頭幾次乖豬4點幾醒我都無諗過佢係餓, 所以我點都無餵奶, 一心諗住拍得番或抱得番佢訓, 點知次次就算佢訓番, 過多半個鐘至一個鐘又會醒, 最後我都係要投降餵奶佢先訓番...如是者過左4-5日, 我終於先信佢係餓, 唉...其實我應該估到, 因為呢排我都覺得我奶水有d不足...
知道問題所在, 我暫時決定加粥量同時餵少6點幾餐奶, 希望9點幾餐奶時可以多d奶等乖豬飽肚d訓, 如果呢招都唔work, 可能真係要行我最唔想行o個步...就係補番奶粉!!!
9/12: 今日幫乖豬戴o左頂冬天帽, haha, 個造型好得意, 影左好多相!!! 夜晚佢仲同我追住我玩, 好開心!!! (不過是晚佢成日喊醒, 可能臨訓前玩得太剌激!!)
越坐越直!!!
搞'機'!!
咁凍老公子仲係著咁少!!!
老公子扶住乖豬, 佢企到一秒啦!!!
夜晚原來有月蝕, 我同老公子都係10點幾搞掂乖豬等佢訓o左望到facebook先知, 由於乖豬應該係熟睡中, 所以我同老公子就大膽地齊齊落樓下公園仔望下月蝕...咁樣襯乖豬訓左同老公子出門口都係第一次, 雖然前係都係5min唔使, 乖豬又係床仔熟睡應該無咩事, 但講真都會有少少提心吊膽, 唔係有月全蝕都應該唔會有下一次!!!HAHA!!!
唔落去都唔知, 原來屋苑個公園仔可以望到咁多星星, 好靚呢!!!
其他精選相片:
成個波咁坐係車仔郁唔到!!
睇見媽咪係外邊而喊o既乖豬!!
老公子去o左GAP買o左件靚衫俾乖豬, 不過買70碼太細, 試上身係就係good fit, 但入面著厚D, 乖豬再大D就好快唔o岩, 所以要拎去換!!!
呢排好興一定嘴!!
打完個乞嗤笑哈哈!!
放佢坐草地, 今次有o野墊, 但都係喊!!!
你砲左頭髮呀！
回覆刪除乖豬真係好得意，眼仔碌碌！
[版主回覆12/22/2011 10:01:20]係呀, 電左髮呀, 放幾個鐘假唔使湊女但走去坐幾個鐘電髮, 都幾辛苦O架, HAHA, 但實在太耐無整個頭, 整左好似開心D!!!
呢排好多BB 都食返夜奶, MIMI 都食左幾晚呀, 可能真係天氣冷呀.
回覆刪除乖豬真係愈來愈靚女呀~
[版主回覆12/22/2011 10:31:24]koey都無食幾日, 都唔知係我加左粥定天氣無咁凍...HAHA, 過兩日天氣凍番就知係乜原因!!!
我無幫KOEY掃風好耐LU, HAHA!
[小玉兔回覆12/22/2011 10:11:34]岩岩無食幾日, 擒晚又食返, 仲好似好hungry咁, 不過mimi 宜家大個女, 食完即訓, 唔駛掃風.
[版主回覆12/22/2011 10:02:01]唔通真係同天氣凍有關??? 過幾日又凍喇, 希望MiMi同Koey都唔好又食夜奶啦!!
就算加粥都唔補奶粉啊，都七個月了。我成日都襯佢訓左去天台晒衫，都係五分鐘到，但其實係犯法，大d唔敢
回覆刪除[小藍回覆02/08/2012 11:47:13]我唸住推埋部HIGHCHAIR出門口晾衫…^^"
[版主回覆12/22/2011 10:03:31]咁又係, 我都唔想買奶粉!!!
WOW, 咁又係喎, 無理由去晒衫都抱埋佢去!!其實佢訓左係自己床仔, 理論上行開一陣應該都唔太危險O卦...
Koey is such a happy baby (I believe in general she is!!!!), her smile & laughs can really melt you away!!!!!!!! So want to cundle her!!!! I think you need to have more babies, coz they are guaranteed cute :D
回覆刪除[小藍回覆02/08/2012 11:46:40]仲有2個幾月加油呀KOEY媽~^^
[版主回覆12/22/2011 10:06:11]Koey都OK啦, 而家越大笑得越多, 不過發起脾 氣上o黎都唔講得少, 少少不滿就嘈, 有時都會覺得越大越曳, 真係要開始教同鬧下囉!!!
HAHA, 多謝你!!! 其實我都想生番條龍B, 希望追到啦!
你餵左咁多個月人奶(係我識既人最耐)真係好勁!!~ 六個月可以食固體, 我諗未必要補奶粉既
回覆刪除我而家仲要餵夜奶, 真係好慘, 又凍, 唔知仲可以堅持全人奶幾耐呢......
btw, koey 真係好鍾意笑~~~ 我諗佢唔鍾意草地因為太拮啦~
[小藍回覆02/08/2012 11:46:09]朋友對孖仔跟佢地訓…佢話夜晚有咩事唔駛成個人起身真係方便好多…不過我覺得太危險喇…
[版主回覆12/23/2011 14:41:26]我係FTM真係方便D O既, 如果我要番工, 可能我都會放棄人奶!!
係呀, 夜晚凍起身真係好慘, 但你係咪訓係度餵?? 我懶所以成日訓係度餵, 自己都有時訓著左...有D危險但個人暖好多囉!!!
而家大左真係笑多左, 不過發起脾氣上O黎都幾鬼惡!!!!
(我另一邊blog終於整番, 之後會去番o個邊寫KOEY, 等我去add番你先!!)
Koey 對眼好大!!! 我估你個女好痴你呀, 喺個網外面都喊成咁!
回覆刪除[版主回覆01/04/2012 11:17:24]係呀, 佢一見我'意圖'行開就會喊...
眼仔碌碌真係好靚女~~第時要帶埋丁叮一齊食T ^0^
回覆刪除