上星期食o左米糊, 魚粥, 蘋果同香蕉, 今個星期就試o左豬肉粥同南瓜!! 可能自乖豬滿五個月我就俾粥水佢飲, 間中都餵過d 粥渣俾佢, 我發覺佢食米糊好似'無難度'...早知我就唔買盒米糊啦, 食左兩三餐後到而家我都無再沖米糊俾佢食喇...
講番呢隻為食豬, 而家我每日會餵兩餐粥+一餐生果做下午茶, 每次餵佢都極猴擒, 食得快吞得快, 我餵慢D就會出聲催我,
成個日'wu'前mark嘴等食, 成隻饑餓o既雀仔咁, 驚死無得食, 有時甚至食完大喊, 因為唔夠喉!!!雖然四大長老公都讚佢咁合作,
但佢咁催我發有時都幾大壓力, 至少一定要等d粥凍o左食得先敢拎出o黎俾佢見到, 唔係佢就會發惡!!!...anyway, 經過短短一星期,
我同我老公子都覺得呢隻為食乖豬好似真係肥番少少呢!!!
講完食, 今個星期乖豬送o左個驚喜俾我o地,
就係佢開始識爬喇!!!!事緣近期乖豬心情好飄忽, 食飽訓晒訓係網床會大喊,
除o左抱之外都唔知有乜方法tum佢...後來我終於開o左張playmat出o黎, 有新玩意乖豬當然唔喊啦, 但諗番轉頭,
可能佢喊係因為唔鍾意網床太細都未定呢!!!
就o係開playmat當晚, 乖豬望見個電視搖控就忽然發力爬, haha,
其實佢早一星期我已經發現佢o係大床識識o地向前,不過唔算係爬, 而係伸直晒手, 個人仔不斷打側再趴起咁慢慢移前, 而因為playmat d
膠比較啜, 用力易d, 乖豬就爬到喇, 仲幾快添, 真係好開心呢!!!
26/11: 今日去o左探中學同學同佢出世近兩個月o既二仔, 今日仲係第一次齊集我o地中學同班同學出品o既BB, 好熱鬧呀!!!
呢個係大乖豬半年o既翹翹!!
呢個係細乖豬兩個月o既子朗!!佢好得意呀, 放係地好自在咁玩, 好乖唔喊, 反而抱佢先喊, HAHA!!
乖豬今日做o左爛訓豬, 我抱住佢訓左兩個鐘都有...
28/11:
一田大減價, 睇leaflet target要買$79/一套8隻disney故事DVD, 點知去到賣晒, 話下午4點先番貨,
於是我就臨時上o左好朋友屋企玩, 等到4點幾再去買, 點知都係賣晒囉...真係可惡呀!!!!是晚乖豬係屋企勁喊, 放係車車睇住我都唔得,
搞到今晚得我一個係度又要煮麵自己食又要TUM佢勁辛苦!!!!
29/11: 今日番o左中大探舊同事, 開頭先去office先,
乖豬有d眼訓同埋我揹住佢, 開頭同事們都讚佢乖, 好似好定唔喊, 但我唔揹佢後俾人抱就喊, 成個office d 人都聽到,
又咁o岩到lunch hour, 好多同事行過都望住乖豬, 好搞笑!!!
之後就同以前食開飯o既飯腳同埋前上司一齊lunch, 全程乖豬都好乖, 心情好好拍下台又對住人笑, 好合作, 但交俾人抱就唔始終唔多like!! HAHA!!!
是晚, 終於開playmat出o黎, 乖豬亦開始爬爬爬...咁即係我開始要過看牛同埋日日抹抹抹o既生活喇!!!
1/12: 今日同相識二十四年o既老友一齊帶埋BB番小學探校長同老師, 感覺好親切又開心!!! 同埋原來母校d學生個個普通話都好勁, 勁過我o地當年好多好多呢!!! 希望我同好友o既小朋友都有機會入番呢間'名校'就讀啦, HAHA!!!
探老師時兩個小朋友心情都好靚, 雖然兩個都眼訓, 但陪媽咪食飯時都keep住好心情, good!!!
其他精選相片:
沒有留言:
張貼留言