本來想一篇過...但實在太多相想post, 執咁耐無新blog發表又有d唔好意思...都係寫住day 9上半part先啦!!
好啦, Day 9行程:
4/7 (SAT): Rorschach (酒店) -> Ebenalp -> Appenzell -> St Gallen -> Rorschach (酒店)
其實呢幾個地方暫時仲未算係亞洲人熱門會去o既旅遊點, 我決定去呢度,主要係因為睇過容祖兒去瑞士o既<<現代塵世美>>介紹, 我o地甚至係為o左就去呢幾個地方而放棄無坐最受歡迎o既Glacier Express而只坐Bernina Express, 而家望番成個瑞士行程, 今日去o既呢幾個地方絕對係成個瑞士行程入面我同老公子覺得最靚同最鍾意o既地方!!
想知點解? 咁大家就要慢慢睇遊記喇!!!而家等我約略講講今日去o既地方資料啦!!
大家記得我o地自Day7就進入瑞士南部城巿Lugano嗎?其實Lugano係o係下圖D區位置南端, D區同B區邊界係與意大利相連o既!!!
Src: http://www.myswitzerland.com.hko係Day 8(希臘瑞士Honeymoon之旅 ~ Day8: Bernina Express(3/7)), 我同老公子就坐火車由瑞士南部意大利語區坐巴士到近東邊o既B區, 再坐火車到A區北端,屬於德語區o既Rorschach, 雖然中途無停留, 但瑞士南部至東部風景, 都算叫做欣賞過吧!!!
至於Day 9去o既Ebenalp, Appenzell同St Gallen都係o係A區:
http://www.ebenalp.ch大家有興趣想知多d資料, 可以去下面幾個website了解, 唔講咁多, 遊記開始!!!
Wikipedia: http://en.wikipedia.org/wiki/Ebenalp
瑞士旅遊局官網: http://www.myswitzerland.com.hk/tourism/city/city.asp?Num=7
容祖兒現代塵世美 (其中一集係介紹我今日會去呢三個地方o架!!): http://video.joeyyungforum.com/category/variety-show/last-paradise/
============================================================
今日九點起身,食個靚早餐先!!
Hotel Rossli o既早餐都算唔錯,選擇算多,不過主要都係得ham & cheese啦!!
我老公子到今日已經驚到唔想再食包同cheese喇!!九點幾出發!!!
Lake Bodensee!!! 左邊對岸係德國, 右邊最盡方向應該係奧地利!!去Ebenalp要轉幾程車先去到!!
呢種車有D似香港o既輕鐵!!沿途風景都好靚好靚!!!未去到已經被四周風景迷倒!!!由於呢一帶地區人口密度極低, 環境都被一大片綠草包圍, 感覺真係好舒服!!轉多一程火車就到Ebenalp 喇!!!大家有睇容祖兒o個輯現代塵世美(http://video.joeyyungforum.com/category/variety-show/last-paradise/)應該唔會對Ebanalp呢座山感到陌生!!無錯,呢度就係容祖兒清晨坐吊車上山見到一片雲海,又有山中教堂o個度!!
車站對面就係吊車站, 好多遊人背住大背包排隊等吊車!!右: Ebenalp高1千6百多米(其實都唔太高o者!!), 大家見到圖中近右上方兩條吊車電纜嗎, 電纜盡頭就係山頂喇!!等吊車時見到天空好多一點點...原來好多人係呢度玩滑翔傘呢!!右: 上到吊車喇!!
左: 狗狗都忍唔住要望下窗外景色!!選擇十一點到呢度係因為之前上網見到呢度原來每個星期六11點都有free local tour介紹山上景點,所以出發前掉轉先去St Gallen,後去Appenzell o既行程!!
可惜...可惜我plan得太樂觀,因為我無expect吊車站咁多人,我o地足足等o左三四個字先上到山,最後,都係miss o左個English Local Tour!!
上到山,果然見到好多人玩滑翔傘呀,成個天都係,真係好多,大部份人更係自備降傘o架,咁就唔使俾錢千幾蚊跳一次!!!其實我同老公子都有興趣玩o架,但千幾二千蚊一次,最後孤寒o既我o地都係唔捨得,無跳到!!
吊車站!!吊車站內望出去盡係片片綠草!!吊車站放o左副熊骨,不過呢度可能唔算熱門旅遊區啦,簡介係無英文o既,所以最後都唔知係咩意思!!唔跳傘就行山吧!!先行上山頂,不過Ebanalp其實2千米都無,所以呢度係無雪o架!!
左上: 一行出去就見到呢位著住瑞士傳統服o既女士, 好興奮, 勁想走埋去同佢影相,不過佢似乎好趕時間, 越行越快, 眨o下眼佢就行到好遠...想望下佢正面都望唔到!!
下: 山頂有間餐廳!!山頂其實無乜特別o野睇!!我o地上到去時仲有一大舊黑雲係山頂,不迥周圍其實係好好天o架!!
中有個小花叢, 每棵小花都有一個人名牌, 如果我無理解錯, 應該係以往o係呢度攀山出意外死亡o既攀山者墓!!環顧四周, 好靚, 呢度周圍草比樹多, 周圍都係綠草地呢!!
山頂後方景色, 山谷中有個湖呢, 點解個湖咁藍o既??玩滑翔傘人士都背住一個極大o既背包!!烏天黑地下玩滑翔傘, 安全嗎??可以o係咁靚o既地方作天空漫遊, 似乎好寫意...諗番轉頭,其實係咪應該豪一下呢???山頂其實無咩o野睇,所以我o地就行落山, 向山中教堂出發!!
到山中教堂先要經過一個山洞,o係洞口我o地遇到一團local tour,本來以為自己追得到,即撲過去聽下有咩介紹...點知,原來個local tour係講外星話o架!!一個字都聽唔明,算吧,唯有自己行!!
呢個山洞d石應該有d特別o架,最衰聽唔明...山洞又斜又濕滑,我o地d鞋又舊又'扇'腳,要行得好小心!!到山洞口,行出去就見到一間木屋!!wow,呢個view我見過o架,容祖兒都係企係呢度!!!
Yoho~~~~本來剛o黎到呢度無人o架,點影都得!!可惜無腳架, 所以要搵人幫我o地影合照, 點知搵到人影時,團local tour就湧到,我o地背後就多左咁多人喇...可惜, HAHA!!再往山下進發!!
行多一陣就到山中教堂喇!!我以為我會好似容祖兒咁,見到有人o係呢度祈禱添,點知間教堂圍住o左,唔入得,亦無人o係呢度,同電視睇o既好唔同!!
由於山中教堂較黑,我地又無廣角鏡,有d難影,我地好快就走喇!再向山下行,見到有沿崖!
崖邊仲有間餐廳,仲有群黑面白毛o既綿羊係附近食草呢!!!
o黎到瑞士第一次咁近見到動物咋, 仲要唔係牛而係綿差呀,好興奮!!餐廳入面好多人好熱鬧,於是過去望下,咦,我認得呢度呀,容祖兒同一班著住傳統瑞士服飾o既演奏者就係o係呢度合作唱左首歌呢!!!可惜,我成個trip都無緣見到著住傳統服飾o既瑞士人,呢度亦不例外!!正想回程時,忽然聽到音樂響起,於是我o地又折返,以為有著住傳統服飾o既瑞士人表演!!點知原來唔係呀,只係一班食客用自己帶上山o既樂器係度合奏咋!!哈哈,雖然無傳統服飾,但佢地所奏o既音樂充滿開心歡樂o架,我同老公子一邊聽都覺得好開心,點解大家咁簡單就可以咁快樂o既?好羡慕呢種無優無慮o既感覺呀!!!
聽完悅耳o既音樂後, 老公行o左落餐廳對落崖邊!!我就留係上面影老公子!!老公子就影番上崖邊餐廳, haha, 仲影到我呢!!回程喇,本來再往下行個幾小時就可以落到山,而且,更重要係我同老公子都覺得呢度好靚,行山一定好寫意!!!不過...奈何我o地上山時好stupid地買o左round trip ticket,而且仲要趕住去Appenzell以及下午o既St Gallen,最後,我o地只好行半小時上山坐吊車落番去!!
上山見到牛群!!牛噹噹不斷響!!上番吊車站途中又影影影!!以上呢張我自己都好鍾意!!
180度山頂風光!!
Ready~GO!!!滑翔傘人士跑跑跑, 之後就會乖風飛起!!!坐吊車落山喇, 仲一次過影到頭先去過o既山中木屋, 教堂同餐廳呢!!再影上天, 大家數到有幾多滑翔傘係天空嗎??落山無耐就有火車開番去Appenzell,由於呢程車我事前係無search資料o架,一個鐘一班車都俾我o地預到剛剛好,心諗,今次瑞士之旅必定係順順利利吧!!
回程o既火車d窗係可以開落o黎o架,我o地都係見D細路開窗申個頭出去先知,學瑞士D旅遊書,影番張申個頭出去o既相先!!haha, 真係好似瑞士旅遊局本封面...話咁快到達Appenzell!!!
料資顯示, Appenzell係全瑞士面積第二少o既一個省,以人口計,更係全國最少,只有一萬多人!!小小巿鎮,究竟有咩好睇呢??
一落車, wow!!好靚,我忍唔住讚o左好多次'好靚'!!!呢度d屋七彩繽紛又精緻,真係好可愛好可愛!!
呢度d屋外牆都畫滿圖畫同油上不同色彩,精緻如童話故事中o既小屋...nonono,睇童話故事我都未曾想像過小屋可以咁靚呢!!熊人旗幟!!熊人係呢一區o既代表動物呢!!左: 簡單一間屋o既門口都好靚!!
右: 唔知呢位著住牛牛裝o既先生係咩人o黎呢?未行到大街時周圍真係好少人!!
大家見到每座building外牆掛有鐵造類似門牌o既裝飾嗎?每個標誌都唔同o架,標誌圖案往往代表店中所售o既物品, 好似賣鞋, 門外標誌就會有隻鞋係度o架!!Appenzell雖然地方細細, 但呢度d舖頭其實都幾旺o架,間間賣o既精品都好靚,價錢仲唔平呢!!!睇番d手信, 原來好多都係o係呢度買, 雖然後尾諗番呢度買可能比其他旅遊區貴d,但當時行得咁開心,又真係好難唔買呢!哈哈!
右上: Appenzeller Cheese係世界知名o既芝士(http://en.wikipedia.org/wiki/Appenzeller_(cheese)),所以有唔少舖頭都有芝士賣o架!!
右下: 呢間舖仲有火腿添, 瑞士旅遊書都有介紹Appenzell o既風乾火腿, 應該就係呢D!!
左上: 賣瑞士民族服,不過睇落好似女人街貨色!!
左下: 賣瑞士精品o既地方!!無記錯, 我o地好似係呢度買o左磁石同瑞士水樽做手信!!2009年正直瑞士軍刀公司125周年,佢o地仲推出o左125周年紀念版添!!不過我o地無係呢度買!!環顧Appenzell四周,只有我o地一對亞洲遊客(唔係講笑,呢度連韓國日本客都無!!),其餘都係歐洲旅客,好明顯,呢度仲未成為亞洲人o既熱門旅遊區!!
由於我o地係'少數民族',搵人影相時d歐美旅客都會忍唔住問我o地來自何方,知道係香港後仲會同我o地傾多幾句,好親切亦好搞笑呢!!(更搞笑係,成個trip,包括希臘,問親我o地邊度o黎o既人都曾經去過香港喎!!10年前又有,20年前又有,原來都咁多人去過香港,我仲以為一個咁城巿o既地方無咩人會o黎添!!)
呢張我好鍾意o架,可惜out focused...呢度正舉行緊戶外音樂會, 好熱鬧!!行行o下上o左一座樓o既平台, 望出去又係一片片大草地!!好正呢, 早知就唔好嫌貴, 係呢度book酒店住啦!!望住咁靚o既景色,真係貴d都值嘛!!呢間屋勁靚,唔知點解令我諗起丹麥曲奇!!!HAHAHA~~~行兩行又要趕住走,因為下午要去St Gallen,要趕及o係文化遺產之一o既Abbey Library 5點關門前去到參觀!!可愛o既Appenzell只能走馬看花地遊覽,好可惜,亦好唔捨得...(其實Appenzell地方小小,行兩個鐘應該乜都睇晒,不過呢度環境真係好舒服,我個人覺得俾夠一日時間我漫步呢個小鎮都唔算多呢!!)
因為趕火車,我o地飯都未食就衝番去剛到步時經過o個間手信舖頭買手信!!
又係世界聞名o既Appenzell Cheese, 雖然唔係特別愛好Cheese,但我都唔執輸,買o左兩舊做手信, 其中一件(圖左藍色盒)仲係羊味Cheese,番HK煮意粉時落o左d,真係幾有羊羶味呢!!店仔細細,但好多得意精品, 當然唔少得牛噹噹啦!!大家見到上圖個鐘嗎???呢個木製Appenzell鐘好靚,老公子一見就話要買番屋企, 於是佢就成為我同老公子成個trip最貴o既手信喇!!!(大約要HKD600!!)而家日日係屋企都望呢個鐘o架, 望到佢就諗起Appenzell呢個可愛小鎮, 嘻!!離開Appenzell o既火車上, 除o左覺得唔捨得,仲覺得有點可惜!!!因為如果照最初行程篇排下午先遊Apenzell o既話, 我o地就會多好多時間, 可以健行一個小時去下一個車站先上火車...如今要趕去下一個目的地St Gallen而無法享受於大草地上健行o既樂趣同無法體驗躺在大草地o既自在, 真係好可惜呢!!!(補充: 我之後去o既瑞士城巿環境同呢區好唔同, 想見番一大片草地已經無機會喇!!
回程火車沿線風光...如果有機會重遊Appenzell, 我一定要試試躺在呢片大草地上!!! 離開Appenzell, 我同老公子坐o左大約50分鐘火車就去到另一個城巿~St Gallen喇!!
到達St Gallen大約三點吧, 我同老公子咩都未食過肚餓得很, 但眼見距離Abbey Library關門時間漸近, 我同老公子唯有求其咁狼吞由香港帶去o既唐餅~紅菱作為午餐(好彩個紅菱都好大個, 入面全部都係蓮蓉,都頂到肚餓!!), 急步向The Convent of St Gallen (聖加倫修道院)進發!!!
