Boracay之旅 ~ Day3 (20100404)

一朝起身又食個靚早餐先!!!

今日節目係Island Hopping, 準時10點鐘出發!!本來turtle inn 安排o左另一pair韓國遊客同我o地一齊出海,但朝早職員話另一pair人早一晚飲醉o左,所以今日得番我o地一pair喎... (其實我o地早一晚都俾D啤酒搞到訓得好差!!)

出發喇!!右上: 呢個就係帶我o地Island Hopping o既菲律賓人喇!!佢抱住一大箱食物,係佢o地幫我o地買o既Lunch,我o地俾o左1500php o架,唔知佢o地買o左咩呢??

第一站: Crocodile Island!!
右: 呢個就係Crocodile Island,係咪好似呢??
左: 好多船停係呢度俾人浮潛,好似話呢帶好多魚o架!!

Go!!

真係好多魚喎!!!不過又話呢帶多d小丑魚o既??都唔見!!!

同埋可能我o地係浮潛啦,d魚比尋日再細d呢!!

圖中上方好colourful o個條算係最靚o既魚喇,老爺睇相話係青衣,但我細佬又話叫rainbow fish喎!!!唔知邊個o岩???

浮潛左大半個鐘吧 (其實都唔係好知時間!) , 老公子先上水,正當我都差唔多上水時,忽然見到佢~~ Jelly Fish!!! 我開頭仲以為佢係一舊垃圾袋仔...見唔到佢有觸鬚,本來想摸下佢個頂,但後尾都係怕自己俾佢炸親,所以最後都唔敢掂佢喇!!

浮潛完,我o地去o左附近一個叫Magic Island o既地方食lunch!!!菲律賓哥哥仔就幫我o地拎d o野去煮, 不過一煮煮左好耐, 於是我o地就傾下計影下相!!

食o野o既地方係一間矛屋,對住咁靚o既view,好有風味咁呢!!

終於煮好喇!!!但係...
我上網明明見到好多人呢一餐都係海鮮o架,點解我呢餐係魚同豬肉雞肉???1500php就係買o左呢堆野同埋多到4個人都食唔晒o既水果????
d肉仲要燒到變晒肉乾,又鞋又乾, 唔怪得煮o左咁耐啦????唔制呀,係咪打左好多斧頭???還番1500php俾我呀!!! (所以大家有機會去Island Hopping,如果叫工作人員買野食,最好講明要海鮮,買少D海鮮都好過買咁多咁難食O既肉乾...!!!)

用新相機玩連拍, 我好鍾意呢三張相!!

矛屋周圍仲有好多雞仔跟住母雞行o黎行去,吱吱叫好可愛!!

去食完野,我o地就由Magic Island(左上)去相距不遠o既另一個島Crstal Cove(右下)參觀!!

菲律賓哥哥好好人,我o地無叫佢影相佢都主動幫我o地影,部相機成程都係佢拎住咁滯!!

Crystal Cove呢個島仔有兩個Cave,呢個係第一個!!!
其實係行樓梯落去一個洞仔,無咩特別!!

呢張相幾靚,影到人又影到海反映係石上o既藍!!

呢張就失敗d...爆晒光,靚靚o既海乜都影唔到!!

玩完第一個Cave行去第二個Cave,途中又見到被人困住o既雀仔!!

呢個島D木屋其實都幾靚,好有味道!!

之後就到第二個cave喇!!!當時都未知去呢個cave原來係一個挑戰!!!

因為我o地去呢度時,正正係潮漲!!!大家睇到圖中下方水入面o既木柱嗎???其實條木柱係下面條石路o既扶手o黎!!!我o地係要行過呢條石路,去到圖中央偏左少少o個個小洞仔,再穿過小洞行(爬?)去Cave 2!!!

其實知道又要濕身都打o左個突,但橫掂著住泳衣都無所謂啦,反而當時最怕係部新相機,因為我無帶防水袋係身,又澗水又影相,好怕部機會濕到水!!(不過菲律賓哥哥仔都好好,佢好似知我o既擔心咁,全程既有幫我o地影相,但亦有好小心保護相機免被弄濕,讚!!)其實當時潮漲令呢度水心及我膊頭,為免d行裝會濕,我o地仲要將袋高舉過頭頂, 加上好大浪,我同老公子仲要單手捉實條繩以免被浪沖至失平衡,其實都有d危險!!

菲律賓哥哥一馬當先,估唔到仲幫我o地影埋相!!

爬過小洞後終於去到cave 2....嘩...巨浪撲面而來,d水花絕對過頭頂o架,都咪話唔得人驚!!!

我同老公子全身都濕晒,好狼狽!!!

但大浪o既同時,我仲有時間幫手set番部相機有閃燈再影相, 勁!!!

回程, 又爬番去小洞, 菲律賓哥哥仔又幫我o地影相!!!讚!!

終於番番上島上面...諗番轉頭,其實潮漲去cave 2真係好危險,我同老公子都有少少慶幸自己無穿無爛,係老公子爬小洞時刮損少少膝頭o者!!!但而家回想,又會覺得我o地今次有D似歷險咁,o個種刺激又有D難忘!!...不過始終欺山莫欺水,下次再遇到類似情況,都係唔好冒險好D!!!

Baywatch!!呢度望出去風景都幾靚!!

哥哥仔又叫我o地影相, 又影得唔錯呢!!!!我o地真係好彩,好似有個私人影相佬咁!!

我頭頂係雞蛋花,臨走時見到係地就插係頭度,嘻!!呢張好鍾意呀,有D泰國feel!!

玩完Crystal Cove,臨走先係'welcome'度影相!!

玩完Crystal Cove我估2點左右吧,菲律賓哥哥竟然話要回程喇喎!!!o下???我搵資料見人island hopping唔止去咁少地方喎,於是同佢講我o地想去Puka Beach!!!(資料話亞視黃麗梅個旅遊節目介紹話呢度好多貝縠喎!!!) 菲律賓哥哥同開船位哥哥相討後,本來唔肯去,因為話呢日海面好大浪,去唔到!!!但後來菲律賓哥哥見我好似好想去,佢地再研究左陣,就話照去啦,但同我o地強調海浪真係好大,全程都要著好救生衣!!!

就等我又講解下!!是日island hopping由上圖'3'字位出發,Crocodile Island, Magic Island同Crystal Cove都係o係右邊'5'號位右上角對出少少, Puka Beach就係左邊'5'號位左邊沿岸, 所以,由Crystal Cove去Puka Beach係要兜足半個長灘島先去到o既!!!而由於地理同天氣關係,呢個時節d風係吹向Bulabog Beach而唔係White Beach,所以,Bulabog Beach o個邊海面係極大風兼大浪o架!!

下: 海面波濤都真係幾洶湧o架!!而且汒汒大海得我o地一隻船行呢邊,當時都有諗,如果大海打爛o左我o地隻船,我o地係咪會無人救!!!

終於去到PUKA BEACH!!呢度少人過white beach好多好多!!!

個灘好靚呀!!!

呢度d水顏色好靚!!!

不過呢度d沙同white beach差好遠,粗好多呢!!

不過呢邊好大浪,所以無人係呢邊游水!!

至於貝縠嘛...唔算多囉,後尾番去white beach發覺white beach仲多!!!
左上: 雞腳型珊瑚,老公子好鍾意食雞腳,所以我帶o左佢番HK喇!!
右上: 蟹仔呀!!
下:沙灘上好多小孔,下面應該住o左好多小動物吧!!

菲律賓哥哥半個鐘後搵我o地上船走!!!yeah,又有人幫手影合照喇!!

回程我o地唔使再同風浪搏鬥,因為行white beach o個邊!!!菲律賓哥哥仲向我o地介紹沿岸風景,好似圖中就好似係全島最貴o既Shangri La喇!!

右上:呢間係West Cove Hotel,建築風格好獨特!!
左上: Nami Hotel
下, White Beach Station one o既盡頭, 我o地呢晚就會搬o黎圖中靠右間hotel住喇!!

番到Turtle Inn剛好4點, 玩足6個鐘,其實我同老公子都好滿意個trip,除左有得玩外仲可以遊船河兜o左長灘島一個圈,真係幾正!!!而且菲律賓哥哥仔真係幾nice,又全程幫我o地影相,我同老公子都好想俾d tips當多謝佢,點知...

點知番到Turtle Inn, 因為我o地未俾錢,Turtle Inn職員就叫我o地拎1500php 出o黎(之前同Turtle Inn agree o既價錢),交俾菲律賓哥哥仔,點知佢地好似傾唔掂數, 菲律賓哥哥仔個樣即刻無晒表情(唔知係咪佢覺得山長水遠兜左我去puka beach所以覺得唔o岩數???唔理喇,呢d係佢同turtle inn o既deal,唔關我同老公子事!!),佢地用菲律賓話講講講,講下講下仲離開埋我o地視線, 5分鐘後得番turtle Inn工作人員番o黎,菲律賓哥哥仔bye bye 都無講就走左, 所以想俾tips佢都俾唔到呢!!

右下:呢位Turtle Inn職員好好人,呢兩日好多謝佢o地招呼我o地!!

由Station 3 o既Turtle Inn搬去Station 1盡頭o既Panta Rosa Hotel, 由於太遠,Turtle Inn幫我o地叫o左Tricycle...但要150php...又試覺得俾人襟住搶...!!!

之前上Panta Rosa o既website 揀房,其實佢o地每間房都各有design,全部都好靚,我o地就book o左呢間叫Orange o既房!!一入去覺得好大好靚,價錢貴Turtle Inn一倍,都算合理o既!!不過講到Service,呢度reception d staff無咩笑容,同Turtle Inn差好遠,唔怪得上網咁多人讚Turtle Inn nice啦!!

呢度有DVD機,即拎番尋日潛水隻DVD o黎睇,睇下D相有無問題!!

 

之後就行出沙灘,因為快日落喇!!

呢日係咁多日以o黎天氣最差一日!!

終於見到White Beach上最出名o既酒店Friday!!!

呢日o既日落都幾特別,個天o既紅霞得番一條線咁!!

第一日起已經成日想影沙堆城堡,今日終於影喇,要俾少少tips,但係無規定幾錢o既,多數人俾20php (3-4HKD), 但我老公子身上無散子, 俾o左100php,好豪呢..

夜晚去o左叫'O'le' o既西斑牙餐廳食!!個Pizza同西斑牙海鮮飯真係好美味!!!份量仲好多,食剩三件pizza拎番酒店消夜!!

話說去食飯前有bar係街派免費飲品,膠杯細細杯透明o既,老公子以為係水咪拎囉,飲o左一啖怪怪,問人係咩,對方話'Water', good 喎, 咁我又拎, 一飲...wow...Water??? 帶住疑惑離開,諗諗下老公子諗到,原來對方係講'Vodka'唔係'Water'...當時我已經飲o左兩口, 坐低食飯時竟然有D'坐船'feel...都唔知係今日坐得太耐船定係d Vodka勁...

不過,由於早一晚飲完Red Horse有陰影,我同老公子都唔敢再飲, 不過都太遲,是晚我同老公子又覺得好熱...又係要典一段時間先訓到...

所以奉勸各位, 唔想訓唔著,去菲律賓飲酒精飲品都係小心d...