剥o左牙喇!!

早兩日仲寫緊牙痛慘況...眨o下眼牙都剥埋喇!!!

事緣今次痛得好唔尋常,於是的起心肝去睇牙!!!由於上年年尾洗牙位牙醫講過我要剥下面隻牙大約要2k-2.8k咁貴,而咁o岩同事話佢識有朋友細佬做牙醫,話係佢家姐介紹做微創手術剥牙都係2k,橫掂都係貴,於是我就book o左同事介紹呢間,一心諗住尋晚好勇咁去剥牙喇!!!

6點半去到,等o左一陣就入得, 醫生幫我檢查o左一陣,話我唔係蛀牙所以咁痛,只係發炎,叫我剥o左右上角隻智慧牙!!!

右上角?但我係右下角痛喎!!

牙醫解釋,話道致我右下角發炎o既元兇其實係上面隻智慧牙生得太長,成日壓住下面d牙肉同下面打橫訓係度隻牙,所以好易發炎, 我下面隻牙無蛀,其實可以繼續保存,無必要受皮肉之苦開刀剥下面隻牙!!!

其實牙醫都解釋得好詳細,但我個人感覺硬係覺得剥o左一面先係一了百了o既做法喎...於是我向醫生表示一係兩隻剥晒...

病人想剥牙,牙醫反而唔想去幫你剥,我諗呢個情景都好少會發生吧???

牙醫繼續勸我唔需要剥下面, 話我其他牙都好健康,口腔衛生良好, 只要之後定期洗牙同注意刷埋智慧牙,咁點解要咁痛苦俾多幾千蚊做手術呢??佢仲話佢係牙醫,佢又點會唔想做多我幾千蚊生意,只係佢覺得真係無需要所以先會建議我剥上面就可以, 仲話遲D我無乜發炎,掉轉頭多謝佢都未定...

既然醫生咁唔想我剥下面隻牙,於是我最後都有乖乖就範,只剥上面一隻喇!!!

打針剥牙,成個過程5分鐘唔使...之前聽人講D經歷都超恐怖,但係估唔到我一D都唔痛,仲極快就剥完!!

醫生開o左大大包消炎藥同止痛藥, 叫我一定要食晒,另外又叫我買sou口水同一支細頭牙刷,最後加埋照左X光o既錢, 眨下眼千六蚊就不翼而飛喇!!!!(俾錢一刻,真係有肉隨'針'板上o既感覺!!!)

食o左一晚藥,而家下面牙痛o個度好似真係消o左炎無咁痛,麻醉藥散o左,剥牙位置亦唔痛,我心情都好似真係輕鬆o左,至少我開始相信我隻牙真係無蛀,咁痛純綷因為發炎...

呢兩日我唔可以食熱o野, 希望傷口快快好番,下面亦唔好再發炎,咁就真係安樂喇!!