Boracay之旅 ~ Day1 (20100402)

5日復活節假開始!!!我o地向長灘島出發!!!

朝早11點機,機場好多人,個個都襯難得5日假出埠呢!!

飛機11點起飛, 但我o地十點半仲係度食緊早餐!!

十點八去到閘口,原來菲律賓航空架機delay了...我...開始擔心, 因為我地要趕去馬尼拉轉機呀!!

簡單o既飛機餐, 味道唔多掂...令我好懷念Quatar Airline d 美味又豐富o既飛機餐!!

惡夢開始!!! 飛機1點8/9個字先降落馬尼拉機場, 我o地要catch up 14:30分o既飛機,check-out counter大排長龍, 我心急如焚,不過仲未知驚...

機場見人多開多幾個Counter, 我同老公子於是等左一陣就check-out到, 9秒9跑去坐的士由機場T2去T3, o係的士上我不斷望住手錶,時間一分一秒咁過, 點解T3係咁遠,坐咁耐(約10分鐘車程)仲未到???

終於到T3,又係9秒9衝去check-in,當時見到check-in counter一個人都無已經心知不秒...

"Sorry, you cannot check-in now!!"

當時距離飛機起飛仲有25分鐘,我以為我仲可以趕到班機,於是大大聲同職員理論,解釋話因為前面架機delay,而更重要係,仲有20分鐘呢, 我o地趕得及跑去呀!!!

結果係點,相信唔使多講...

我最終都係唔可以check-in!! 除o左喊,我唔知仲有咩可以做!!!

問Cebu Pacific o既職員點算,開頭佢o地有d事不關己咁,話我miss o左班機係final flight,叫我o地買之後一日機票...

"No way!!!" 喊到成個人不斷抽速o既我心諗!!

咁去Kanebo o既機票有無呀???有,盛惠6XXXphp per head!! 職員見我喊得咁勁,似乎開始心軟,幫我o地問隔離counter飛去Kanebo o既機票仲有無位,老公子就同一時間打去俾保險度問究竟咁樣miss o左班機有無得claim...

至於我,心入面仲係好疑惑,我記得訂機票時飛去Caticlan o既機係好密o架,我訂o既無可能係final flight, 於是再問職員一次,仲有無機位去Caticlan!!!

結果,當然係有啦!!(我到而家都唔明點解佢地不斷話我miss o左係final flight,我唔問o既話可能我o地真係要去Kanebo或者stay一晚!!)!下一班機唔full,不過我o地就要俾多6XXXphp一個人去買下一班機o既機票...

就係咁我同老公子就無o左2k HKD...我好唔甘心, 唔係香港架機delay我都唔會miss o左呢班機!!!!

o係老公子安慰下,我唯有接受現實...錢都俾o左, 下一班機又只係遲左一個鐘多少少,我餘下行程影響不大...至於claim唔claim得番機票錢,唯有番HK先再諗...

入閘原來要坐巴士接駁先上到機!!
喊到雙眼都水汪汪...接下來整日o既心情都壞透...唔通今次旅行都會有好多阻滯??

Cebu Pacific航機極之準時, 而家先知原來遲o左就算職員俾我check-in,其實我都真係趕唔到班機...

戴番副超,睇唔到眼腫腫了!!

今次好似係第一次坐有'羅旋掌'(唔識寫)o既飛機!!

快降落Caticlan了, 見到長灘島呢!!

這便是Caticlan, d山咁似之前research保和島 (去Cebu會去o既小島)o既朱古力山o既??

天空望落去Caticlan已經見到D水好靚喇,仲有好多珊瑚呢!!

落機後我o地o係酒店人員帶領下坐Tricycle由Airport去Caticlan Port!! (要100php呢, 我之前research好似話d tricycle收20php咋喎,咁貴o既??)

上: 我地就係坐呢D船去Boracay喇!!

酒店職員一手就幫我地拎晒D行李!!!右邊係陀槍警察,佢同我地同船o架, 唔通Boracay治安麻麻???

到酒店了,我o地呢兩晚住o既叫Turtle Inn,上網research見好多人讚佢地service好,d職員都好nice!!!

Welcome Drinks!!! Mango Juice & Banana Juice,當時仲未適應Boracay o既濕熱天氣,個人熱辣辣,飲住呢兩杯Shakes覺得特別好味!!!

上: 酒店唔係海灘邊, 我o地又唔係住最高層,所以露台景觀麻麻!!
下: 間房都幾大,4XX HKD一晚算係唔錯呢!!

Settle down 後我o地就行出海灘(2分鐘路程)睇日落!!

時間剛好!!

望一望海灘...嘩!!!!多人成咁o既????仲多人過HK喎...同我想像中呢度水清沙幼人少少完全唔同o既???有點嚇人...(加上今日喊過心情差,總之我對長灘島第一印像麻麻地!)

咸蛋跌落海喇!!!

仲跌得好快添!!印像中希臘日落落得慢好多o架!!!唔通因為長灘島近赤道??

上面D相用左新相機個'日落'mode影,d相好橙色呢,好似誇張左有d失真,其實當時日落個天無咁橙,比較似上圖麥嘜背景!!!

睇完日落沿住灘內o既行人路行去Station 2,諗住搵D Mall!!沿路好多人,有d似MK!! 

見到Regency Hotel, 之前research好多人推介要去食佢個dinner buffet,仲話peak season人多最好6點半前入座!!於是我o地就快手入去試喇!!

結果呢...味道雖然唔差,但我唔會推介!!!因為款少同埋無海鮮,食物都偏向中式,而且個buffet原來少少海鮮都無,真係有d失望!!
下左: 呢個意粉算係比較正,不過都唔算特別!!
下右: 甜品太甜,每件食一角仔都夠...

Anyway,雖然餐buffet只係100HKD多少少一個人,但去旅行仲食中式食物個人覺得實在太浪費,所以我唔推介喇!!

食完飯我o地繼續向D Mall進發!!

海灘邊好多露天餐廳同cafe,仲有唔少菲律賓人唱歌表演添!!!
夜晚佢o地多數都唱經典英文歌,人人都識跟住唱!!至於下午,d music多數rock d, 成日聽到Lady Gaga d歌呢!!

有D酒店好靚!!

金鳳凰酒店,好中國feel!!

終於行到d mall喇!!d mall係一個廣場仔,入面好多舖頭同食店,好熱鬧!!

左: d mall 中間有個小型摩天輪,前面有賣藝者油到自己成身青色扮自由神像,同佢影相要俾錢!!但估唔到我o地遠距離影佢都俾佢喝住,相中佢見我o地影相仲用青色紙皮遮面添!!
右: 有人玩緊攀石!! 

行完d mall 去埋budget mart買水後我o地就行番酒店喇!!

見到好靚o既沙堆城堡!!

仲見到沙灘對出天空好黑好多星,睇到嘩嘩聲!!不過沙灘上依然好多人!!所以我o地都唔係睇左好耐!!

第一日到長灘島仲末適應到又熱又濕o既天氣,行一轉我同老公子都熱到面油都出晒o黎!!!見到100php一杯Galeto, 即買!!!味道唔錯呢!!

番到酒店露台,用傻瓜機暴星光,都影都唔少呀,如果帶埋我爸部大機o黎影就好啦,一定影到更多!!

望o左一陣星空,發現露台原來有四腳蛇,最後我o地都係乖乖入番房睇下電視算!! (菲律賓d酒店電視有好多台, 除菲國本土電台外,日本,南韓,印度同中國電台都有,呢晚咁o岩有一台做蜘蛛俠,無字幕照睇,哈哈!!)