第四十六周 (30/3 - 5/4): 乖豬好惡呀!!

學o野方面, 乖豬疑似識叫'Mama'喇, 雖然多數仲係唱歌咁不斷'MAMAMAMAMAMAMA', 但間中叫佢叫我, 佢會好清楚咁'MAMA'兩聲, 希望真係識啦, 勁期待佢有日會主動望住我o黎叫!!!

乖豬越大越惡呀, 都唔知係上星期Grandpa唔抱佢令佢發惡後知道有用, 今個星期佢超惡, 一唔順意就大聲鬧人咁款, 搞到我o地D大人無晒符, 好惡搞呀!!!

另外今個星期乖豬超早起身, 以前多數7點, 但呢排係6點幾就醒, 搞到我呢個星期都好眼訓...

最後就係, 我呢個奶媽正式榮休喇, 由於朝早餐奶乖豬食幾啖就停, 雖然無扭計, 但真係自己知自己事, 唔想佢一直餓到10點幾11點先有粥落肚, 所以我主動轉埋呢一餐做奶粉喇, 由於今次係我做主動, 加上有晒心理準備, 所以無咩唔開心或唔捨得喇!!!

3/4: 去靖靖屋企玩, 不過靖靖好熱情, 嚇到乖豬大喊, 之後靖靖一行埋D又或者我行開D乖豬就係咁喊...明明細個都唔會咁, 真係越大越黐身...

落公園玩, 一放低佢坐靖靖架單車就大喊話我唔抱佢, 點知坐坐下發現好玩就自動收聲, 結果眼仔紅晒!!

4/4: 今日兒童節兼清明, 我媽話乖豬太細唔好去掃墓o既地方(我由大肚到而家都無拜過山喇!), 所以我就同中學同學兩家人齊齊睇爸爸們打golf!!!


呢個係翹翹, 大乖豬半歲!


推乖豬玩單車, 遲D乖豬識行就真係可以一齊玩喇!!!

翹翹識行無時停, 但又唔知危險, 成日行去阻住佢爸爸揮桿呢!!!

打完golf兩家人都無節目, 本來諗住簡簡單單一齊lunch就番屋企, 諗諗下最後去o左小白鷺餐廳(以為70-80一個set lunch, 點知今日係public holiday, 差唔多百五一個人, 好貴!!唯有當放下假豪D啦!!), 我第一次去咋, 食物普通啦, 唔值呢個價, 都係食佢環境!! 全程lunch乖豬都訓著o左, 我同老公子有啖好食, good!!!

乖豬訓左無份影相!



食完大家一齊去睇羊仔!

乖豬好似有少少驚, 而翹翹就叻D, 唔知驚識得餵羊仔食草

兩家人影下相玩下就過o左呢個兒童節, 我都好開心無啦啦呢日行程咁豐富呢!!

好鍾意呢張呢!!



5/4: 今日靖靖同禧禧o黎同乖豬玩, 點知'主場'o既乖豬都係最扭計o既一個...其實佢本身見到禧禧都未喊, 但後尾禧禧唔知係咪行得太埋推左一推乖豬, 乖豬就開始'怕', 又係靖靖或禧禧一行近或者我行開就喊, 唉...乖豬呀, 你咁樣點得o架, 又喊得大聲, 其他BB都俾你嚇親啦, 點識朋友仔呀...




喊包乖豬...人o地靖靖同禧禧成日笑, 不知幾乖!!!




乖豬就係咁全程黐到我實一實先笑...


落o左會所乖豬心情好D, 但有D大哥哥姐姐行得太埋都係會變臉想喊...
三個B一齊睇哥哥姐姐玩!


齊齊騎馬仔

齊齊騎鹿仔

今周其他精選相: