自有o左乖豬後, 便一直計劃要生龍B, 因為成日覺得兩個B相隔年半至兩年係最好, 而我又覺得蛇年唔好聽, 所以就一直想要龍B!!!!
可惜呢, 今日再一次M o黎, 都唔知係第一胎太順利定今次太遲'計劃'(對自己太有信心, 無提早了解period長短, 又無提早幾個cycle try下先...), 實在有點失望...
由年頭'開始'到而家4月中喇, 我只係經歷左兩個cycle 咋, 都唔知點解生完第一胎後半年o黎番M, D cycle長到45-50日, 人o地兩個cycle我先一個cycle...變相少人o地好多機會, 而剛剛呢轉我已經用埋試紙幫手, 但都係失敗, 不禁令我懷疑係咪我身體出o左問題所以唔成功...
anyway, 而家只係叫做試左兩轉, 唯有繼續努力啦, 如果過多幾個cycle都仲唔得先再check自己係咪有問題吧...
自我安慰一下, 其實龍B同我同乖豬生肖係相沖o既, 蛇B競爭又少D, 所以都係唔好失望喇, 下個月再努力啦, 蛇B, 我等你呀!!!
加油！其實咩生肖有咩所謂, 都係o個句最緊要你同bb都健康就得了！
回覆刪除[Percy回覆04/20/2012 12:36:46]傻啦, 唔好咁諗, 其實聽人講話想有BB一般都要試半年...一兩次就OK 係VERY LUCKY 呢！
[版主回覆04/19/2012 18:51:22]其實都係, 希望我同蛇BB有緣啦!!! 其實我最膽心反而係我身體係咪有咩問題咋...希望係我諗多o左啦!!!
希望越大, 失望越大?? 如果同koey一樣5月出世仲好啦!!
回覆刪除就算身體健康, 有bb都唔容易, good luck!!!!!! Take it easy!!
[版主回覆04/20/2012 18:48:19]又唔算太大'希望', 反而係有少少後悔M o黎番後應該早D 了解自己身體先, 唔應該太自信以為好似上次咁順利呢, 同埋而家D M真係亂到爆, 所以信心其實都唔係太大, 反而係多左D'緊張'...
HAHA, 其實5月出世真係唔錯~~~
或者睇下中醫，調理下身體會有幫助
回覆刪除[版主回覆04/23/2012 10:18:42]再下個CYCLE唔得就要睇喇...
係咪仲餵緊媽媽奶?餵緊受孕機會都低啲呀,我嗰陣都係停左先中
回覆刪除唔緊要啦,學你話齋蛇B少啲人爭咪仲好,我個女虎年都爭崩頭,完全唔敢想像阿仔龍年到時點算...
[版主回覆04/24/2012 22:46:28]我無餵喇, 奶量由個女半歲時O黎番M後就急跌, 到一個月前正式轉晒奶粉喇...
咁又係, 而且都真係生唔到龍, 只要同乖豬年齡唔好差太遠, 係龍係蛇都唔緊要喇!!!希望快D成功啦!!!
其實咩生肖都冇所謂啦...之後都唔會成日掛喺咀邊既...隔兩三年都ok, 到koey返左學, 你又可以專心湊細b嘛~ 加油!
回覆刪除[版主回覆04/25/2012 17:06:51]咁又係, 始終都總有人蛇年出世, HAHA!!!! 多謝你呀, 希望唔使等咁耐啦!!
其實係龍係蛇都無乜所謂呀! 好睇你點教佢㗎啫! 我啲同事話 2 歲的小朋友特別難攪 (terrible 2), 嗰時又多個 bb 要照顧會唔會好辛苦?
回覆刪除[版主回覆04/28/2012 10:10:23]因為我同我細佬妹都係相隔年半咋, 覺得咁樣可以一齊玩有個伴, 怕相隔得遠會難D一齊玩囉!!! 所以真係想快D生第二個呀!!
你咁快又黎過，加油呀靚媽！！
回覆刪除[版主回覆05/21/2012 11:45:37]仲繼續努力中...唉, 希望快D有好消息啦...