CRASH

平安夜,或者係holiday mood作怪啦,今朝起身仲以為係星期六日,真係好唔想起身番工呢!!

好似平日咁坐巴士出荃灣,去到火炭附近,架巴士特然急停,坐我隔離(下層最後排中間位)位乘客即時衝前了幾步,再之後係一大陣煙味...

撞車了,巴士無熄到匙,心諗,有無事O架?由於我坐巴士最後排,所以望唔到被撞O既私家車情況嚴唔嚴重,只係知道巴士食O左兩條線,後面實會塞車呢!!

車上陸續有乘客打番公司話要遲到,我都唔例外,因為都唔知要搞幾耐,唔知使唔使等警車或者等下一架巴士接走,點知,呢頭我打完電話,o個頭架巴士就開番喇喎,就好似咩都無發生過咁,唔知點解呢!

結果,我仲係比所有同事早番到公司,不過諗諗下,都算好彩,因為跟住巴士尾o既車無衝上o黎,如果唔係我坐車尾都幾危險...

忽然諗起年初過年d八卦雜誌話我呢個生肖今年可能會遇車禍(因為我有車牌,所以有留意到!),今日應驗了,好彩無咩事o者,平安夜嘛,真係要平平安安!!