巨無霸與叉燒飯

第一次同親友做節得我同我媽兩人出席,因為我爸去飲,細佬去o左澳門,妹就照舊唔得閒!

去到酒樓,好多人好迫,仲好嘈,可能趕住要俾台第二輪客,所以上菜上得超快,我o地都食唔切,好趕...而且d味道比上次差,唯一比較好係夠大碟,大碟到好多都要打包拎走!!!!

由於聖誕過幾日就到,每年做冬我二舅父都會買聖誕禮物俾"小朋友",不過...身為二十幾歲o既我,雖然屬於家族入面最細一代,但咁大個女仲要人送聖誕禮物真係有d唔太好意思,學我媽話齋,我都自己搵錢喇,自己識買,唔使咁客氣呢!!!

今年我收到的是一條Swarovski水晶鏈,天使造型,好可愛,而我妹的一條是球型的,各有各靚,不過球型的比較襯我妹的style呢!!!

到送禮物俾全家最小的十歲表弟喇,登登登凳,係一個巨無霸造型o既杯,單看造型已經夠晒霸氣,舅父之後叫我表弟打開巨無霸個蓋睇,嘩~我表弟笑得勁開心呢,因為估都估唔到,個杯入面竟然盛著我表弟最最最喜歡吃的叉燒飯!!!!!

不要說是小朋友,在坐的大人們都覺得呢份禮物充滿創意同心思呢!!!我表弟係典型男仔,細細個(5,6歲!)已經話最鍾意食白飯同叉燒,不過次次做節都係燒味拼盤,有叉燒但無白飯送(我o地唔想佢掛住食白飯唔食做節o既食送!),今次終於第一次有叉燒飯食,可想而知佢幾滿足!!!

之後成晚佢就間中打開巨無霸杯蓋品嘗佢美味o既叉燒飯,食得不知幾滋味,仲好似唔捨得一次過食晒,話要留番燒夜先食,仲話食完叉燒飯夜晚訓覺會訓得特別好喎,哈哈,簡直就當個杯係寶貝咁攬足成晚!!!

睇見佢呢副滿足樣,大人們都好開心呀,舅父應該都好滿意自己o既安排吧!!!表弟係我家入面唯一仲未"長大成人"o既小朋友(另兩個表弟妹都十五六喇!!),有時真係唔多想佢咁快大個仔住,不過過兩年佢都要升中喇,到時就開始"扮大個"喇,呢兩年真係要好好o地同佢玩,珍惜o下佢o既童真先得!!!