第三十一周 (16/12 - 22/12): 乖豬七個月大喇!!

今個星期又有新發展!!!

首先就係又大個o左咁, 少o左係platmatt玩玩o下喊住爬向我,
多o左自己玩自己周圍explore, 不過亦因為佢越o黎越gut得高, 佢個頭越o黎越易磡到地櫃, 亦見到佢開始雙手扶住木床欄桿用力gut起身,
所以真係要開始包D邊同角, 仲要叫老公子快D調低張木床先得喇!!!

伸盡手摸地櫃上o既野!!

個pat pat越gut越高喇!!

另外就係多o左發脾氣...其實係喊少o左o既,
但一有咩唔順意就會發惡狂fing手同大喊, 話俾人知佢唔鍾意咁樣, 仲要喊得都幾惡, 睇o黎佢都係一個惡女!!!由於佢有時太野蠻,
我都真係越o黎越有衝動要鬧佢, 試過有次可能我都幾惡, 佢之後仲驚, 喊得仲勁...唉...

發脾氣中!!

雖然而家識'曳', 但笑o既時候都多o左, 最勁同令我最有滿足感, 仲要係呢排我tum佢訓覺佢會笑住入睡, 訓得咁sweet真係令我呢個媽咪幾滿足!!!




講o野方面, 呢個星期多o左新發音, 就係'RARARA', 有投訴時就勁'RA', 仲要係'反'住條脷仔講!!!! 我唔識'反'脷o架, 呢樣應該係遺傳爸爸!!!

食
o野方面, 加o左粥量後好似真係無再4點幾醒食夜奶, 不過唔知係咪天氣暖番都未定, 有待觀察!!!不過個粥煲太細, 加左米量D粥比較杰,
俾我爸媽話我煲太杰令乖豬唔消化所以便秘...我就覺得唔關事...!!!反而乖豬唔知點解而家唔肯用飲管杯飲水就真, 成日只係識咬飲管同BOO水,
好少飲, 但用開口杯倒俾佢或用奶樽就飲喎, 即係唔係唔鍾意飲水啦!!!

今個星期開始俾星星餅佢食, 好似幾鍾意, 仲好快識識地拎o黎食添!!!


最後就係痴身, 連續兩日出去做節食飯乖豬都唔肯俾人抱, 人地抱住一陣就開始望實我RARARA投訴甚至喊, 狂啤住我之餘個身仲會向我方向傾, 係差在未識伸手要我抱, 仲試過人地一交番佢俾我時佢即刻微笑, 好明顯奸計得程...雖然佢識癡我我好開心, 但有時又諗, 佢咁癡我唔俾人抱咁唔夠外向喎...


16/12:
今日又帶乖豬入屯門同康晴玩!!! 上次去時乖豬只係識趴係度, 今次已經識爬同坐喇!!! 不過康晴始終大D手腳靈活D,
仲有把聲好響...乖豬成日俾康晴嚇親而喊...後尾我o地用康晴個玩具困住乖豬, 佢反而好開心, 可能覺得困係度安全D, HAHA!!!!

17/12: 今日下午我o地一家三口去o左沙田, 本來諗住行街, 但最後搞得o黎出到去都5點幾, 去到即拎飛等位食飯, 點知都係有排等, 所以就先去拎睇燈光show o既飛, 搞完一輪幾驚到8點夠鐘睇show都未食到飯!!! 好彩最後把握時間餵完粥仔俾乖豬食就終於有位, 我同老公子食完亦剛去近8點去睇燈光show!!!

個show有8分鐘, 都OK啦, 我o地臨完show時好彩有路人幫我o地影一家三口合照咋, 因為完show 後所謂俾人影相o既4分鐘係唔會著燈囉, 如果等完show先影相就真係乜都影唔到!!!

最後回程都近9點, 乖豬o係4點幾只訓o左半小時下竟然回程時都仲笑騎騎, 真係超好精力, 反而係我呢個媽咪成日擔心佢攰唔夠訓, 但其實係多餘囉, 而家可能真係越大越貪玩唔願訓!!!

回程時仲好hyper~

回程撞到好友May~

18/12: 今日第一次帶乖豬出席婚禮場合!! 新娘子係我同老公子中學同學, 因為我湊女困身去唔到飲, 所以只去觀禮!! 儀式開始我就望到個女主持好熟口面, 但一路都諗唔起係邊個, 番到屋企先諗起佢原來係我blog友...如果一早諗起我一定會上前相認呢!!!

著靚靚預備去觀禮!!

太怱忙忘記o左同新娘子講恭喜, 連合照同新娘子盒照都無...

好友o既兩歲仔仔做花仔, 咁靚仔當然要叫佢鍚啖乖豬啦!!!

21/12: 今日同我D親友做節, 去o左觀塘工廠大廈一間樓上舖食, 雖然環境差d, 但d食物幾有特色, 仲幾好味!!!至於乖豬, 佢少見D親友唔多肯俾人抱, 仲成日望實我要番我度...識蝦我抱喇...

豬肺湯, 椒yim蝦

胡椒豬肚, 我仲食中o左隻迷你蟹仔, 老闆話我要買六合彩, 舅母就話可能生下一個人係仔...HAHA!!

一魚兩味

招脾菜, 名副其實o既'糯米雞'

京都骨, 炸蠔

八寶鴨

魚湯野菌伊麵, 芥蘭

全部都超好味, YUMMY!!!

乖豬舅公送o左隻玩具雞俾乖豬做聖誕禮物呢!!!

其他精選相片:

乖豬7個月大喇!!!

呢張我覺得好似廣告相, 型唔型呢?!!