第四十五周 (23/3 - 29/3): 乖豬第一次病

上星期講開乖豬小傷風, 流o左幾日鼻水都無乜事, 咁我就無同佢睇醫生, 點知到第三日開始就聽到咳時有痰聲, 不過因為咳得都幾疏, 所以我都係無同佢睇醫生, 一直到第5日, 乖豬夜晚訓覺都咳, 鼻水又由水水咁變o左杰杰有黏性, 最後都係要帶佢去睇醫生喇!!!

其實我同老公子都唔多想俾佢睇醫生, 因為一o黎乖豬病情好似唔多嚴重, 唔想佢食西藥寧願佢自己好番, 二o黎怕診所其他BB傳染佢搞到佢病得更嚴重, 學朋友話齋, 真係要買定D保嬰丹係屋企看門口應該好D!!

Anyway, 乖豬呢隻為食妹真係'為食', 佢連藥水都照mark口食, 唔使用針筒, 呢方面真係要讚呢!! 至於食o左藥之後, 鼻水好似收番, 乖豬訓覺時又易訓o左, 有時1-2Min就訓著, good!!! ...其實乖豬病唔知同我人奶差唔多停產有關呢??希望佢傷風快D清啦!!!

發展方面, 開始有'主見'喇, 最鍾意指住呢樣o個樣'Er' 問大人係咩o黎, 又或者'er'一聲示意大人拎俾佢, 抱起佢時又識用手指某個方向'er', 要大人行過去, 認真意見多多!!! 調番轉, 如果我問佢某某東西o係邊時, 佢都識指番住o個樣o野, 準確度仲幾高添o架, 而家認得o既物件有: 屋企個衣櫃, 燈, 電視, Banana, Apple, 星星餅, 奶樽, Cushion, 電話, 相機, 我媽屋企個Clock, Washing Machine, 同魚 (不過唔知呢D物件調晒位佢會唔會仲記得...)!!...不過呢, 由於認知更多, 佢亦多o左表達不滿, 有時佢要大人拎o野俾佢而大人唔拎, 佢會惡住猛'er', 同大人鬥拉据一陣先會自己去拎呢!!! 

另外, 識得o既動作亦多左好多, 沖涼話要洗頭會自己用手'AU'頭, 沖完俾把梳佢叫佢梳頭又會用梳放係頭上下郁, 鍚鍚唔只識哄個頭埋人度鍚, 仲識拎住公仔鍚自己或人地塊面, 肚DUM, Toes呢D都識, 問邊個係'沛藝'佢亦識得拍自己, 不過呢...bye bye, hello可能做得太多無新鮮感喇, 而家做得求其左甚至叫極都唔做...

29/3: 今日乖豬Grandpa放假, 所以又抱乖豬去Grandpa屋企玩!! 由於乖豬勁黐Grandpa, 所以佢見到grandpa就一定扭佢抱, 嗒晒糖咁o架!! 呢一日本來想拍video拍低佢高高興興爬向Grandpa度, 點知佢爬到去, grandpa就走o左去, 搞到乖豬發晒脾氣呀!!


可能平時我同乖豬有晒規距, 我又少做D咩激嬲乖豬啦, 我都係第一次見乖豬惡到咁咋, 但另一方面又覺得好搞笑呢!!!!

最後, 連續兩星期都唔使'應籌', 老實講, 咁free真係幾開心!!!

其他精選相:

無啦啦咬左自己兩啖...


開媽媽梳妝台個櫃筒, 好彩個櫃筒仔好輕好細, 夾親都唔怕, 我反而想佢夾下自己, 等佢知痛唔好再搞搞震!!!


絲襪王~






10個月合照, 老公子因為出o左trip , 足足遲o左4日先補影番!