田馬場馬主廂房: 樓底矮,有柱,睇完馬會廂房就會覺得呢度唔靚!
其實馬會平時都support開咁多人食o野,唔怕佢o地請d唔熟手o既part-time,service同food都唔使擔心,唯一唔好係最低消息好高,同酒店一樣,雖然我爸係馬會職員,但都無優惠,仲要麻煩人簽帳先可以免加一,又要等到08年9月先知09年6月20定21先係賽馬日(賽馬日唔可以擺酒!),會令我之後o既化粧律師等安排好麻煩...真係要諗諗!
五點幾番到屋企,我o地好即興咁入o左間地產公司,睇樓去!!
2007年12月23日 星期日
CRASH
好似平日咁坐巴士出荃灣,去到火炭附近,架巴士特然急停,坐我隔離(下層最後排中間位)位乘客即時衝前了幾步,再之後係一大陣煙味...
撞車了,巴士無熄到匙,心諗,有無事O架?由於我坐巴士最後排,所以望唔到被撞O既私家車情況嚴唔嚴重,只係知道巴士食O左兩條線,後面實會塞車呢!!
車上陸續有乘客打番公司話要遲到,我都唔例外,因為都唔知要搞幾耐,唔知使唔使等警車或者等下一架巴士接走,點知,呢頭我打完電話,o個頭架巴士就開番喇喎,就好似咩都無發生過咁,唔知點解呢!
結果,我仲係比所有同事早番到公司,不過諗諗下,都算好彩,因為跟住巴士尾o既車無衝上o黎,如果唔係我坐車尾都幾危險...
忽然諗起年初過年d八卦雜誌話我呢個生肖今年可能會遇車禍(因為我有車牌,所以有留意到!),今日應驗了,好彩無咩事o者,平安夜嘛,真係要平平安安!!
2007年12月22日 星期六
提親
Honey同我一家(除妹外)去o左一間意大利餐廳食飯,叫完o野食就正式提親喇,唔知我爸媽事先feel唔feel到、有無心理準備呢?有就好,無都希望唔會被我o地嚇親吧!
終於講o左喇,唔知點解,honey開口一刻,我眼入面竟然充滿淚水喎,只係少少,不過真係控制唔到,亦唔明點解會咁...我仲留意到我爸都係呀,或者...或者大家心入面都好欣慰吧!!!!
'好~好~',聽到呢一句,我同honey心入面都輕鬆o左,呼~終於開o左口,以後一切planning都可以o係'地上'進行喇,而且,我爸媽好似俾我還要緊張,問東問西,好彩我同honey事前planning做足,佢問o既我都差唔多有諗過考慮過,好開心爸媽對我倆無限量o既支持同關心呢!!!!
23/12/2007 今朝一早同我妹講番我的大喜訊,佢笑得好開心好甜,好耐無見過佢呢個笑容,嘻,搞到我都好開心!!!
巨無霸與叉燒飯
去到酒樓,好多人好迫,仲好嘈,可能趕住要俾台第二輪客,所以上菜上得超快,我o地都食唔切,好趕...而且d味道比上次差,唯一比較好係夠大碟,大碟到好多都要打包拎走!!!!
由於聖誕過幾日就到,每年做冬我二舅父都會買聖誕禮物俾"小朋友",不過...身為二十幾歲o既我,雖然屬於家族入面最細一代,但咁大個女仲要人送聖誕禮物真係有d唔太好意思,學我媽話齋,我都自己搵錢喇,自己識買,唔使咁客氣呢!!!
今年我收到的是一條Swarovski水晶鏈,天使造型,好可愛,而我妹的一條是球型的,各有各靚,不過球型的比較襯我妹的style呢!!!
到送禮物俾全家最小的十歲表弟喇,登登登凳,係一個巨無霸造型o既杯,單看造型已經夠晒霸氣,舅父之後叫我表弟打開巨無霸個蓋睇,嘩~我表弟笑得勁開心呢,因為估都估唔到,個杯入面竟然盛著我表弟最最最喜歡吃的叉燒飯!!!!!
不要說是小朋友,在坐的大人們都覺得呢份禮物充滿創意同心思呢!!!我表弟係典型男仔,細細個(5,6歲!)已經話最鍾意食白飯同叉燒,不過次次做節都係燒味拼盤,有叉燒但無白飯送(我o地唔想佢掛住食白飯唔食做節o既食送!),今次終於第一次有叉燒飯食,可想而知佢幾滿足!!!
之後成晚佢就間中打開巨無霸杯蓋品嘗佢美味o既叉燒飯,食得不知幾滋味,仲好似唔捨得一次過食晒,話要留番燒夜先食,仲話食完叉燒飯夜晚訓覺會訓得特別好喎,哈哈,簡直就當個杯係寶貝咁攬足成晚!!!
睇見佢呢副滿足樣,大人們都好開心呀,舅父應該都好滿意自己o既安排吧!!!表弟係我家入面唯一仲未"長大成人"o既小朋友(另兩個表弟妹都十五六喇!!),有時真係唔多想佢咁快大個仔住,不過過兩年佢都要升中喇,到時就開始"扮大個"喇,呢兩年真係要好好o地同佢玩,珍惜o下佢o既童真先得!!!
2007年12月21日 星期五
2007年12月20日 星期四
Annual Dinner
今晚係母公司和黃旗下屬於e-commerce o既子公司annual dinner,總共有五間公司參與,除o左我公司外,仲有esdlife, bigboxx, priceline同埋新城電台!由於事先知道自己會同新城o既人同一圍,所以都有少少興奮,唔知到時會唔會見到DJ呢!!!
番工咁耐第一次成team人六點幾放工,之後齊齊過去九展,去到已經好多人喇!!去到自己張台,見到台上d table prize,除o左二獎外,其餘都唔錯呀,從來無中過獎o既我真係希望今晚可以開到齋呢!!!!
臨開席喇,見到新城員工們排好晒影相,中間有位橙紅色人,噢,原來係薜家燕呀,佢著到咁鮮,唔知係咪會上台表演呢!?
終於開席喇,再細心周圍望,原來我右邊一台就係新城o既紅DJ們o個台喇,不過認得o既都背住我坐,我'裝'o左好耐先睇清楚呢!!有細細粒好熱都圍住條粗頸巾o既啤梨,范振鋒,露芙,車車,鄭啟泰,仲有阿Ben同阿Bob(佢成個人著到五顏六色o架,好搶眼!),後尾仲見到李紫欣purple姐姐添,佢咁o岩經過我o地台,而我o地又正在影合照,佢被迫企o左係度等,於是我襯機叫佢同我o地合照,哈哈,都好,我鍾意同佢合照多過同啤梨合照呢!!!!
講番個annual dinner,成晚都好熱鬧,因為新城DJ個個都好好口才同表演欲,成晚節目無停過,都幾好,不過餐飯就麻麻,唔太好味,而且個傳菜唔知做咩好鍾意係我則邊上菜,但明明係無位o架嘛,都夾硬攝埋o黎,搞到我成晚都要縮o黎縮去避呢!!!
至於抽獎,table prize係用六合彩形式玩,每人有一條5蚊o既飛,然後播番早幾期o既六合彩結果,雖然最終中唔到,但o黎緊星期六有六千八百萬金多寶,所以呢張飛要袋好呢,哈哈,話唔定下星期唔使再番工呢!!!!!成晚有大約五十幾六十份獎,就算係細獎都份量十足,真係份份都好想中,雖然最後十份大獎我公司拎走o左唔少份,但都無我份...嗚...不過,今晚真係好開心,好難得可以同同事輕輕鬆鬆咁玩o左晚呢!!!
2007年12月17日 星期一
2007年12月16日 星期日
睇場1: 煌府&婚紗展
太子煌府: 位於始創,honey一上到去猛話唔好,樓底唔高,空間感不足,最大問題係太'酒樓feel'(雖然事實上佢真係一間酒樓!),所以即ban,本來我仲想睇埋樓下彩福,但honey話成個始創樓底都矮,所以無乜好睇呢!!(後尾睇番forum先知原來太子彩福樓底高而且裝修好靚o架!!!!)
旺角道煌府: 呢間酒樓係我心水場,之前我send o左唔少forum意見俾honey,不過佢一直抱觀望態度,今日終於去到現場,唔知係咪有之前o既對比,去到呢個場,我真係有少少'嘩'一聲o既感覺!!!樓底高,方形廳,感覺寬敞,而且無咁'酒樓feel',新娘房雖然細了點,但我同honey都覺得個場真係唔錯!!!
婚紗展: 兩點幾去到會展,煌府經理接應下我o地唔使錢入場,之後我o地諗住行一轉,點知呢一轉行o左好耐,因為先後俾中台兩個婚紗攝影公司捉住o左...雖然有少少後悔坐o左埋去,浪費o左唔少周圍睇o既時間,不過就了解到中港台三地o既分別,對之後考慮自己對婚紗攝影o既要求有了初步概念!!!臨走,睇埋蒙羅麗紗個catwalk show,拎埋唔少資料,滿載而歸!!!!
四點幾,本來應該去到上環大舞台飯店睇場的,但時間唔許可,honey亦無insist要去埋呢個佢本來很想去o既場,加上從網上得知上環個場最低消費超出我們預算,所以我倆便放棄了,決定先俾錢hold住旺角場買個安心!!!
(後記: 由於自已實在太心急,唔想再因為擔心無我個日子而再煩惱,所以今日做o左一個錯誤決定,唉...!!)
2007年12月14日 星期五
2007年12月11日 星期二
無耐性
開頭我講得好亂,唔知由邊開始教起,起初都以為係自己問題,所以呢位'學生'就要不斷問我,但我而家發現呢個'學生'都好有問題,極懶極依賴,自己諗都唔諗,試都唔試就問我,我示範完佢直情叫我copy d o野send 去佢MSN抄...o係佢不斷問我o野下,有時都搞到我專心唔到做自己o野...
呢幾日我答呢住'學生'o既語氣不自覺惡o左,有時都驚自己太惡...但真係好煩呀,有d o野真係自己試先學到o架嘛,樣樣都問人直接拎答案點會學到o野!!!!!!
另外,有位senior同事都係咁,雖然同佢work o左好耐,但有時佢都會同一樣 o野問我N次,有時真係會諗佢個腦用o黎記咩...
唉,我係咪真係太無耐性呢...諗番以前,我教細佬妹做功課都好似係咪惡o架,雖然我都明我惡o既話只會令人唔敢再發問去學o野,但我真係答多幾答就會忍唔住想大聲怪責人o地點解唔明呢!!!
似乎我真係好無耐性呢,好彩我唔係做教書o既o者!!!
2007年12月9日 星期日
開始: 定大日子
開頭我o地都係玩玩o下,點知,當我知到我倆拍拖十週年當天是宜嫁娶時,我便暗自希望我倆能於拍拖十週年當天結婚!!!
同honey相討後,終於,我倆的大日子便決定了!!
2009年6月20日!!
巧合地,我們的十週年竟然乎合了一切好條件:
這一年雙春兼潤月,好年是也!(這點係後來睇場時有好多經理告知的!)
這一天宜嫁娶!
這一天沒有與雙方家人及我倆的生肖相沖!
這一天不是我倆的生日月份,亦不是雙方家人生日月份(農曆)!
這一天不是農曆七月鬼節、四月清明及九月重陽!
這一天是星期六!
這一天是我倆的十週年紀念!
雖然09年好似有點急,我倆還年青,但再查看往後的紀念日,同一天有的不是好日,有的不是星期六日,而且,最重要還是我倆都認為十週年的十全十美要比十一或十二好!!
既然緣份安排了這樣一個十全十美的好日子給我倆,我們還是順著自己心意而行,決定這天為我倆的大日子!!
有了目標日子,下一步便是擬定初步的支出預算、時間表以及大約圍數,經過今日一整朝的努力(honey可是努力地在hup眼訓!),總算有了個大概,下星期便要去睇場及去婚紗展搜集資料,加油呀,這只是一個開始呢!
P.S. 關於何謂雙春兼潤月,上網搵到好有趣o既資料,有興趣可以了解o下:
雙春閏月是一同出現，「雙春兼閏月」這一句是不是沒有意思
雙春兼潤月年份是否特別適宜結婚
擇日宜忌
2007年12月6日 星期四
2007年12月4日 星期二
過Probation
講番尋日,老細同我做probation review,同上年係舊公司差唔多,1-5分我全部都係3,都有少少meaningless,好彩都仲有段comment睇,大至上都係話我學o野快同埋is a good team player and easy to work with, 都算幾正面呢,而且,老細仲話我出年年頭可以落一個大少少o既project添,應該係好事呢,加油!!!
2007年12月2日 星期日
畢業相
今日六口子去o左Poly影畢業照,雖然poly d紅磚都幾有特色,不過始終唔及HKU咁多景點,所以都好快影完,d相亦唔係張張都咁靚,唔知係咪同我失去o左影畢業相o既感覺有關呢!!!!
之後同honey出o左奧海城買飛睇戲,今次終於有位喇,實在太好!!!之後我o地襯兩個鐘空檔,去o左Element行街!!由於一早都知呢個商場比較高檔,所以都無乜期望,不過今日都有驚喜,就係見到出爐視帝陳豪同城城女友熊黛林幫一間化粧品舖頭開幕做嘉賓,不過太多人,都唔算睇得好清楚!!講番個商場,地方比相像中大,而且好難認路,成日唔知自己行o左去邊...總之,呢d商場行一次就夠啦~!!
差唔多半年無入戲院,如果今次唔係有free ticket都未必會去呢!!!我o地睇o既係'東京鐵塔',開頭都好驚係d催淚戲,但原來唔係,不過故事太平淡喇,睇完好似無睇咁...都係唔講咁多喇,有興趣大家自己去睇啦!!!!
訂閱：
文章 (Atom)