第二十九周 (2/12 - 8/12): 乖豬便秘!!

自乖豬識爬同食固體食物後, 我同老公子對乖豬o既個性就更了解喇!!!!

食o野方面, 唔使講, 係為食同猴擒, 慢D就催你!! 爬方面, 佢一見到目標, 好似搖控等等, 佢就會雙眼發光直衝過去, 如果佢扭計, 或者我同佢講'抱抱'或'食奶奶', 佢就會即刻好緊張咁喊, 因為佢個心想人即刻抱或即刻食到奶, 但佢就爬得慢, 所以就往往喊住咁爬, 好似好可憐咁!!!

所以, 好明顯, 乖豬係一名'心急人'!!!! 睇o黎呢樣都係似我多過似老公子...


另外, 乖豬識爬之後我真係忙o左好多好多, 首先就係日日都要抹playmatt同埋佢d玩具, 另外連地都要成日抹!!! 唔知係咪冬天乾燥大塵d, 個地好快就好多塵, 為免乖豬隨時爬出playmatt, 唯有勤力d日日抹!!!

雖然開o左playmatt乖豬玩o既範圍大o左, 但隻衰豬除o左剛訓醒好精神o既時候可以乖乖係playmatt唔扭計自己玩外, 夜晚多數都好癡人, 我行開o係佢視線範圍度做野佢有時都唔鍾意, 望望下就會開turbo向我爬過o黎, 搞到我成日捉豬仔咁要捉番佢入playmatt...所以最後我拆o左網床上層後就用佢個網欄住playmatt, 不過都有空位o架, 乖豬可能遲早都識鑽出o黎!!!

玩方面, 乖豬同好多BB一樣, 基本上唔玩佢自己o既玩具, 而鍾意玩唔俾得佢玩o既o野, 好似搖控, mouse, keyboard, 茶几腳, 甚至我隻腳趾等等, 有次我行去廚房磨蘋果, 出到o黎發現佢係playmatt邊沿食緊電風扇條電線, 真係睇少陣都唔得!!! 其實佢玩其他野唔係問題, 最麻煩係乖豬唔知係咪太為食, 佢拎到乜都塞入口, 就算係剛食完奶或粥都係拎乜食乜...

3/12: 天氣轉冷, 幫乖豬著多o左衫, 成個波咁好得意!!!

引佢笑, 但佢想笑又唔笑咁, 笑得好奸!!

下午落樓下公園影相~

爬洞, 但唔知點解要mark大口爬, 都無o野食!!!!

放佢落草地, 但可能係太'吉'手, 喊!!!

摸花花!!

6/12: 乖豬已經三日無去便便, 我都心知不妙, 但呢三日任我點逗佢佢都無便意, 最後呢日我媽上o黎餵完就逗佢去potty, 佢真係出盡力去, 但去唔到, 好慘, 用力谷到喊, 但都係去唔到, 最後仲用力勁得滯攰到訓o左...睇見乖豬去唔到便便痛到好似我生佢咁無晒力, 覺得好可憐, 但同時又覺得好有趣...:p

最後, 我媽就抱住可憐o既乖豬等佢訓好d, 我就衝落街買甘油條!!! 最後用左甘油條幫乖豬後, 佢終於去到喇, 但同一時間我屋企亦搞到周地屎水尿水...好彩我媽係度咋, 等我可以抹埋地清理現場...估唔到BB便秘可以搞到我忙碌左大半日, 真係人都癲呢!!!

另外, 今日乖豬張highchair都送到!!

乖豬未便秘前仲好開心咁拍晒枱等食!!!

Yummy!!

8/12: 今晚番6299度食飯, 乖豬近兩次去6299度好似無再扭計, 似乎開始認得佢o地喇!!!

其他精選相:

蟲蟲扮我定我扮蟲蟲?

做掌上壓!

粗魯!!!最奇怪係拎走左個欄個pose仲一樣!!