係我上到台望向觀眾一刻,個心忍唔住叫o左出o黎!!
好開心好開心,估唔到咁多朋友唔介意6點鐘就早到睇我註冊,真係好感動!!開頭酒店sales問我證婚儀式排椅setting應該set幾多時我都唔識預,sales於是話set定50張,應該預鬆o左,估唔到,turn out竟然唔夠位坐,有部份朋友要坐後面圓台呢!!
上到台,除左笑,個腦好似有少少一片空白,好彩...都仲記得律師之前brief o既程序!!
Honey先宣讀誓辭,望住佢,我feel到佢有d緊張!!
"請在座各位見證 我XXX 願以你 XXX 為我合法妻子!!"
到我喇,讀誓辭一刻,我只怕自己會讀錯字,諗番轉頭,其實我應該細味下誓辭內容...
"請在座各位見證 我XXX 願以你 XXX 為我合法丈夫!!"
好鍾意呢兩張相,snap到我o地兩個互望一刻呢!!
交換戒子喇,Honey好順利幫我戴好!!
到我幫佢戴喇,一早都知佢手指骨較大,點知真係kick住o左!!
我要用力扭兩扭先可以戴到入佢手指...其實戴唔入o個下有D心急o架,但又要保持笑容,扮淡定...哈哈!!
終於戴好喇!!
揭頭紗喇...
揭完喇???
無錯,律師明明brief我o地時叫honey慢慢揭,結果佢揭得好快,我當時心入面暗叫一聲'咁快o架~',可惜時間已經番唔到轉頭喇,希望攝影師影到揭頭紗o既相啦!!(後尾問番老公子做咩揭咁快,點知佢話佢o個d已經係慢慢揭喇喎...原來o係佢理解,一手fing開頭紗先係叫'快'...噢...!!)
揭過頭紗,林律師一聲"Now, you may kiss the bride", 指定動作又出場喇...
到簽字儀式喇!
我有不時望住honey o架,可惜佢無望過我,一d交流都無...
到我喇!!
雙方家長大筆一揮~~~
簽完紙,honey正式變為老公子!!
咦!!乜我同老公子原來有係台上面傾計o架??
林律師最後為我o地張婚書打上印章!!
現在正式宣布~~
我倆正式成為合法夫妻!!
好鍾意大家充滿祝賀o既笑容及掌聲!!
讓我再一次多謝在場各位親朋好友見證,我終於...嫁得出喇,哈哈!!
沒有留言:
張貼留言