SK II 科研超淨斑精華: 試用快三周了!

試用快3星期喇!!! 

都係唔好講咁多, 去相先!!!!

 
我塊面係咪好似好有光澤咁呢!!!! 

其實我一D妝都無化o架, D膚色同乖豬有得fight o卦??? 

 VS  
29-4-2012                                                                                        24-4-2012

試用o左SKII 隻科研超淨斑精華後, 其實我都無expect 塊面o個D斑會完全消失o既, 比較番未用之前, d斑只係略略淡o左少少, 可能我本身斑唔係太多, 所以效果唔算非常突出!!! 雖然係咁, 但用o左隻精華, 就算我依然因為湊女而缺乏睡眼, 我D面色真係好o左好多呢!!!

點講好呢, 而家塊面好似無咁'黃', 白就同之前差唔多 (因為我都好少曬太陽喇...), 但膚色並唔係好似D無曬幾年太陽o既人咁白白青青, 而係白裡透紅, 有D似以前我跑完步面紅紅o個種感覺, 好自然透亮、健康o既感覺, 令我成個人都精神番唔少咁, 我諗呢方面都算係我試用呢隻精華後所得到最明顯o既改善效果, 亦係我最滿意o既地方呢!!!

仲有個幾星期我o地就第一次一家三口去旅行喇, 希望到時天氣好D, 咁就可以第一次帶乖豬去游水, 而我又可以做番運動, 修下身, 同陽光玩下遊戲!!! 而家有o左呢隻淨斑精華, 同陽光玩耐D都唔怕啦!!

媽咪, 你而家塊面好靚好滑, 我要摸多幾下先!!!

地中海海鮮焗飯

又係睇書學o既!!! 今次係賣相勁OK, 而且落足料, 有帶子, 蝦仁同魷魚, 但味道就淡o左d, 應該係我用o黎煮開茄醬o既'上湯'(魚湯)唔夠濃, 下次應該落雞湯好D!!!

喪笑

其實我只係由遠移近, 但Koey就笑到傻左咁~~~

主動叫'媽媽'

識主動叫'媽媽'喇!! (一朝起身, 有'要求'或想我理佢就會叫'媽媽'喇!!) 另外, up頭發展到我未問問題就up定頭(望住波波池up頭示意想入去玩), 有時真係估唔到佢想點, HAHA!!!

我做o左運動女健兒/運動達人??

之前yahoo blog 小編輯留言話可以試SK II, 咁我就join o左喇!!!

今日終於見到我張相post o左係yahoo style / whitening special 個page 度, 但咦??? 有d奇怪, 點解我會做o左運動女健兒/運動達人o既???

之前個agent同我溝通, 我get到係'媽媽blogger' 去美白喎(我click o左另外幾個blogger都係媽媽blogger呀!!!!), 所以之前幾篇我都係寫同湊B有關呢, 點解我會變o左運動達人o架??? 其實呢個agent都怪怪, 之前其實我可以早一星期拎D product, 但佢同SKII 溝通有問題, 搞到我白行一趟, 要遲一星期先拎到, 而家個header又咁奇怪...真係唔多掂!!

其實唔好話生B, 基本上我U grad後都唔多時間'運動'喇, 仲叫我運動達人, 真係受之有愧, HAHAHAH!!!!

Yes or No

Grandma VS Grandpa

SK II 科研超淨斑精華: 試用快兩周了!

試o左SK II 隻淨斑精華快兩個星期喇!!!

 VS 
24-4-12                                                                           19-4-12

um...睇相, 今個星期d斑斑好似同上次差唔多咋喎~!!

雖然d斑仲係度 (haha, 我當然無妄想d斑真係會完全唔見o左啦!!!), 但用o左隻精華後, 我d皮膚keep住飽滿同有水份!!! 點講好呢, 其實我膚質一向都尚算OK, 不過年紀漸長, 仲生埋乖豬, 掛住湊女唔好話要花時間去保養, 連出街著靚少少o既時間都無, 再加上長期缺乏足夠睡眠, 眼部位置真係變得越o黎越似大熊貓, 總之一個'殘'字都形容晒!!! 而家, 塊面多o左水份又飽滿o左, 個樣望落都好似精神d, 有光澤d, 出街唔化妝都無咁'嚇人'呢!!!

早兩日難得同老公子二人世界, 全素顏影相都唔覺我係'黃面婆'吧?? 相入面我真係連唇膏都無搽o架, 塊面望落都有少少'白裡透紅'feel吧??

唔知試多幾日效果又如何呢? 乖豬, 你近排鍚媽咪面面時有無覺得滑o左呀??  

魚香茄子拌麵

魚香茄子拌麵

跟住早幾日買本書o黎整(食譜本身無茄子), 不過整出o黎無書影o既咁紅咁靚呢!!!! 另外, 本台灣書寫o既烏醋我誤以為係黑醋, 番屋企先上網查番原來黑醋用o黎整薑醋o架, 不過我照落少少去煮, 味道又OK, 咁都好D, 唔使waste o左支醋!!!

遊旺角

乖豬出世後 ...應該話自大肚時開始, 出旺角已經變得唔容易, 今日我同老公子自乖豬出世後第四次 二人世界, 於是就去o左旺角行下!!!


去o左名寶石餐廳食lunch, 都幾貴, 但大件頭味道又OK!




肉眼扒, 薯菜份量少左D~


羊架有四件咁多, 正!!



食完o野去行街, 原來花園街變得闊落o左好多, 百老滙街原來有好多街頭文化節目, 仲留意到MK d女仔而家興著乜 (個人覺得著得好古怪...)!! 另外, o係出口店睇見淘寶想買件衫, 標價HKD259, 但淘寶只係RMB68, 原本都唔諗住淘, 而家睇見真係唔抵得, 原來HK通脹真係好勁, 睇o黎我都係繼續淘寶買衫算喇!!!


去o左食雞排, 我由大肚時已經成日叫老公要買俾我食, 結果而家先第一次食!!!


味道普通咋, 硬係覺得係台北士林夜巿食o既好味好多!!!

本來我同老公子都諗住買下衫, 但原來而家D有牌子o既衫褲真係郁D都要4-5百先買到, 真係誇, 所以我同老公子行足成日都買唔到衫...

行書局買o左呢本書, 老公子鍾意食飯, 呢本咁多款好似好吸引, 希望以後煮粉食唔使次次都係米粉烏冬啦...HAHA!!

杏汁白肺湯

三餸一湯




焗釀吊筒, 塞得太爆, 煮時魷魚收縮o即番好多出o黎...多o左D肉用o黎抄埋白菜仔!!! 另外, 煎得唔夠'lone', 賣相差左少少, 但味道幾Good!!


粉絲豆腐九肚魚, 味道OK, 但九肚魚煮親都散晒...


超巿有洗乾淨o既豬肺賣, 於是試下煲白肺湯, 不過用電磁爐無得燉, 所以我諗味道差少少!!! 同埋我攪碎D杏仁隔左渣, 所以個湯唔夠白!!!



第二日番滾番尋日留o左o既湯, 加番隔出o黎D渣, 個湯即刻白好多, 不過亦因為有渣, 入口就鞋左D...

SK II 科研超淨斑精華: 試用快一周了!

試用o左SK II 科研超淨斑精華快一個星期喇, 效果如何? 

去相:

 

太遠哩, 睇唔清楚? 放大D眼對落有淡斑o既位置, 再同上星期比較下:

  VS  
19-4-2012                                                                                               14-4-2012

咦, 好似真係淡左少少喎!!! 

其實肉眼睇我係唔多覺淡o左o架, 但睇相, 又好似有d分別喎!!!! 

睇番SK II 個廣告:
我o個d斑好似真係比未試用前'分散'o左少少呢!!!!

好喇, 效果就睇過喇, 講o左咁耐, 我都好似未介紹下我試用o既產品添!! 

左面一支係Whitening Spots Specialist,  概念店manager教我潔面後先搽爽膚水, 拍埋神仙水上面後就泵一試管份量搽係面, 搽完面霜就搽右邊1 set 28份o既Whitening Spots Specialist Concentrate就OK了!!

其實開頭我都有d擔心...

擔心我呢個懶人因為無爽膚水同神仙水, 怕試用o既功效會唔明顯呀!!! 不過, 而家睇到效果好似OK, 似乎擔心係多餘o既!!!

至於試用感覺, 其實搽完第一晚感覺係最明顯o既!!! 可能我平時懶開, 多數沖完涼搽水份mask就算數, 好少護膚, 而家認認真真試用呢set 淨斑精華, 又精華又面霜, 第二朝訓醒洗面, 真係覺得自己皮膚好似飽滿o左同多o左水份, 等我仲成日以為'淡斑'就'淡斑'添!!!

唔知試多幾日效果又如何呢? 乖豬, 幾時先俾我追到你d膚質呀?? 

龍B無望了!

自有o左乖豬後, 便一直計劃要生龍B, 因為成日覺得兩個B相隔年半至兩年係最好, 而我又覺得蛇年唔好聽, 所以就一直想要龍B!!!!

可惜呢, 今日再一次M o黎, 都唔知係第一胎太順利定今次太遲'計劃'(對自己太有信心, 無提早了解period長短, 又無提早幾個cycle try下先...), 實在有點失望...

由年頭'開始'到而家4月中喇, 我只係經歷左兩個cycle 咋, 都唔知點解生完第一胎後半年o黎番M, D cycle長到45-50日, 人o地兩個cycle我先一個cycle...變相少人o地好多機會, 而剛剛呢轉我已經用埋試紙幫手, 但都係失敗, 不禁令我懷疑係咪我身體出o左問題所以唔成功...

anyway, 而家只係叫做試左兩轉, 唯有繼續努力啦, 如果過多幾個cycle都仲唔得先再check自己係咪有問題吧...

自我安慰一下, 其實龍B同我同乖豬生肖係相沖o既, 蛇B競爭又少D, 所以都係唔好失望喇, 下個月再努力啦, 蛇B, 我等你呀!!!

第四十八周 (13/4 - 19/4): 乖豬識叫媽媽了!

今個星期初天氣超熱, 我同乖豬係屋企開住風扇都出晒汗, 但又唔想只係4月就成日開冷氣, 所以係屋企都幾辛苦, 最麻煩係要成日抹乖豬D汗, 怕佢俾D汗搞到出疹...(其實已經出左D熱痱...)!!!!

唔知同天氣熱係咪有關, 乖豬今個星期成日都唔肯食粥, 份量仲要只係平時一半, 但佢擰晒頭唔肯食都真係無符...只要佢唔好將之前肥番o個少少都減埋我都無咩所謂!!! 另外一個懷疑令佢唔食粥o既原因, 就係乖豬越大越貪玩, 所以成日心散!! 試過兩次乖豬最愛o既grandpa一入門口佢就唔食粥, 一味只係要grandpa抱, 又試過有次去99度, 99 o係佢食粥中途俾o左個新玩具乖豬, 咁乖豬就掛住玩唔肯食粥...似乎佢真係無以前咁為食喇, 開始鍾意玩多過食o野呢!!!!

發展方面, 終於超清楚咁叫'Mama'喇, 唔再好似之前咁'MAMAMA'當唱歌, 而係清楚到只會叫兩下'MAMA', 就咁叫佢'叫聲我', 或者人o地指住我'叫聲佢', 佢都識得'MAMA'咁叫, 證明佢知道'MAMA'係我, 而唔係模仿'MAMA'呢個發音呢!!!


另外, 乖豬仲學識埋up頭擰頭表達自己喇!!!其實乲前佢一直都識擰頭拒絕人o架喇, 但up頭就只係好間唔中先做, 仲要做o既時候可能只係模仿我, 而唔係真係明'UP頭'係咩意思, 但今個星期,  問佢o野時佢開始識UP頭, 練習左一兩日, UP頭擰頭o既表達都幾清楚, 對於我呢個媽咪實在方便o左好多呀, 因為溝通變得容易, 只要問得簡單明白D, 同每個問題問多幾次, 睇下乖豬o既答案係咪consistant咁就得!! 唯一難處就係, 佢越o黎越識利用擰頭拒絕人, 但我又唔可以次次都咁順佢意嘛, 怕令佢以為'佢唔鍾意'就等於'可以唔做', 但又唔可以'假民主'喎, 真係要學下點樣平衡到呢兩點喇!!!!

最後, 今個星期天氣熱, 開始正式逗乖豬痾殊殊幫佢戒片!!! 其實乖豬仲好細, 我開頭都無乜信心, 但我媽成日話我一歲就戒片, 咁乖豬仲有一個月就一歲, 我都唔期望佢可以一個月就戒到, 不過既然我細個得, 而家天氣熱唔怕成日除佢褲仔片仔, 試下又何妨!!! 

頭幾日只係佢訓醒先逗, 當時乖豬比較反抗, 特別係第一日, 因為佢以前一向以為坐potty = 去ng ng, 所以第一日一放佢落potty佢又唔係要便便就會喊, 我就唯有不斷叫佢'痾殊殊', 去多幾次, 一見佢真係去到vee vee就讚, 如是者兩三日後, 見佢好似知咩係'痾殊殊', 我就開始隔半個鐘或九個字逗佢去, 不過乖豬著片好唔定, 成日走左去, 次次逗完我都好似同佢打完交咁, 好攰!!!不過後尾乖豬學識埋UP頭擰頭, 而家我逗佢去前會問佢'抱你痾殊殊好唔好?', 佢UP頭我就逗, 擰頭我就會問多佢幾次, 如果真係擰頭, 咁就唔逗!!! 好彩, 乖豬都唔係次次擰頭o既, 所以而家逗得無咁密, 只要問得密D就OK!! 希望乖豬真係可以好似我細個咁, 1歲戒到片啦!!

精選相:

飲蔘蜜 (加冰糖唔係加蜜糖) 飲到變樣!

而家成日笑到好醜樣!!

o靚模

曬到變苦瓜乾樣!

扭計要爸爸抱

食鏡

鍚鍚

而家D笑容有時好'邪惡'咁!!!

如果我塊面好似乖豬咁白滑...

乖豬剛學識叫我媽咪喇, 真係超開心, 佢知道一叫就會有好多人'讚', 於是佢都好樂意係咁叫, haha, 聽見真係超lum呀!!!

上面段片係用我爸部新相機拍o既高清片呀, 清唔清?? 乖豬D皮膚o係高清下都勁靚, 真羡慕呀!!!

如果我塊面好似乖豬咁白滑...咁我就唔使成日做'鏡頭後的女人', 可以多D同乖豬一齊上鏡啦!!!!

早排收到yahoo小編輯留言, 知道有機會試用SK II, OK喎, 俾個機會自己唔好再咁懶, 對自己好d嘛!!!

今日出o左沙田新城巿SK II概念店拎"科研超淨斑精華", 概念店Manager好有心機咁教我點用, 仲用o左部機仔check下我塊面d 斑同實際年齡match唔match!!



先睇面中間無乜斑o既位置!!

結果:

斑點21%, 以50%為我呢個年齡o既平均色斑值, 我算係比較少色斑!!! YEAH!!!! 右面個3D圖越平越簿代表越少色斑, 伸出o黎一排排o個D就係集結o左 D色素o既地方, 主要係圍住d毛孔o既位置!!

跟住就係check我眼對落有少少色斑o既位置:


就咁睇上面我自拍張相都睇到我呢個位有兩點色斑仔!!!

結果:

測出o黎都有23%, 色斑問題都係偏輕, 但個3D圖就明顯比之前厚同唔平坦, 即係色斑真係多D!!!

是晚, 好認真咁拎o左呢set "科研超淨斑精華" 搽上面, 成個programme要用28日, 唔知試一星期後見效未呢?




如果用完真係可以好似乖豬咁, 面仔白裡透紅成個蘋果仔咁就好喇, hehe!!!