第二十二周 (14/10 - 20/10): 乖豬五個月大喇!!

今個星期乖豬開始食腳喇!!

另外, 出聲多o左, 仲要多數邊食手或腳邊eeoo, 間中仲會好大聲添!

智力方面, 好似明多o左o野, 見到人作勢想行開就已經喊定先, 我同佢玩打嘩嘩只要'嘩'一聲放隻手係佢口邊佢就知我同佢玩自己出聲, 試過兩三次有人同乖豬講'抱抱'之後無抱, 乖豬就喊呢, 似乎佢真係開始聽得明呢!!

最後係頭泥問題, 明明之前捽走晒, 但慢慢又積番一層白白o既...想問係唔係我洗頭過水過得唔乾淨先會咁??但我已經盡量洗喇...唔通要換過隻BB沖涼液??

14/10: 大豐收!!由於無二手衫, 於是就淘下淘下為乖豬添置o左$1500冬裝同少量明年夏裝!!

15/10: 呢幾日執冬天衫先記得之前收埋o左件有Halloween feel o既衫仔未著過, 原來件衫仔3Mth o架咋, 好彩都仲o岩著, 要快D著先得!!


我超鍾意乖豬呢身造型呀, 成個仔仔咁, 型唔型呢？

小魔怪Koey!!

著成咁, 當然要影番d Halloween相啦!!

番到屋企發脾氣, haha, 好似想拆o左南瓜人公仔咁!!

19/10: 淘寶收獲中有d衫size比較細, 要快d著...

件衫係6Mth, 但而家只係剛好咋...條褲仔係今次淘寶收獲中最抵又滿意o既收獲之一, 只係8.8RMB！！

20/10: 今日乖豬五個月大喇!!!

我幫佢著o左件甲蟲仔衫(12Mth...但我好懷疑出年會唔會o岩囉...), 好得意, 勁幫佢影相!!

如果乖豬笑埋就好喇!!!

今日買o左個嬰兒粥煲, 第一次餵乖豬食奶以外o既o野!!

Happy 5th month to Koey!!!!