之前一日由希臘到意大利再到瑞士, 真係好趕好頻撲, 呢日行程相對輕鬆好多, 等我同老公子有時間可以差一差電!!
是日重點: Bernina Express!!
我o地會由朝早10點坐3小時Bernina Express o既觀光巴士誇境到達意大利小鎮Tirano, 然後由2點到6點半,坐觀光列車Bernina Express到Chur, 最後就再轉車,於晚上8時45分到達今晚住宿城巿Rorschach!!
3/7 (FRI): Lugano -> Tirano (Italy) -> Chur -> Rorschach
==================================================
一早起身,忍唔住又欣賞o下房外美景!!!
朝早o既Lugano,其實幾靚,可惜我o地無時間去遊覽呢個可愛城巿!!
Hostel房其實望到Lake Lugano!!
又係勁靚勁大o既繡球花!!!(但原來我無同D花花合照囉...可惜!!)
相中間就係我o地住o既hostel喇!!
Check-out先去火車站activate張Swiss Pass, 話個秘密俾大家知,其實我同老公子之前一日去Bellinzona係坐霸王車o架!!!因為我o地前後o係瑞士係9日,但我o地只買o左8day pass,所以我o地無買飛就上車, 又無人查票, 後尾先知我o地係衰好彩,因為之後成程trip,上親火車都一定有人check票呢!!!
巴士好準時到,但老公子仲o係度買緊早餐,我當時好驚,差D急到喊,因為我知瑞士出名準時,如果老公子番唔切o黎咁點算??不過...最後都係自己嚇自己!!
老公子買番o黎o既牛角包+冬甩, 共CHF2.8
車程三個鐘,由Lugano開到意大利o既Tirano,係Bernina Express o既巴士觀光線, 亦係我o地全程瑞士之旅唯一一次坐巴士!!由於每日只有一班車開出,雖然travel agent話可以唔reserve位,但我穩陣起建都係俾左幾百出o黎reserve!!結果,reserve係無錯o既, 因為架巴士機乎坐滿呢!!
起程!!
Lake Lugano!!
青山綠水,真係睇得人好舒服!!
巴士開出無耐,就要經過一d好窄o既車路,d路窄到只可以單線行車,不過就要有對頭車兩邊行,結果係最窄o既位置,塞死o左!!巴士司機落車,對面線又有好多司機落車幫手睇位,場面好搞笑,搞o左我諗都有半個鐘,大巴士終於穿過窄巷,繼續旅程!!開車後,我o地見到對面線條車龍塞到好遠,有d落車幫手o既司機,竟然係o係100米至200米以外o既車度行過o黎,好搞笑!!
右下: 大巴士同前面架貨車亙相頂住去路
左下: 遠至數百米外車龍o既司機都走過來幫大巴士睇位
講番沿途風光,巴士原來離開Lugano無耐就進入左意大利邊境,開頭大部份時間都沿住湖邊行,青山綠水,望落湖邊仲不時見到鴨仔鵝仔同埋魚,加上d可愛屋仔,風景真係好靚,不過亦有樣野好奇怪,就係我地發現周圍都好多小天'稱',有時影相成日會影埋入景,破壞左張相!!
右方湖邊有一堆鴨鴨呢!!
小天枰!!!其後好多相中都不難發現佢o既o既出現!!
巴士行左個半鐘,去o左一間意大利Cafe外停站俾大家去個toilet再飲番杯Cappaccino!!
樹身像滿好似迷彩一樣班點o既樹...HAHA...咁又影一餐!!
呢杯咖啡真係大整估,因為咖啡o黎時巴士司機正打算開車,我成杯熱咖啡滾入口,脷都熟埋,店員見我o地趕時間,即倒多d凍奶落杯咖啡度,我o地先飲到(但我條脷已經鞋晒喇!!),不過呢,雖然多左好多奶,但杯咖啡其實真係幾好味!!
車程後半段無o左湖景,風景相對無無咁靚!!
遠遠o既山頂有點點白雪!!
山谷中o既小鎮!!
類似梯田山坡!!
三個鐘車程話咁快就過,好快就到達Tirano呢個意大利小鎮喇!!
Tirano 車站!!
距離Bernina Express開出時間只有一個鐘,是但入o左一間餐廳仔食左個Pizza同意粉,哈哈,米蘭食唔到,而家補番,點都叫做o係意大利食意粉Pizza嘛!!由於呢度係意大利,所以要用歐羅,我o地盡量o係呢度用晒d散紙,仲買o左一杯1euro o既咖啡味雪榚,味道OK,最緊要唔貴!!
右邊就係我o地食lunch同買雪榚o既地方!!
o係希臘飲唔夠,老公子又今餐又叫o左啤酒!!呢餐12euro!!
1 euro咋,香港都無咁平!!
出發!!
Bernina Express係我o地o係瑞士唯一會坐o既觀光列車!!其實瑞士最受歡迎o既觀光列車係Glacier Express,不過睇過瑞士旅遊局官方形容("Bernina Express, 係瑞士係夏天唯一一條睇到冰川火車風景線. 沿途風景變化大, 被譽為可一次看到瑞士不同景色風景線. 沿途高度落差大, 有些地方吹呼呼寒風, 到意大利時, 又好有地中海風貌. 到接近意大利邊境, 有全程最吸引景點. 圓形橋. 仲被聯合國被定為世界遺產, 最後一站係意大利國境,Tirano!"),再夾埋自己行程,所以最後我揀o左坐Bernina Express!!
頭等車廂!!!
Bernina Express路段就係我o地瑞士之旅第二個visit o既世界文化遺產, 沿路都會經過好多依地勢而建o既石橋, 而當中又以圓形橋(Brusio Circular Viaduct)最為有名 (UNESCO World Heritage簡介: http://whc.unesco.org/en/list/1276)!
旅客都紛紛舉機拍照!!
頭等設於車尾, 相信就係方便我o地影到車頭經過圓形橋o既相吧!!
條橋比我想像中迷你,好快就行完!!
過o左圓形橋, 工作人員就堆加小食車出o黎喇!!
可能日本人肯花錢D啦,職員全卡人都問晒(全卡大部份係日本團), 偏偏唔問我同老公子!!
之後, 列車沿住zigzag形o既山路,火車越爬越高!!
左邊仲見到圓形橋o架!!
高D!!
高D!!
再高D!!!!
右下: 雪山開始越o黎越近喇!!
Bernina Express唔止係瑞士觀光列車中海拔落差分別最大,仲係唯一一條o係夏天都可以見到冰川o既快線!!
冰川!!
睇完冰川, 列車又繼續向上爬!!
上到最高位置喇,外邊好似好凍呢,大部份人都著晒厚褸,而且仲有好多行山人士,我同老公子當時都覺得,咁高都有咁多人行山,d山路仲好似無盡頭咁,覺得d人好勁!!
Lej Nair (Black Lake, 黑湖)!!
Lago Bianco (White Lake, 白湖)!!
白雪近在咫尺,好興奮呢,因為我同老公子都未掂過雪o架!!
Bernina Express上到全程最高海拔o既地方!!2256M!!
列車於最高處停站十幾分鐘,我就係度開餐!!!係Lunch食剩o既大包,老公子嫌硬,於是我一個人硬食!!
由於未上過高山, 我都唔係好知2千幾米其實係咪真係好高!!!總之, 係高山上見到大霸、好似扇o既不知名物體、同埋唔少行山人士, 感覺好新奇!!
過o左雪山, 去到Pontresina站,我o地要轉坐2等車箱,因為我o地原來一直坐緊o係需要reserve seats o既頭等車廂度!!而且,原來成架火車都需要reserve seats, 而我o地只係俾o左車票,所以坐番二等都要俾補番reserve seats o既錢先可以繼續坐!!!! (其實我到而家都覺得好奇怪,買o左車票點解唔坐得車, 既然一定要reserve seats,點解唔直接d車票錢+埋reserve seats錢去賣飛!!)
火車係呢個站停得耐d,我o地就襯時間轉車廂喇!!
之後d景色開始無咁特別喇!!
呢個巿好似幾大呢,見到少見o既大型建築物...仲有...天枰...
碧藍色o既河流!!
點解d水可以清成咁...諗番起愛琴海o既深藍,呢種透明般o既藍白色,同樣令人難忘!!
列車穿越隧道, 都行o左超過10幾分鐘!!
之後要數最特別景點,應該係呢條橋(Landwasser Viaduct)吧...不過好可惜,條橋竟然裝緊修...我同另一個外國遊客不自禁無奈地相視而笑...
唉...明明文化遺產網頁上係咁o架嘛...
Src: http://whc.unesco.org/en/list/1276
之後幾個站好多遊客都落車, 車廂漸漸得番我同老公子,每人霸一邊4坐位都得,勁free!!
又一條石橋(Solis Viaduct),呢條橋好短,但係係全程最高一條橋(300 feet),可惜我唔夠快,影唔到底!!!
Domleschg,資料顯示呢區係歐洲數一數二地方細細但有好多城堡o既地方!!
呢條係萊恩河 River Rhine!!
萊恩河?聽過喎...又影...但我其實唔知條河點解出名???
Malenfield站, 去探海迪(飄零燕個小妹妹!)就要係呢度落車!!不過我興趣不大,所以唔去喇!!
整卡車得番我同老公子咋!!
坐到Chur落車,終於結束Bernina Express之旅!!!不過, 我o地仲要坐多2個幾鐘車去呢兩晚住宿o既地方Rorschach!!
由於有一個鐘buffer,我o地係chur o既Coop (類似超巿o既地方, 但size似7-11)度買今晚o既晚餐!!
同HK一樣,就過期o既食物都會有減價!!
買完食物,又出發喇!!
其實已經夜晚八點幾喇,天色都開始昏暗!!
點解我o地會住Rorschach??咪又係因為個慳字囉!!!由於事前上網搵唔到價錢合適o既St Gallen/Appenzell酒店,所以最後住遠o左少少,搵o左距離St Gallen 20分鐘火車程o既 Rorschach!!
去到Rorschach喇!!雖然有美麗o既夕陽、彩虹、仲有湖畔嘉年華o既樂隊演奏歡迎我o地,但由火車站到酒店o既20分鐘路程,我老公子差唔多被爛鬼大行李折磨死, 因為沿路都係石仔路!!!
Rorschach位於湖邊,湖o既對岸就係德國,法國同奧地利!!
彩虹!!
o係希臘睇日落睇得多, 估唔到係瑞士都睇到!!
湖畔餐廳舉行嘉年華!!相中小朋友好可愛呢!!
去到酒店check-in已經9點,好夜!!check-in後酒店負責人帶o左我o地去一間普通房,本來間房都OK,但我o地發現o左個重大問題,就係間房無雪櫃!!!呢間酒店我o地住兩日,所以之前轉車時去coop買o左d食物,唔可以無雪櫃呀!!
向酒店負責人反映,佢落reception check兩check,話幫我o地轉房,於是我o地就跟住佢去第二間房喇!!
一開房門,嘩...好大!!!!!!!!!!!!!!!!!!!!!
酒店負責人話見我o地係honeymoon, free upgrade我o地住呢間honeymoon suite啦!!
haha,就係因為一個雪櫃,我o地竟然可以住大過我間屋咁滯o既honeymoon suite!!!(補充: 間honeymoon suite房號係'444',身為中國人,第一眼望到其實都有d覺得唔吉利,好彩,入到間房都無咩唔舒服o既感覺,老公子一個人出o左去要我獨留o係房都唔太驚!!)
上左: 特大洗手間,由於太大,我影唔晒...相中只係toilet一角!!
下左: 大床對出就係無敵大平台!!!
下右: 床o既右邊仲有飯廳
出o左去大平台上影番Honeymoon suite!
大平台可以望到Lake Constance湖景, 九點幾個天仲光o架!!晚霞好靚呢!!
今晚呢餐極之豐富,而且仲好好味!!其實瑞士超巿內o既肉都唔太貴呀,雖然都6-8euro一pack,但好大pack份量十足,味道仲好好,HK o個d平,但細pack好多又唔好味,相對番,其實瑞士呢邊都唔算貴呢!!
呢餐唯一唔好就係我分開煮完各種肉後,所有o野都凍晒先食得,只係靠最後個source先叫熱少少,不過味道真係一流,自己都忍唔住要讚下!!
沒有留言:
張貼留言