牙痛慘過大病!!

自上星期過年病倒再加上可能食o左好多熱氣o野, 我d牙肉自上星期六日開始就腫,腫到右下角隻智慧齒位置都痛...頭兩日還好,但大前日開始智慧齒附近已經痛到食唔到o野,連吞口水到痛...

唔通...我今次真係要去mok智慧齒!!!

...

其實一直以o黎每次熱氣牙肉腫,右下角訓係牙肉入面隻智慧齒都會唔多唔少有D痛,不過好多時我努力擦多幾日牙後通常就唔再痛,所以我一直都無諗過要去mok...

直到上年十一月,又係牙肉腫令我智慧牙外o既牙肉位置好痛,去洗牙時終於問o左醫生點解,佢話原來係我隻訓係度o既牙迫住前面隻大牙,牙縫如果有菌就會令牙肉發炎,發炎o既情況好難避免,要一了百了就當然係去mok o左佢啦!!!價錢方面,因為隻牙係牙肉入面,所以要開刀, 價錢盛惠2000至2800!!!!!!!!!!!!

仲記得當時我隻牙已經唔痛,聽完個價錢,當然係走為上著啦!!

唉...估唔到今次隻牙會痛咁耐,仲要係前所未有咁痛,睇o黎肉痛點都好過牙痛吧...

...

剛剛book o左今個星期尾去check 牙,如果牙肉唔太腫,希望可以mok埋一了百了啦...仲有,之前聽太多朋友們o既痛苦mok牙經歷,真係好驚,希望到時我可以mok得唔太痛苦啦...