失業了~~~

努力搵o左2個月,似乎做我呢行,係HK搵份perm job已經接近無可能了...

搵工漫長o既道路唔好提喇...

本來以為呢度會extend 我多2-3個月,咁我就有多D時間再搵工,點知大前日外國D大粒佬忽然又話唔使係HK請contractor喇喎,搞到我都係要失業...

聽日開始, 我就要做全職C9喇...

雖然呢個係我一直以o黎o既夢想...但而家未係時候囉...

我唔想失業呀!!!

confirm要失業喇!!!

估唔到澳洲o個邊最後竟然係澳洲請人,亦即係話,HK呢邊唔需要續我去幫澳洲手喇...

等我仲婉拒左CX份contractor job...似乎我今晚要'反口'食回頭草先得...

唉...漫長o既搵工日子,究竟幾時先完結呢???

番工好無聊呀!!!!!!!!!

最後一個星期喇, 公司仲未搵我簽續約o既文件,BOC IN完又覺得無機, CX有人搵我做contractor,但我又婉拒左喇...

...兩頭唔到岸, 忽然覺得有D唔穩陣o既感覺...唉...之前令我覺得好開心o既中大工幾時先出AD俾我APPLY呀????唔通我真係要失業????

...

最後一星期,本來平日工作都唔忙o架喇, 呢個星期就更無聊啦,日日番工等放工,咩網都睇晒, 呢兩日都好D,叫在有D朋友仔得閒陪下我MSN過日晨...但我都怕煩住朋友呀,仲有幾日無聊日子要捱呢, 真係人都癲...

Boracay之旅 ~ Day5 (20100406)

最後一日喇,其實今日無活動,因為一早就要出機場喇!!

左: 大清早七點就俾D工程聲嘈聲,原來酒店對面起緊野, 可惡!!
右: 房o既窗台望出去沙灘, 今日好似比尋日更靜更少人!!

食早餐, 要同呢個咁靚o既view say goodbye喇!!!

本來食早餐時呢個茅屋塔塔米都有人用緊o架,但好快走o左,呵呵,我o地當然第一時間霸靚位啦,終於俾我o地恨到坐上去歎早餐喇!!

好疏乎呢!!

今日早餐o既A,B,C餐同尋日係唔同o架,今次我要左Omelet, 老公子要左飯,當然同尋日一樣,有生果做頭盤,yummy!!

望住靚view食早餐,正呀,可惜要趕住走,唔係我一地歎耐D!!!

我對腳曬到紅晒,好似豬蹄呢!!

坐Tricycle走lu!!!

右: 老公子買船飛,唔知點解o黎o既時候每人250php environment fee, 今次走,每人只係80php咋!!
左上: 仲有,今次呢程我o地原來係坐大船,唔係坐蜘蛛船(左下)!!

番到Caticlan Port望番去長灘島,真係要say goodbye喇!!!

右: 坐Tricycle番機場, 50php咋,同一程路day 1 o個時係100php o架...又一證明我o地揀錯時間o黎長灘島啦...
左: 今次起飛前1個鐘多d就到機場,唔使再上唔到機...

右: Nemo飛機!!
左: 靚女空姐示範途生注意事項!

12點15分到達馬尼拉喇!!機場望出去有座好似回教寺o既教堂!!

下右: 巴士站
下左: 等巴士太無聊,影下曬到似乳豬皮o既手!!
上: 的士排長龍,我地決定坐巴士,點知..

...去到巴士站有一架巴士剛開走,但其實所謂巴士, 我諗只係一架7人車咁上下大,人加行理都迫爆車咁滯,好得人驚!!!下一班話15 min,結果等左25min先到,好彩呢架大架D,當時都1點15分喇, 2點45分下班機先飛, 記得o黎馬尼拉由T2去T3都係10min車程,仲有buffer time,應該唔會又check-in唔到o卦...

點知, 原來仲有個難關要過, 就係大塞車!!!結果一塞就半個鐘,睇住時間一分一秒咁過去,加上有陰影,我開始心急如焚,連同車o既另一d 香港人都替我緊張,仲幫手安慰我,叫我唔好太擔心,猛同我講 '趕得切o既'...

結果...巴士終於係1:45分趕到T2...我同老公子即刻衝入機場,可惜原來入機場又要過機,真係

入到機場拿拿林搵我地隻機個check-in counter,好彩,仲見到好多香港人排緊隊,真係鬆一口氣!!!

既然仲要排隊,於是老公子就去搵地方買雪榚,唔買就真係無手信同家人交代喇!!

點知...又出意外!!!我地一心諗住機場買雪榚都貴o架嘛,無諗過佢地唔收VISA囉,而我同老公子身上又無咁多php喎,於是拎晒身上所有港紙 (但去旅行又點會帶太多港紙呀...), 加埋剩餘o個少少PHP,免強夠買三盒!!!

點知...我又忽然發現,原來出境terminal fee要750php一個人,唔係入竟時200php咁少...

我於是交低d行李比唔識o既香港人幫我o地看住,再跑去通知老公子唔好用晒d PHP買雪榚,但只用HKD, 我地只能買2盒...(本來想買3盒,一盒女家,一盒男家, 一盒自己!)...不過,買少盒雪榚都未解決個問題,因為手頭上D PHP唔用都唔夠俾terminal fee...唉...

好彩,老公子總算臨危不亂 (我已經發晒茅!!), 佢去左ATM度襟1000php(本來唔識襟,好彩佢最後襟到!!),而我就已經幫老公子check-in緊...我o地係尾二 2個check-in o既HK人...老公子襟完錢,仲有少少時間,數一數身上所有銀紙,老公子發現扣起terminal fee再補埋剩餘港紙,剛好夠買多一盒雪榚,就係咁, 我地好好彩咁買到三盒,亦剛好趕及check-in...

呢次真係又要 '多謝' 菲航又 '例行' delay 喇, 唔係我o地實買唔到手信,總算有驚無險...

飛機delay,周圍都迫满人!!

結果飛機遲o左成個鐘先起飛!!!!

呼!!!上到機喇!!

右: 飛機餐同之前一樣,無surprise!!
左: 呼~~~真係嚇餐矇!!

飛機比原定時間遲左一個鐘,6點先到,本來我地D行李好快出,但等極都等唔到D雪榚囉...等左大半個鐘,連billboard上面都寫住D行李出晒,我地先見到原來有職員拎住一堆濕貨企左係另一邊...個職員聲都唔聲下,搞到好多旅客傻下傻下不斷望住條行李帶,好唔體貼囉...

拎到雪榚,我地仲未走得,因為要過番T2找菲航悔氣, 叫佢地俾番個delay report我地!!終於,番到屋企都成8點幾9點...(本來仲諗住揀5點番到HK可以休息下第二日番工添!)

晚餐...老公子話好味過晒成個trip食D野喎...

呢度就係我地o既手信喇...唉...計番數,成個trip洗左16.5K o架,但買得咁少o野,都唔知D錢去晒邊...陰公...
(所以,朋友們,唔好意思呢, 我一份手信都唔夠錢買俾你地喇!!)

Boracay之旅 ~ Day4 (20100405)

早兩日想玩o既都玩晒,加上今次旅行遇著勁peak season,物價比想像高, 我o地Day2晚上已經發現銀根短缺,所以今日我o地決定咩都唔玩,好好enjoy hotel前o既靚海灘!!

(警告: 是日主要任務係狂影相,所以...太多相令你無心機睇唔好怪我呢...hahaha~~)

呢間就係我o地住o既酒店,叫Punta Rosa!

9點幾10點先去食個靚早餐!!食早餐o既地方係酒店天台,上面仲有個好靚o既矛屋塔塔米, 我同老公子都好想坐,但俾d外國人occupy o左!!

對住個咁靚o既view食早餐,真係一流!!

今日天氣明顯比尋日靚好多!!陽光下,個海都特別閃o架!

呢度o既早餐分A,B,C餐,我揀o左生果乳酪!

老公子就揀o左腸仔煎蛋配多士, 仲有水果盤,好豐富,仲好好味!!

食完早餐,我同老公子就去酒店對出o既海灘歎世界!!因為我o地住o係white beach station 1盡頭,人好少, 加上當地人放完easter好多都走o左,所以呢日長灘島終於少人好多喇,而我o地亦可以好好咁影靚相!!

點解可以靚成咁??

留意到相中有條橫線嗎?

原來係呢樣玩意(唔知叫咩!), 好多菲律賓人玩!!

我o地霸到個靚'冬菇亭'!!唔似去希臘咁要俾錢,好開心!!之後我就周圍影影影!!!

去相!!

呢張咁o岩無o左太陽,如果唔係應該幾靚!!

著老公子同麥嘜影相,佢竟然影成咁...海都見唔到...老公子d 影相sense真係...

都係我影啦...(所以呢,有時我都幾不滿我老公子唔識影相o架,可憐我一向d '寫真'都要自拍...)

好彩臨出發前一日我o地買o左腳架,呢日大派用場!!

真係好歎!!

呢度d沙好幼,好似粉咁!!

呢班菲律賓小朋友我o地歎咁耐就玩足咁耐,唔怪得個個都黑過舊炭!!

跳o左幾廿次都唔成功...左上角大圖我o地背後位菲律賓伯伯見我o地跳得咁過癮,之後仲背住佢個仔/孫扮我o地跳,好搞笑!!

跳到出晒汗,終於成功!!YEAH!!

影完相,老公子就攤係度睇o係HK帶過去o既雜誌!!!(原來呢張相到老公子好似戴o左頂草帽咁喎!!haha!)而我就周圍望,我留意到樣奇怪o野,就係長灘島勁多韓國遊客,最奇怪係,佢o地好多都係一pair pair著晒情侶裝,各自有一個菲律賓人好似跟班咁跟住,服侍d慢侶影合照,好搞笑,唔知呢d係咪叫情侶團???

我o地係海灘一攤就攤o到點幾兩點,真係好唔願行去D Mall,因為今日太陽伯伯好勤力呀!!!不過,因為真係餓嘛...結果,我o地就係咁曬足20分鐘路程,變o左一身古銅色喇!!

Willy's Rock, 好似係Boracay 地標,上面有個聖母像!!
(圖中d水青綠色,因為全部都係海藻!!)

見到有人拖住一大抽氧氣筒!!

今日去o左D Mall 入面o既Bite Club食Burger,的確幾juicy幾好味,但貴o左d,單買2個包已經差唔多HKD60喇!!

睇下,今日D mall都好少人呢,行得舒服好多!!

食飽又番去酒店,換上泳衣,我o地下午決定去游水!!

呢度d水好淺,行到好出都只係腰,但老公子唔敢俾我再行lu!!另外,呢度咁淺水都有魚o架,有d都有手掌咁大,但唔多,仲要係白色,好難睇到,我每見見到即叫老公子睇,但佢都係一條都見唔到!!

老公子比上次去希臘已經進步o左喇,至少肯落水!!不過我襯係海浮力大d教佢浮,但老公子都係唔多敢試,試幾次唔得就放棄o左lu!!

遊到咁上下開始日落喇!!

呢張好靚呢,如果我同老公子再行前d就仲good!!

夜晚,我o地又行番去d talipapa買海鮮,本來好想再食龍蝦,但唔知做乜,今日d龍蝦仲貴過前日,又唔肯減,為o左留番d錢聽日俾機場稅,我o地唯有就住d錢買!!

呢餐計埋煮,用o左1720php, 大約HKD 300!有2隻大蝦 (用番Thermidor o既煮法,因為實在太好味, 不過呢兩隻蝦d肉唔爽唔彈牙,似乎唔多新鮮!), 螺, 蜆 (一半用牛油煮,但拆o左肉上碟賣相麻麻,味道就OK! 另一半用o黎煮湯,一心諗住個湯一定好鮮,點知個湯勁多油,葱,蒜同薑,唔好飲,浪費o左d蜆!!), 魷魚 (Chilli Sauce, yummy,但太多汁)

食完仲買o左Orange Shakes同Water Melon Shakes (但應該係d冰用生水吧,我是晚搞肚痛,好彩只係好輕微!)

食完都9點幾,我o地又慢慢行番去酒店!!

呢晚長灘島好似特別寧靜!!

沙堆城堡主要係大人砌,地下砌呢d就多數係6-7歲o既小朋友,每次行過呢d小朋友都會問你俾錢影相, 有時都覺得佢o地好似好可憐!! 不過,都不得不欣賞呢d小朋友, 因為呢d沙堆係中空o架,入面仲放o左candle,佢o地d堆沙技術真係好勁!!

差唔多番到酒店, 我o地搵o左個比較黑o既位影星星!!

其實呢晚d星比之前幾晚都多,但stupid o既我今日唔記得set ISO大d囉...影唔到!!

今晚又只係認得北極星同北斗七星...平時我一眼就望到o既獵戶座腰帶今晚望極都認唔到,可能太多其他星星disturb o左我...
下次去旅行睇星,我一定要帶一本觀星書去先得!!

之後,我同老公子就奉上我o地o既第一次!!!玩光影塗鴉!!!

一練...竟然練o左成個鐘先有張似樣d!!!

老公子呢張一筆過, 所以好快成功!!!

呢張係我寫, 玩o左成個鐘先得...好支力!!

呢張送俾各住朋友,同大家打個招呼~~~~

本來想畫個心,但畫極都係咁...失敗...

其實我仲想試畫,但當時已經快12點,酒店仲關o左門,好彩有secure開門俾我o地入去咋...

是晚係房外仲見到佢...個身好似我手指公長度咁濶,好嚇人!!

今日雖然無咩特別節目,但真係好relax,我同老公子都好開心!!!!