神神秘秘

放完假番工喇,無乜心機做o野呢!!!今日同事們第一次見我個新型像,佢o地猛話我係新同事囉...哈哈...不過呢個新look似乎都OK,至少除honey外,普遍都係讚呢!!

夜晚,honey話佢決定了星期五的節目喇喎,我以為自己估到,但聽聽o下又唔多似我估o個樣,神神秘秘咁,搞到我好期待,希望唔會失望啦!!!!嘻!!!

登高

今日係重陽節,我o地一家約o左親友登高拜山去!!!

由於今日我細佬、表弟都無出現,所以我要幫手食o野,食到好飽呢!!!噢,話咁快聽日又番工喇...!!

見鬼!!!Honey唔認得我呀!!

話說我電完髮後今日先第一次見我honey,我o地約o左下午出旺角行波鞋街,honey先係總站上車,之後我就係另一個站上車會honey!!

我上到上層喇,係我前面有個中年男人,佢本來想坐我honey霸俾我個位,咁好正常地我honey緊係話有人坐唔好意思啦!!!咁我跟住就行到honey身邊,想坐落個位度,點知honey對住我講"唔好意思,個位有人!",我呆o左一秒,然後用手打我honey個頭話"你傻o左呀!!!????"!!!!!

原來Honey完全認唔到我呀,佢話我個新髮型令我即刻老o左幾年,認唔到呀...激死我呀!!!!之後行街,honey都一直提住唔多鍾意我呢個新Look...真係慘!!!

行完波鞋街行瓊華,個商場安排o左好幾隻鬼搞氣氛,其中有一隻特別得人驚...(我好細膽的,特別怕o個d核突面具!),於是行成個商場我都提心吊膽,其中有隻僵屍嚇我,我即刻'lei'埋係我Honey背面,另一個工作人員之後向我遞上一個南瓜兜,原來入面裝滿萬樂珠,"tricks or treats",哈哈,嚇一嚇後原來有糖食!!!你o地話啦,我細膽成咁點去哈佬喂喎!

大日子1~萬聖節生日會

大姐會又搞生日派對,今次到小妹同Jenny一齊成為主角!!!

朝早同家人出跑馬地拜山,飲完茶後去o左shopping,買o左對鞋,仲即刻著住去會我班姊妹添!!!

兩點半準時到達灣仔,哦~,原來係去唱K呀,佢o地真貼心,知我上星期同同事唱得無癮,今日再唱番夠本!!!!我o地由三點唱到七點,好耐無同佢o地唱K喇,唱番舊時d快歌時大叫大笑真係開心!!!

唱完K去中環食西餐,好味!!飯後甜品係一個萬聖節蛋榚,有南瓜、斧頭、蜘蛛、骷髏頭等裝飾,好得意呢!!!最後當然係禮物出場啦,我係一對好閃o既皇冠耳環,而Jenny就係皇冠手鏈,好靚呀,我仲節刻帶住唔捨得除,真係好鍾意份禮物呀,多謝各位大姐!!

之後去蘭桂坊,雖然仲有好幾日先到萬聖節,但今日已經好多靚鬼嘩鬼出沒,好有氣氛呢!!!

正當我o地一行六人諗緊去唔去飲o野時,比蒂忽然暈倒呀,面無血色,成個人無力,嚇死我o地呀,連週圍都有唔少熱心巿民問我o地使唔使call 白車添呀!!!後尾我o地扶o左佢入杏花樓坐,由於我都係第一次遇到有朋友係自己面前暈低,當時真係呆o左唔識反應,手足無措,好彩老細反應勁快又熱心,俾o左杯姜水俾比蒂飲,坐o左陣後比蒂嘴唇終於有番d血色,大家都鬆口氣!!!

雖然去到蘭桂坊乜都無玩相又無影係有d可惜,但唔緊要啦,總有機會再去過o既!!

我似邊個明星呢!?

之前睇雜誌都見過呢個website,但一直唔記得試玩,今日試o左喇,哈哈!!

其實我試o左好幾張o架,其中以下呢次result最滿意喇,哈哈,因為似宋惠喬同金泰希呢兩個我心目中o既美人呀,哈哈...

另外我有張相有70%似我最愛o既深田恭子(不過o個張相最似其實係容祖兒呢!),我post o左去我自己個website,大家有空去http://hk.geocities.com/feon_ko 參觀o下啦!!

 

嘩,終於搵到張相個結果自己滿意o架喇,又似宋惠喬又似我最愛o既深田恭子呀,哈哈!!

唔知大家又覺得我似邊個呢?!

 

P.S.原來個face recognition engine係powered by 一間叫"Cognitec" o既公司...其實要design呢個engine係需要cognitive science o既knowledge o架,又令我回憶起我讀的那一科了...

http://www.cognitec-systems.de/index.html

肉赤

兩餐午飯, 一餐寧波一餐潮州,前者$160,後者$81 (連的士錢), 肉赤!!!

今日公司好靜,坐我對面的同事番了鄉下,所以我午飯後係度發呆無人理(其實我有o野做,但控制唔到自己係度發白日夢!),好想快d放工!!

Tea time食o左美味o既Doughnut,食o左5x(1/4)咁多件,好'漏'呀!!!

今晚換o左個新look,個師傅幾好人o架,我記得之前佢都有幫我電過髮,佢發現我d頭髮俾人剪到極短,佢話佢大約估到係邊個係'兇手',聽佢語氣,似乎佢都唔太滿意呢位'兇手'o既剪髮技巧呢!!

電o左兩個半鐘終於搞掂,我都幾滿意呢個公仔麵頭,睇落比直髮大個女d,下個月影畢業相唔使同前年一樣係直頭髮喇!!!!

神秘感

今日工作進度唔錯,清o左少少o野,所以臨放工又懶散o左少少,上網寫blog!!

尋日我honey開估了他為我下星期準備的大計,由於價錢超出預算,所以最終放棄,Honey又要傷腦筋諗第二d節目喇!!!Anyway,我都好開心honey為我做o既準備功課,不過我點都唔會改變要收神秘禮物同要有神秘節目o既要求o架!!!

無風度

呢幾日我好忙呀,自己技巧未熟,做得勁慢,d o野開始積埋清唔到喇,但我已經好勤力無停過手喇,只怪我太慢...

好不容易放工去打波,不過今日四個人打得兩塊拍,結果要單打,無得打時打機,有d無聊...好彩今日打一個鐘o者!!

臨走時有個男同事唔願拎自己塊拍番屋企,叫人幫佢拎,無人彩佢,點知佢出聲叫我拎喎...我第一反應梗係唔制啦,但見堂堂大男人扭扭拎拎,後尾我唯有爽快咁話幫佢拎囉...又會有咁無風度o既人o既...真無奈!!!

好彩!!!

honey終於問到佢出trip原來無撞到下星期o既約會呀,太好喇!!!!好期待,唔知有咩好節目安排俾我呢!!!

===========================================

今日我爸過海上堂,所以朝早同夜晚我都有順風車坐,好開心呀,唔使同人迫巴士火車,不過我爸真係長氣呀,放工時不停口,講足成程,佩服...!!!

將來!!!

同honey食下午茶,無端端佢醒起過兩星期可能要出trip,日子極有可能撞我兩星期後同honey o既約會呀,好膽心!!希望唔好撞期啦!!!!!

我似乎看見遙遠o既將來...理想當中,存在不少隱憂,心花怒放時亦難免感到不安!!!

感覺回來了!!

早幾星期我同honey好少見,一星期可能見得一個鐘,我真係悶到發荒,甚至覺得自己好似唔似有拖拍咁...!!!

今日約o左honey去打乒乓波,之前就一齊去飲茶,兩人邊睇報紙邊傾計,忽然拍拖o既感覺又番來了!!!雖然今日最終因為無場而打唔成波,但今日的確幾開心!哈哈!!

P.S.我從來對某種群體活動無興趣,所以真不想置身其中,可是實際上往往身不由己!!!

Lunch K

今日同同事LunchK呀,一行十二人好似好熱鬧,開頭我仲同另一位同事怕每人只可以唱得一兩首歌,點知...

點知d同事唔點歌呀,我唱了三首後都無人點,結果我又要自己點,而我點o既其實已經唔係最新o既歌喇,但同事們都唔識...(無理由差幾年可以有咁大代溝o架~!!!!!!)...結果一個鐘內除o左我同另外兩位女同事同一位男同事外,其他人全部未開過金口...為免dead air我唯有首首都唱,唱足成個鐘咁滯...雖然自己差唔多半年無唱K,的確過足K癮,但同事們都唔唱,搞到我好唔好意思哩~...

睇怕今次唱完後我有排都唔會再同同事唱喇...

P.S.走時係街見到個靚仔,睇睇o下覺得佢有d似我中學一位做o左記者o既師弟呢!!!而佢都有望到我,唔知有係咪只係人有相似呢!?

榴槤

今日同同事又打羽毛球,之後一齊去食晚飯,本來佢o地諗住去一間出名好味o既食,點知佢o地好耐無去過,裝修之後唔認得,食完出到o黎先發現過兩個舖位先係,下次一定要再試!!!

食完飯之後食糖水,本來提議食糖水位女同事同我一樣唔食榴槤,點知其他幾位同事都食,所以去o左一間出名食榴槤o既糖水店,一入到去我同呢位女同事都要用手襟住個鼻,實在太難聞喇!!之後坐我o地後面o既一枱仲要食埋煙,兩種味加埋一齊實在太嘔心!!之後我d同事又講食榴槤幾滋味,再講埋大樹菠蘿,嘩,聽到我同女同事縐晒眉呢!!

同事仲用手機影低我同女同事用紙巾襟住個鼻o既可憐相,好搞笑,遲d補貼俾大家睇!

P.S. 講開好耐無唱K,所以諗住星期五唱番個LUNCH K,太好喇,我'渴'o左唱K好耐,期待!

비 is Coming!!

終於等到비第四張專輯喇,仲上網睇o左佢係韓國表演o既showcase,雖然只係短短十分鐘片段,但我d尖叫聲未停過呢,實在太太太太太正喇!!!!!!!!!비個新髮型好清爽,令佢個樣比以前仲細個更加cute呢,快要暈喇我!!!

 

images from Yahoo!Korean :http://kr.img.search.yahoo.com/search/images?p=%BA%F1&b=52&z=&oid=13614664&subtype=com&target=detail&

狂力鐵剎人

今日係CogSc畢業兩年re-u o既日子!!

下午兩點,我做o左陣導遊帶團友Agnes同May去大埔食好好味、但好肥好熱氣o既豬排麵,希望佢o地喜歡!!!

之後三人騎單車向大圍出發,仲影o左d靚相!!

兩小時車程後,三人散晒咁出去海港城行街,邊逛邊大喊眼訓,哈哈!!

七點上到Cafe,因為約o左CogSc班同學仔Re-U,大約有十五人呢!!!開頭可能大家都未熱身,出現了少少dead air,都有d尷尬,好彩後尾氣氛都唔錯!!!

成晚八卦了同學們的現況,有讀PHD的、做空姐、老師、入境處主任、銀行MT等等!!

成晚最高興就係見到阿簡,佢做o左懲教主任,我o地當然問o左佢唔少工作上o既特別經歷,仲相約十一月第一個星期六叫佢帶我o地去赤柱監獄開放日添!!!嘻,好難想像'簡Sir'鬧犯人o既惡樣呢,哈哈!!!

是晚活動放十時結束,唔知下次相見大家又有乜變化呢!

P.S. 狂力鐵剎人',即'Cognitive Science',亦即係我大學時讀的科目!!

 

睡眠同運動都好重要!

前晚唔夠訓,尋日係公司呆呆滯滯,乜都做唔到,所以尋晚十一點就訓o左,今日精精神神番工,清o左幾份'功課',yeah!

放工同同事打羽毛球,由於有d同事要留係公司stand by,所以唔係太多人打,打兩個鐘原來真係幾支力...當然,我唔識追波打所以已經係打得最舒服o個個,呵呵!!!

聽晚約o左friend踩單車呀,似乎呢兩星期我都做好多運動呢,好o野!

雙喜臨門

好事成雙!!!

大姐會又有活動喇!!!十位大姐自年多前仙廸生日會後終於又齊人喇,認真熱鬧!!!今晚我o地去中環食上海o野,圍住坐傾計又方便,仲有間房添,幾嘈都唔怕!!

所謂好事成雙,今晚除o左係Emily牛一o既慶祝派對外,Jenny亦係大家面前宣布了一個好消息,大家得知呢個消息都好興奮,於是成晚o既話題就圍繞住呢個大喜訊,進而講到計劃同投資,原來大家都滿腹大計,看來我都要好好計劃一下先得!!!!

好消息

凌晨從好友得知一個好消息,心情勁興奮!!!!我終於恨到喇,嘩哈哈,夜晚同Honey傾電話我口中都猛話'好開心好開心!!!!',連honey同我講乜都無心機理喇~

今日係公司好free,上網睇o左一d相關文章,忽然有感,真係百般滋味在心頭呢!!!

同陽光玩遊戲

大家可能都留意到近呢幾星期我成日投訴無節目,今日我終於唔使悶悶咁困係屋企,仲好happy咁同太陽玩o左一個下午添!!!

我同Honey差唔多一點出發,去蔡潤記食o左碗靚麵後就去租單車,我同honey都記得上次租只係三十蚊,今次竟然要四十蚊,去大圍交車仲要五十蚊添,雖則都acceptable,但下次似乎要搵o下第二間會唔會平d!!!

由於最後選擇係大埔交車,所以我o地決定今次唔踩吐露港,改去大尾篤!!其實今次係我o地第一次踩大尾篤呢條路線,以前聽聞要踩出馬路,屋企人怕危險所以唔俾去,今日踩,原來已經有條靚靚單車徑(我似乎太後知後覺...),由大埔墟到船灣淡水湖水壩大約要一個鐘,都唔係太支力!!!

去到水壩,見到勁多一家大細係度放風箏,超級熱鬧,令我都覺得好有郊遊mood!!!我同honey坐係壩上休息,影o左少少相,包括八仙嶺,淡水湖同吐露港,仲有今日無休息o既太陽伯伯!!由於今日有風,坐係壩上真係好舒服,不知不覺就下午四點幾,回程前買o左杯富豪軟雪榚,好耐無食過喇,yummy!!

番到大埔差唔多六點,同太陽玩足成個下午都幾驚自己變o左黑人,但好彩,今日天空有陣煙霞擋一擋,膊頭上o既吊帶印好淺,似乎唔係曬得太黑呢!!Anyway,曬黑都抵,同陽光玩遊戲真係成個人都開朗番晒,咩都無所謂了!!

臨番屋企前收到個神秘SMS: 'Hope u happy everyday ar!', 印象中我上星期都收到同一個電話o既miss call,但我無add 對方Number去我手提,所以唔知對方係乜水呢...honey幫我打去探聽,係個女聲接電話!!!(honey似乎鬆了口氣,哈!)

你究竟係邊個呀?點解我回SMS問你係邊個你唔覆我o既?快d話我知你係邊個啦,唔好搞到我心癢癢!!!

掃興

中秋節快樂!!!今日放四點,不過對我o黎講作用唔大,因為早放我都無地方去,所以要先番屋企,再坐半個鐘又出動去沙田美心同親友做節食晚飯!!!今餐好豐富,我仲用我部大mon手機播放我的小時候片段 (我爸轉o左d盒帶落DVD,我再轉入手機,之後可以share俾大家睇,嘻!)俾舅父舅母們睇,大家都好開心!!!

九點幾番到屋企,大約十點半再出動,同Honey行公園!!!我同honey都忽然諗番起大家至少好幾年無行過公園喇,好懷念剛開始時行公園談心的日子...而家無呢支歌仔唱喇,哈哈!!!係公園賞月唔夠一個鐘,外星人急call,honey應對不妥,結果我o地被迫離開靚靚o既海濱公園...眼訓o既我被迫點幾鐘先番到屋企,本來咳緊o既我真係病多幾錢重...

所以今晚我同honey都係由好好mood變成無晒mood,多多少少都有點掃興...!!

窗外中秋夜景,燈火閃閃,好熱鬧!!!但比起七、八年前,燈火已經少了幾倍呢!!(影了夜景,但卻忘記為今晚的主角月亮姐姐拍照,失策!)