Boracay之旅 ~ Day2 (20100403)

第二日訓醒一覺,尋日o既唔開心唔順利忘記晒佢!!!而家我o地係長灘島,應該盡情玩過夠!!!

八點半起身食個靚早餐先!!
左: French Toast, 個包係撈埋蛋一齊煎,雖然同香港o個d西多唔同,但都幾好味,感覺上好似無咁肥添!!
右: 芒果Pancake!!都幾好味,食完好飽肚!!

呢一朝天氣麻麻,個天比較多雲!!

呢朝我o地打算玩ATV,不過唔知幫襯邊間,所以我o地沿住海灘向Station 2方向行,諗住等人'lou'!!結果都行左成10分鐘先有人向我o地兜生意,之前上網搵資料見d人都係大約500php玩ATV,於是照咁樣開價,對方OK我o地就跟住佢坐tricycle去white beach背面o既Bulabog Beach!!

Src:http://www.myboracayguide.com/
呢個就係長灘島喇!!我o地頭兩晚住o既地方就係o係上圖'3'字o個一帶!!

去到Bulabog Beach,嘩,呢邊同white beach好唔同,超大浪,加上天陰陰好大風,好似另一個世界咁!!只係睇都覺得d人玩滑水有d危險!!

去到租ATV o既地方,工作人員話無晒單人車,得雙人車,加上仲有成團旅行團係度等,我o地以為要等好耐先有得玩,但結果其實等左10分鐘左右,工作人員就叫我o地試車喇!!

呢d就係ATV喇,其實我都唔知全名係咩...

工作人員叫我o地先係小石地上面兜圈練車!!

OK無問題就出發喇!!!其實沿途都有工作人員帶路,所以我o地只需要跟住佢行就OK!!不過老公子嫌工作人員駕得慢o左少少!!

兜o左一段路, 我o地去到Butterfly Garden,由於上網了解過,我o地兩個都無兒趣睇蝴蝶同蝙蝠,所以就無去到,改為去Mt. Luho!! 呢度係長灘島最高o既山仔,可以望晒成個島!!

Mt Luho入場費200php一個人!!估唔到入面都有唔少被困o既動物!!不過其實都無乜好睇!!

比較驚喜係見到孔雀開屏!!

影下相,不過天色依然麻麻!!

長灘島!!!近我o地呢邊係Bulabog Beach,背面先係White Beach!!

行唔夠15分鐘就回程喇!!工作人員好主動話要幫我o地影合照!!

番番去white beach都只係12點,我o地2點先開始下個活動,大把時間食lunch!!!
呢日我o地就去o左好多blog友推介o既aria食意大利菜!!

我o地叫o左2杯shake,墨汁意粉同生牛肉!!味道唔錯!!不過兩杯shake好似無Turtle Inn咁好飲!!

之後再去食有網友介紹o既燒雞!!不過呢...係又熱又濕又多烏蠅o既環境下,其實未食都已經無興趣喇!!!食左就更加覺得...唔食好過...!!! (舊雞其實唔難食,只係比較咸,但個人覺得要食o既話應該有更多選擇!!)

食完雞仲有時間,又出番沙灘行左陣!!Yeah,有太陽喇!!

雖然時間尚早,但烈日當空行沙灘都幾辛苦,最後我o地就坐左係Sea World等夠鐘...因為...我o地下午要去潛水呀!!!

潛水用品!!我同老公子咁大個人第一次潛水咋,望住呢set用品覺得好興奮呢!!

麥嘜麥兜都話要玩埋一份!!

另一對深圳o黎o既couple都到達Sea World後,教練就開始用普通話brief我o地潛水要注意o既4大rules同好簡短咁講解o左一下d用具點用,大約講解o左15分鐘,我o地就正式著上潛水依出海喇!!!

Scuba Diving費用係每人3000php, 加多200php仲可以幫我o地影埋相拍埋Video,都幾抵呢!!我o地同另一pair客人一齊出發,由一個能操流利國語o既教練帶住,再加埋兩位菲律賓人幫手,每人take care一pair客人!!!去到海邊,菲律賓人同教練就幫我o地戴上裝備,先係灘邊淺水地方俾我o地練習用水肺呼吸,等我o地練習一下點樣減去耳朵壓力同埋點樣噴番入o左鼻或口o既水出去後,就正式坐船出海中心喇!!

差唔多出到海中心喇,Ready?

Go!! 其實全程菲律賓人都會'抽'住我o地兩個游,所以都好安全o架!!

好快就到水底(因為潛得唔深!), 工作人員拎左一包餅俾我o地餵魚!!!wow,好多魚呢!!

仲有海參,好大隻呀,襟落去好有質感!!其實我o地仲見到好多海膽,d針好長o架,唔掂得,所以無影到相!!

我覺得我係水底都仲識擺pose好叻,個口塞住水肺都仲可以'笑',HAHAHA!!

潛o左一半時間吧,忽然間教練對住珊瑚影相,於是我o地望過去,wow~~~~~

大家見到嗎???

係Nemo呀!!!
鮮橙色o既魚身好囑目呢!!
(上水後教練話有兩條nemo,但我o地明明見到一條咋喎!!哦,原來公o既nemo係深紅色o既,無女仔nemo鮮橙色咁搶眼,所以我同老公子都係睇到上面張相先知原來真係2條nemo呢!!)

我同老公子見到Nemo都好興奮!!(不過係水入面講唔到野!)

教練幫我o地同Nemo影合照!!Yeah!!

之後又餵多陣魚!!

最後玩珊瑚!!教練show俾我o地睇,向住d珊瑚輕輕一潑,d珊瑚就一縮唔見o左,好得意呢!!

潛o左30分鐘就上番水喇!!教練話我o地最深潛到7M呢!!好好玩呀!!!我o地同另一pair couple互相分享番潛水o既感受!!!原來大家都覺得一跪係水底呼吸就無咁順同個鼻好易入水!!另外大家又講到係水底見到'水底漫步'o既奇景,大家都笑到收唔到聲!!!我o地都好agree with 教練,潛水見過'水底漫步'o既人後就以後都唔會玩'水底漫步'...HAHAHA!!!! (至於點解,有機會大家親眼見見就明o架喇!!)

潛完水,拎o左張Cert (證明我o地體驗過潛水o既cert!),我同老公子就番酒店settle down,然後又再出發去d Talipapa 買海鮮食海鮮大餐喇!!!

好多海鮮!!不過我o地唔識講價又唔識買...結果亂來下買o左2100php, 我記得上網d人明明買同我地差唔多o既野,但話連埋煮都係1500php咋喎...係咪我o地講價能力太低??? (不過亦可能係Easter呢段時間勁peak, d 檔口都唔優做,唔肯減!!)

之後我o地拎o左去Angel's Wish Dishes度煮, Mango Sauce住蝦!!

白汁煮龍蝦!!呢個汁好好味,好似叫Thermidor (類似!!)!!

Sweet Chili Sauce煮蟹!!!呢隻蟹好大隻,亦好好味,不過食就真係麻煩d!!

計埋煮(440php),呢餐大約要450HKD啦!!!um..又話係菲律賓食海鮮勁抵o既???點解我無呢個感覺???...明明上網research大約300-350HKD兩個人o架嘛...
Anyway,呢餐貴唔貴都好,都幾好味o既!!至少我好多年未食過咁大隻蟹!!

最後我同老公子7點半番番Turtle Inn,因為呢晚曼聯對車路士,老公子要睇波!!!我o地於是買o左薯片同啤汁邊睇邊食!!!

題外話: 其實老公子潛水之前太口渴,所以買o左罐啤酒(叫red horse)飲,我當時叫佢唔好飲,因為我好似有印像聽過人話潛水係唔飲得啤酒,但由於我唔肯定,所以老公子照飲晒!!結果潛水教練見到都問我老公子係咪飲左酒,似乎飲o左酒真係唔潛得,搞到我好擔心!!!好彩,教練隻眼開隻眼閉,話我o地潛得好淺水,所以飲左都問題唔大!!!不過當我追問飲o左會有乜問題時佢地又無答我地呢...

Anyway,呢罐啤酒老公子覺得幾好飲,濃度係6.9%,比香港一般啤酒高,於是夜晚睇波買o左兩罐!!點知就出事...

唔知係咪酒精高,我o地訓覺時兩個都覺得好熱,仲要係熱到出汗o個種,冷氣又已經係最凍,無得再調教,結果我地'典'o左好耐先訓到,但訓得好差, 於是之後兩日我o地都唔夠膽再飲當地出品有酒精o既野喇!!!HAHA!!