由於要湊囡, 呢套戲上畫時我同老公子都無去睇, 但傳媒同朋友係facebook度不斷吹捧到戲有幾好睇幾感人, 搞到我同老公子都覺得唔可以咁out, 出碟時一定 要第一時間買o黎睇番~
早兩日終於買o左, 襯Easter假期乖豬夜晚訓o左睇番, 不過可能期望太大, 反而有d失望...
套戲其實都OK, 算好睇, 但話好好, 就唔覺喇, 除o左'OK'呢兩個字, 我同老公子都無乜其他comment喇!!
至於失望o既地方, 係個故事太簡單, 簡單到幾個字就講完, 而且結局男主角做o左網上小說作家又係無乜說服力, 同佢後生d性格完全唔match...最後就係片中男生打手搶呢d'中學活動'真係唔知有幾真, 共鳴感真係無, 我同老公子都覺得, 要懷念中學生活純真o既情懷, 睇'不能說的秘密'呢類以中學生活為故事背景o既戲就得, 呢套都唔算係營造得特別出色, 唯一比較有共鳴反而係男生o既'馬尾情意結'...最後, 都要讚番少少, 就係真係拍得女主角陳妍希好'女神', 好清純好靚!!!
我同老公子都覺得為o左呢套戲, 令幾年都未必買一次DVD o既我o地特登買o黎睇, 真係有d唔值...haha~~~
咁係因為你感情路上太順利, 冇咩遺憾, 冇咩波折, 所以冇共鳴啫
回覆刪除[版主回覆04/26/2012 23:10:25]都可能係o既~~ 都有少少唔明點解兩個互相鍾意, 但追咁耐都一齊唔到, 仲要因為好小事, 就無再聯絡同無啦啦同左另一個人一齊..
上網睇唔駛買碟嘛
回覆刪除[版主回覆05/02/2012 22:30:02]太耐無睇戲喇, 唔知去咩網睇呀...