身體健康!!

初一都仲龍精虎猛,點知初二一早起身就邊o左乞嗤大魔王, 開頭都以為只係天氣轉冷鼻敏感, 但乞嗤由朝到晚無停過加上鼻水長流, 睇怕都真係傷風喇, 所以一邊乞嗤一邊同我爸媽食開年飯後我就番屋企休息喇!!

今日初三, 本來一早應承o左奶奶上深圳一天遊,但今朝起身頭重重同咳, 最慘係無精神,所以今日我要甩底喇!!為免掃興,老公子唯有一個人帶住奶奶一家北上, 我就乖乖獨留在家休息...

話時話, 西曆新年時我記得我又係即刻傷風感冒, 估唔到農曆新年都要病住咁過...睇怕今年我真係要注意一下自己健康先得!!