激死人!!洗衣機又壞o左!!!

尋晚老公子OT到差唔多十二點先番到屋企...我一個人係屋企,本來諗住做o下家務,洗o下大半年o黎未洗過o既窗簾...

點知一開洗衣機,佢只係轉o左一個圈咋,就'啪'一聲停o左, 仲跳埋fuse....

行埋洗衣機度聞,仲有好輕微o既火羅味...似乎係洗衣機短路呢...幾驚火燭...

由於洗衣機噴o左少少水落D簾度,我唯有拎番出o黎用手係咁易洗, 勁污漕,但我無能為力洗咁大塊窗簾, 好彩窗簾質料幾'扇'水, 唔係我一定扭唔乾(今次事件令我諗番起去honeymoon前洗濕D衫up到成屋味o既可怕回憶...)...最後當然又要出動抽濕機狂抽...

唉,一個人係屋企做苦力已經夠慘, 而家仲要壞埋好重要o既洗衣機, 好無奈...諗起都覺得煩同頭痛...睇怕短期內都要拎D衫落會所洗...嗚...