首先,星期六過o左海拜山,之後會合放工o既細佬同佢女友一齊去滿貫飲茶,食o左好多點心,yummy!!
番到屋企老公子自己去游水,而我就同媽咪去買星期日招呼親戚上我屋企o既飲品!
夜晚我煮o左個米粉,今次第一次o係無落味精下個湯都好夠味,呵呵,好有滿足感!!
=========================================================
星期日一早去和合石會合親戚拜山,上次中秋無得同親友食飯有少少唔開心,今日終於婚後第一次見D親戚喇,好開心呢,表弟健朗真係又高o左好多喇,睇怕好快高過我呢!!
拜完山野餐,今日老公子第一次跟我地咁樣野餐法,唔知佢係咪覺得好有'風味'呢!!
之後,大家就上o左我同老公子新居同會所參觀,第一次做主人家招呼親友咋,老實講,主力打點一切o既始終係我媽媽,我媽仲特地拎埋麻雀台上o黎我呢度呢!!
親友們打牌,我,老公子同兩個表弟就玩card games, 之後老公子同表弟打機,我無所事事,親友們都叫我入去join我媽咪同舅母們個女人堆傾計,話我而家已經'升Le'喎...好搞笑!!
夜晚齊齊開大餐,除Pizza box外,仲有未來舅母買o既巨型帶子sashimi,好肥美好好味,仲有我媽o既生果沙律,好味道!!
今日真係過得好開心呀!!!
===========================================================
假期最後一日,我地又同我屋企人出去新街巿食豬排麵,之後買埋食送就同我爸番會所游水!!
今日d水好凍呀,但老公子正積極襯11月關池之前學識游水,所以凍少少唔緊要啦,而且更緊要係,我爸今日都得閒一齊游,正係大好機會等我老公子學下點游,哈哈!!
老實講,老公子由我爸第一次教開始到而家只係游左五六次左右,但佢進步好快,雖然姿勢有待改善,但勉勉強強老公子都可以游到一個直池(20M左右吧!),真係好叻仔呀,佢仲成日話佢學識游水,去旅行唔怕去陽光與海灘o既地方喇喎!!
游左兩個鐘後番屋企煮飯!!食完飯洗埋碗都只係剛做宮心計,於是我同老公子兩個人邊玩紙牌大富翁邊睇電視,一玩就玩o左三個鐘,估唔到兩個人都OK好玩,哈哈,而且成晚我手氣好旺,成晚都係我win咁滯呢!!
今日雖然過得簡單,但一樣好開心呢!!
沒有留言:
張貼留言