fc620 ~ 切蛋榚與合巹交杯篇

註冊完當然要同律師以及雙方家長o黎個合照啦!!

當然仲有一班兄弟姊妹!!

之後要切蛋榚喇!!!

個蛋榚賣相都OK呀!!!最緊要有我o地兩個個名,哈哈!!

呢張相好'卡娃依'呀!!唔知係咪註冊完心情靚靚呢!!
我o地兩個個表情都好似好輕鬆咁呀,哈哈!!!

有請一對新人預備, 1, 2, 3 ...

切呀~~~

之後,部長拎o左一對香檳杯出o黎俾我同老公子!!有請一對新人合巹交杯!!

老公子: 噢,乜唔係你餵我飲,我餵你飲咩??

哈哈,無錯,我正繞過老公隻手,個杯最接新老公子嘴邊時,老公子即哄前作飲水狀,哈哈!!!原來老公子唔知到合巹交杯係大家繞住手飲番自己個杯o架!!!

左: 俾老公子嚇一嚇,我都認唔住望一望人,睇下自己錯定老公子錯!!!
右: 老公子知道真相,忍唔住失笑,哈哈哈!!!!

yeah!!!咁先係合巹交杯嘛!!!

呢張祝酒照有d失敗呀,酒店人員都未派完fruit punch俾兄弟姊妹就影...影唔到一張整齊拎住fruit punch o既大合照添!!!

哈哈,呢張相暴露o左我o地培養o左10年o既默契添...

俾杯上絲帶扯一扯我先醒目,即刻拎番過老公子o個邊!!!
好鍾意同兄弟姊妹碰杯呢幾張相呀!!!

兄弟姊妹都落台喇,台上只剩低我同老公子!!!哈哈,唔知點解我笑得咁開心o既??

戴上婚戒的雙手!!

合交杯同切蛋榚後...'請一對新人落台'...

o下??...我仲未同只o黎觀禮o既賓客以及親友們合照喎!!!!
右下: 估唔到攝影師有影埋我黑面個樣添!!而我背後係我爸爸,佢都忍唔住衝上前同我地講,話點都要我o地上番台同親友們o黎個大合照!!!

老實講,大日子整日行程最亂就係呢個moment!!!其實我一早已經將證婚後o既合照list俾o左司儀,所以我當刻真係有少少嬲,但又要忍住...我仲記得女統籌珍妮當時即刻安撫我,話佢會follow一切,叫我放心!!

姑仔Kathy~~呢張相唔知係咪o係出亂子是拍o既呢??
Kathy,放心啦,其實我唔係怪你同阿東o架,其實好少事,不過始終係自己大日子,難免比較緊張!!

場內因為一陣亂子靜了下來...

好快,司儀們從新宣布一對新人上台並邀請男女家雙方家人以及親友上台!!再行上台一刻,其實有點尷尬,但係我仲要努力笑o架...

合照完畢!!!...之後'請一對新人落台'...

o下???又落??仲有d只o黎觀禮o既朋友我未同佢o地影相o架喎...

待續...