又update

大學畢業後都未考過試,上星期六要去考CRE,感覺得一個字: 難!!!

o係填鴨式教育下,我其實係一隻幾出色o既填鴨,估唔到腦袋無用幾年,真係生o左金秀,靈活程度差o左好多!!中文好似句句有錯字句句有語病,Apptitude Test做唔晒,基本法全靠感覺去答...總之,考完後好有挫敗感!!

==========================================================

星期日我妹去配眼鏡,我順道去驗眼!!驗出o黎話我右眼0度,左眼有50度遠視!!!

無錯,係遠視,自小學開始就係大近視o既我竟然有遠視,感覺好有趣!!不過,我記得2年前做完lasik驗眼時明明話左眼有50度散光o架,2年時間,散光無左變左有遠視??真奇怪!!

告別眼鏡/隱形眼鏡兩年,今日見到我妹揀眼鏡,自己忍唔住都試o左幾副,有幾副仲覺得自己戴得幾好睇,忽然有d想買番副俾自己呢!!

=======================================================

另,星期五晚有個舊同事打o黎攞料,問我識唔識而家公司某個人,原來呢位舊同事收到agent refer人,傾傾下佢都有叫我in,本來我都無咁快諗住轉工,打算好頭好尾做到12月31號,但尋日同而家d同事講完,佢地都覺得我應該in o左先算,話晒而家間公司IT部們前景真係唔多樂觀,大勢係technical staff最終會變outsource,我呢d contractor就算等到公司11月new structure開始成形後仲有得續contract,但點都只係outsource o既人,長遠未必有將來...(但係outsource都應該仲可以keep 住他調喎...)

就只係一餐lunch時間,我就決定o左試一試,拿拿臨send張CV俾舊同事,仲臨急臨忙arrange埋即日6點半去interview添!!!

作為見工達人o既我其實已經年年練習interview,但都係第一次in得咁急,毫無準備不特止,個look仲好唔掂...心情難免有d緊張!!

6點半in到7點9個字,頭一半用英文,開頭勁甩咳,好彩後尾都順番!!我估我今日都算in得中規中距啦,唔算太好但都唔算差,但佢地好似好急要人,甚至願意賠錢俾我而家公司...

最快個幾week後有2nd in,忽然覺得一切好似好快,唔多捨得咁快離開而家份工呀,因為而家份工實在係旬工,超他調,而且我仲識到第一個friend到o既女同事...(haha,太自信喇,人o地都無話會請我...)