尋日發生媽媽掟女落街再自殺o既慘劇,真係聞者心酸...
新聞指夫妻當時一家三口去飲茶,夫妻間為女兒升學問題而嘈交,然後妻子一句「你信不信我掟個女落去」，丈夫回答「你夠膽就做」...接住,慘劇就發生...
...
一家三口周末飲茶本來係件開心事,就係一句衝動說話,咁就搞成咁...
唉...兩夫妻床頭打交床尾和嘛,大家為女兒升學問題意見不合o者,但其實兩個都係為個女好先會咁嘛,點解要咁激動,最無辜係個女,就算係阿媽都無權決定女兒生死,而家搞到個女仔過年前無o左媽咪,以後一世都要承受住俾阿媽掟落街o既陰影,真係好陰公......
雖然我唔係嘈交專家,有時同老公子嘈交都會忍唔住語氣唔好,不過我記得曾經睇過一d嘈交智慧,諗番都真係幾受用!!!
1. 激動時最好停一停,透啖大氣,飲啖水,就算係一分鐘都好,通常冷靜一點,好多衝口而出o既說話都能夠吞番落肚!!(呢樣其實好難,我都係近年先開始熟習d...)
2. 除非事情真係去到無彎轉而要'分手' 或 '離婚', 否則任何情況下,邊個唔o岩都好, 都不要亂拎'分手', '離婚', '去死'呢幾個terms出o黎!!!! (呢點我同老公子都做得好好,十年都真係未提過呢幾個字o架!!!)
3. 退一步海闊天空,有時就算自己無錯,只要先放軟語氣,對方通常都會跟住放軟態度...言歸於好,有時就係咁簡單!!!(呢樣我老公子做得比我叻,通常我醒覺自己錯時有時都會夾硬話自己'我o岩', 老公子就會話'係, 係你o岩~', 老公子意識到我其實'知錯', 但又俾面我落台, 呢一點真係好抵讚,我要努力學習下先得!!)
希望大家共勉之!!!
咁你老公子都幾好嫁喎! (千祈唔好比佢知我讚佢, 費事佢會囂張~)
回覆刪除我都覺第3點幾有用~ 認句低威, 等大家冷靜左先再討論返個問題會好好多~
2個人相處真係一種學問黎嫁~ 大家成長環境, 背景, 性格都唔同, 好難好難搵到1個同自己完完全全夾到既人~ 真係有排學呀!!
[版主回覆02/08/2010 14:00:00]haha,係呀,真係抵讚,其實我好多時聽完佢講'係你o岩'後,我自己都會覺得唔好意思,有時都識認番句低威'好似又真係我錯...'...有時就係咁,小事就唔會變大事...
你講得好o岩呢,相處或嗌交都真係一門哲學,真係唔講得笑呢!!
真係好可悲哩... 其實... 係唔係名校幼稚園小學, 係唔係一條龍, 係咪咁重要呢? 一不小心... 本末倒置... 真是因小失大... 而家囡囡無媽媽... 好可憐啊...
回覆刪除[版主回覆02/10/2010 09:42:00]我有時都會諗,讀名校係咪真係咁重要...我自己就係非名校畢業,大個o左都無乜唔好呀......不過,我仲未為人父母,唔知第二時做o左人媽咪諗法會唔會變...
尋晚睇報紙講,話一個家庭,父母如果太以子女做中心o既話,好易會疏忽兩公婆間o既感情維係,令家庭生活無咁和諧, 亦會好易縱壞小朋友, 咁樣反而對子女成長唔好...呢點大家都要記住呢!!
by the way 好鐘意你置頂嗰張由小朋友變大人相~
回覆刪除[版主回覆02/10/2010 09:42:00]thanks ar, 不過呢個banner幾年前整lu, 所以'最大'o個張都仲好'後生'...HAHAHAA~~
我最近已經開始有一齊住的時候，發覺真係多左好多意見不合的時候。仲要大多數都係為左小事。 我諗真係要好好學習下。
回覆刪除[版主回覆02/13/2010 23:02:00]大家一齊努力啦!!!